تعيين هيئة ادارية جديدة

[iead zaruor]

[LAN]

[iead zaruor]

[ehsan]

شباب هلق هي الشغلة أكيد ما كان فيها فيتامين واو

[LAN]

[iead zaruor]

[iead zaruor]

[ehsan]

[iead zaruor]

[syrian]

[malak90]

[ehsan]

[syrian]

[MSC]

تحية طيبة للجميع,
بعد قراءة المناقشات الكثيرة التي دارت حول موضوع تعيين الهيئة الإدارية الجديدة أحب أن أطرح بعض النقاط:

أولاً: شكر كبير لأعضاء الهيئة القديمة على كل جهودها و منتمنالون كل التوفيق.

ثانياً: حادثة تعيين الهيئة باختيار من اتحاد الطلبة دون الرجوع للطلاب هي "بدعة" جديدة و مخالفة واضحة للفقرة -ج- من المادة 28 من القانون الداخلي لاتحاد طلبة سوريا
و التي تقول بانتخاب أعضاء الهيئة الإدارية الأصلاء و الاحتياط حسب تسلسل الأصوات.

- بالإمكان الاطلاع على القانون الداخلي للاتحاد و تحميله من الموقع: http://bit.ly/qWYpeF -

ثالثاً: من الواضح من خلال النقاشات أن اعتراض الأغلبية و انا منهم ليس على أفراد الهيئة الجديدة -معظمهم أصدقائي الذين أكن لهم الحب و الاحترام- لكن على طريقة التعيين و قبول أعضاء الهيئة الإدارية الجدد التعيين دون الرجوع للطلاب و مشاورتهم في الموضوع.

رابعاً: لكي لا يتطور الخلاف بين زملاء و أصدقاء الكلية الواحدة و خاصة في مثل هذه الظروف أقترح أن يتم حل الخلاف بإجراء انتخابات واضحة و شفافة في موعد محدد و خاصة أن أعضاء الهيئة الجدد لا يمانعون هذا الخيار و أرجو ان تصدر هذه المبادرة منهم كبادرة حسن نية في أولى اجتماعاتهم.

مع فائق احترامي و تقديري لجهود الجميع للوصول بكليتنا و جامعتنا و بلدنا للأفضل دائماً.

[star2012]

خلي الطابق مستور
كل طلاب سنتنا بتعرف قصتك والهيئة مالها علاقة فروح عالج مشاكلك ولا تلوم حدا غيرك ماشي

[star2012]

بما أنو انحذف ردي فلح اعطي الزبدة بدون مخالفة للقوانين
البيتنجان بآخر أيامو فما في مشكلة انبسطوا بهالكم يوم يا هئية بس بعدها خلوا معارفكن تنفعكن
لح نسقطكن وما لح نقبل بهيئة غير شرعية

[Trojan]

طولي بالك اخت star2012 ولا تتعدي بكلامك على زميل النا بالكلية
مهما كان الأمر اللي خلاكي تحكي عليه

بالنهاية مشكلتك مو مع أعضاء الهيئة الجدد مشكلتك مع الاتحاد واذا كل هالقد رافضة الفكرة
(يعني لدرجة انك تعديتي الحدود كتتتتتير) بوشك على مكتب الاتحاد قدمي اعتراض أو روحي
احكي هالحكي معون وكبري بالحكي على كيفك

يعني بالنهاية كلنا رافضن الفكرة بدون انتخابات بس استنوا شوي لنعرف وين الله حاططنا ونعرف شو
لازم نساوي انو الهيئة لسا ما استلموا وصار فيهن هيك فكيف اذا صار انتخابات وطلعوا هن الهيئة
رح تطلعولن حجة تانية انو الانتخابات فيها لعبة واذا ...واذا ...واذا.... كلوا بيلتقالوا حجة مانا قضية
بس ليش دائما منكون قوالين مو فاعلين يا اختي روحي اشتكي صرخي اعترضي تظاهري اذا بدك كمان
بس مو تبهدلوا للزلمة بدون ما يكون عندكن (((دليل))) ...فجيبو الدليل وفرجونا ياه وبتشوفوا شو بصير

واذا صارت القصة اسقاط هيئة فهي صعبة كتير بدون اعتراض رