سؤال برسم عميد الكلية و الهيئة التدريسية و الهيئة الادارية

[PANADOL]

السادة عميد الكلية و الهيئة التدريسية و الهيئة الادارية المحترمين ،
تحية طيبة

نشكر لكم جهودكم في تطوير كليتنا

يرجى بيان قانونية فرض بعض المقررات على الطلاب و عدم إعطاء المقرر من قبل الأستاذ المختص .
و ما هي الأسباب التي يمكن لأستاذ المقرر أن يعتذر او أن يفرض المقرر بدون إعطاء للطلاب .
و في حال وجود ضعف عند بعض الطلاب في مادة معينة ، هل يبرر هذا الأمر قيام أستاذ المقرر بفرض المادة بدون إعطاء للطلاب ، لا بل و الأكثر من هذا أن يعطي الطلاب أسئلة تعجيزية و يقول أن الطلاب لا يفهمون شيئا !!!

أقوم و من هذا المكان بسؤال عميد الكلية و أعضاء الهيئة التدريسية و أعضاء الهيئة الإدارية هل من واجبات الأستاذ أن يستنهض همم الطلاب و أن يرفع من معنوياتهم و يشجعهم على الدراسة و التفوق و الإبداع ؟؟؟ أو أن يقوم بإحباط الطلاب؟؟؟

أرجو من السادة الأفاضل الاجابة على أسئلتي و اعتبار الهدف منها هو النقد البنّاء للنهوض بمستوى الكلية لأعلى المستويات.

و تفضلوا بقبول فائق الاحترام و التقدير

طالب من الكلية

[iead zaruor]

طيب شو المادة ومين الدكتور؟
شو الاسئلة الي عم تحسا تعجيزية؟
شو السبب الي بتتوقع انت انو يكون هو ورا انو الدكتور قرر محاضرة او اكتر ؟

[Sezar1991]

آخي كلامك ع العين والراس بس لو تقلنا ع اسم الدكتور والمادة يلي بيعطيا وانشا الله بتنحل .... وآنا معك بكل كلمة قلتا ومافي شي قانوني ولا غير قانوني بخلي آيا دكتور يعمل ه الشي

[beckham sh]

يعني مبينة .... دكتر الفيزياء .........جورج كراز

[PANADOL]

الاخوة اياد و سيزار أشكركم على اهتمامهم بالموضوع
وأتمنى ان أقرأ رد من السيد عميد الكلية او أحد أعضاء الهيئة التدريسية
على كل حال لا استطيع تحديد رقم شعبتي او فئتي و لا ذكر اسم الدكتور المقصود حتى لا يتضخم الموضوع و يصبح شخصي بيني و بينه (في حال أصر الدكتور على معرفة كاتب الشكوى) أو أن يصبح شخصي بين الدكتور و طلاب السنة الأولى .
على كل حال انا متأكد أن أغلب طلاب السنة الأولى و طلاب شعبتي بشكل خاص يعانون من هذه المشكلة.
حتى أن المحاضرات تحولت في الفترة الماضية الى حزازير (اسئلة تعجيزية) و جلسات احباط للطلاب (بسبب تأنيب الدكتور لهم بسبب عدم حلهم للحزازير)

طيب على فرض اني خبرتكم بأسم الدكتور .. شو رح يصير ... و أذا حطني الدكتور براسو و عرفني و قرر انو ما ينجحني بالمادة أبدا مين بيقدر يساعدني؟؟؟
و لكم الشكر

[PANADOL]

حبيبي بيكهام ش
رجلينا صارو بلفلقة سوا ^_^
سلامات

[ANAS SB]

ليك صديقي رح انصحك نصيحة وهذا بيضل رأيي وعن تجربتي وممكن تكون قاصرة شوي , المهم حاول بهي الكلية بمثل هي المشاكل أنك تأوجد حلول شخصية ألك , ولا تحاول تصلح دكتور او استاذ لأنك لح تتعب وما تستفاد شي , يعني لاقي الحل اللي يخليك ترفع المادة ولا تحاول تلاقي الحل اللي بدك تصلح فيه دكتور ما عندو ضمير لأن صدقني إذا لقيت مين يسمعك فما رح تلاقي مين يهتملك لذلك إذا شي دكتور(ة) قرر المحاضرة فهذا أمر كتير عادي ممكن ما يكون جاية على بالو يعطي و بالنهاية هيدا راي , وتقبل مروري

[BINARY]

هلا شو هي المشكلة؟؟ الدكتور قرر محاضرة؟؟طيب هلا انا مابعرف عن اي دكتور عم تحكو او عن اي مقرر(وانا ماعم دافع عن حدا) بس معقول هيك فات من الباب للطاقة وقرر محاضرة؟ يعني مافي سبب؟؟هلا اكيد في سبب فاذا كان السبب مقنع فالحق معو يعني هديك السنة احدا الدكاترة قرر محاضرة وطبعا انظلم الكل بس كان الحق معو لانو احد الطلاب أساء التعامل صحي انظلمو باقي الطلاب بس كمان الحق مع الاستاذ اما اذا ما كان في سبب وهيك من الباب للطاقة اجا وقرر المحاضرة فبراي تجتمعو مع طلاب الهيئة وتروحو لعند الدكتور عبد الله عمر لانو هو مسؤول عنكم وبتحكولو مشكلتكن (مو اول ما يصير مع الطالب شي شغلة دغري بروح لعند العميد لانو في اصول يعني بتروحو اول شي لعند المسؤول عن قسمكم واذا ما لقيتو استجابة وقتها بروحو لعند العميد رغم انو الدكتور عبد الله عمر كتير متفهم وبظن يقدر وضعكن)
هلا بالنسبة للاسئلة التعجيزية فياريت يا شباب تكونو واقعين شوي يعني من وين بدو يجيب الاسئلة؟؟كلها من مهاجكم يمكن انتو شايفين هاد الوضع جديد شوي بدكن تنسو ايام البكلوريا والمدرسة وتتعايشو مع الوضع الجديد وخااااااصة انتم في كلية الهندسة المعلوماتية يعني بدكن تلاقو تعجيز لتشبعو بس مافي شي مستحيل
وبالاخير بتمنالكن التوفيق
بس نصيحة صغيرة ايمو من راسكن فكرة الشكوى وتعايشو مع الوضع الحالي لانو ممكن يكون بس لانكن جداد على جو الكلية حاسين هاد الاحساس واذا مو هيك مابظن يتغير الدكتور ومو بقيان غير كم شهر بيخلص الفصل يعني مارح تستفيدو شي

[abod.net]

كلام الأخ anas sb هو الكلام الصحيح والسليم 100%
أغلب الدكاترة(99%) الموجودون في جامعاتنا وليس في كليتنا وحسب يحتاجون إلى رقابة بسبب غياب الذاتية وموت وانعدام وقلة وللأسف

[PANADOL]

abod.net
كلامك غلط مية بالمية.... و انا بخالفك بتعليقك... وجود الخطأ عند بعض الأشخاص لا يعني تعميم الخطأ على الكل
انت هيك شملت كتير من الدكاترة و من بيناتهم الدكتور كراز بكلام خاطئ و بطالبك بأعتذار رسمي و على نفس الصفحة
و بطالب القائمين على الموقع بحذف التعليق مباشرة
المشكلة مع الدكتور كراز ما بتتعلق بالضمير و الأمانة و الاخلاص أبدا أبدا .
المشكلة مذكورة بأول مشاركة ... بنصحك تقرأها منيح
و رجاء من الاخوة المشاركين احترام المكانة العلمية للدكاترة و عدم تحويل الموضوع لأي اتجاه غير موضوع الشكوى
و لكم الشكر

[BINARY]

اذا بتريدو يا شباب هدول الدكاترة الهن فضل علينا ولازم نحكي عنن بكل احترام مهما كانت الاسباب واذا في اي مشكلة مع أي دكتور مو هيك بتنحل لا بالخناق ولا الكلام الكبير كلشي بالتفاهم بصير
تقبلو مروري...

[iead zaruor]

[ANAS SB]

[abod.net]

بما إنك حديث عهد في الكلية ( أول سنة في الكلية) فيمكن أنك لا تعلم شيئاً عن الدكاترة (فلا تغرف بما لا تعرف )

وهناك ثلاث نقاط 1- أنا قلت هناك 99% بالتالي في 1% هم الذين تتوفر فيهم الصفات المثالية ( ويمكن يكون الدكتور الذي ذكرته منهم )
2 -أنا لم أخصص دكتور معين و لكنني عممت (ولا أعرف ما المشكلة مع الدكتور الذي تفضلت بذكره )
3- أنا قلت 1% من جامعاتنا (أي في كل الكليات )أي كل 100 دكتور يوجد دكتور 1 يحمل الصفات المناسبة وفي جامعاتنا يوجد 10000من الدكاترة في جامعاتنا
وبالمناسبة هذه السنة الثالثة لي في الكلية

وأخيراً أنا أعتذر ان كان كلامي قاسيا لأن ذلك سوف تعلمه بعد خروجك من أول امتحان تقدمه


ومن ثم تستنتج أن كلامي سليم
وشكراً لسعة صدرك

[PANADOL]

الاخ اياد
مشكور على الجواب يلي بيبرد القلب
الاخ أنس
مبارح كنت عم احضر على الفضائية السورية برنامج المواطن و الوزير و الضيوف تبع البرنامج هنن وزير التعليم العالي بالاضافة لوزيرين تانيين ، و اذا كنت متأكد انو معك حق 100% فيك تبعت للسيد الوزير مباشرة عن طريق البرنامج اذا السيد عميد الكلية ما سمع لشكوتك .
على كل حال موضوع الشكوى هية طريقة اعطاء الدكتور كراز للمادة و احباط الطلاب بدل من تشجيعهم و فرض مقرر كامل على الطلاب مو بس محاضرة او تنتين!!!

فيا ريت لو الاخوة بالهيئة الادارية او احد الدكاترة الأفاضل يحكولنا مع الدكتور مباشرة و يخبرونا الجواب مباشرة على الموقع و بدون ما نجمع بعضنا.. لأني متأكد انو أغلب الطلاب رح يتبعوا استرايجية الهروب و يارب أسألك نفسي و حط راسك بين الروس و قول يا قطاع الروس لهيك مستحيل تجتمع كلمتهون ابدا ، و ما رح تروح غير على يلي بيشتكي و بيكون كبش الفداء للسنة كلها.

و لكم الشكر مقدما

[alaa-aden]

الله يرحم ايامك يا مصطفى عليوي

[iead zaruor]

[PANADOL]

انا عندي عتب على الطلاب الأقدم يلي علّقوا على الموضوع :اياد و عبود و علاء و مودة

نحنا طلاب السنة الأولى جايين على الكلية و كلنا نشاط و حيوية ... و كلنا أمل بالمستقبل يلي جاية و يلي رح نبنيه بعلمنا... نحنا الدم الجديد يلي رح يغذي البلد و ينشطها و يرفعها لأعلى المستويات بعد التخرج .
بصراحة كل يلي علق تعليقات سلبية انا بتشكرو من كل قلبي ... بس انا بعتذر اني قول .. خليكون عايشين بسلبيتكون و بواقعكون و لا تحاولوا تغيروا شي ... مشان هيك رح تضلوا هيك .. أشخاص سلبيين .. و رح تتخرجو من الكلية و ما رح تغيرو شي من مجتمعكون و لا بلدكون ... و كيف رح تغيرو اذا مو طالع بأيدكون تطالبو بحقكون أنو تاخدو مادة علمية بطريقة عادلة.
على كل حال مشكورين اخواني ... نحنا بنعرف شو نعمل و لوين نروح وقت بتتسكر الابواب بوشنا.
والسلام

[iead zaruor]

[DARK ANGEL]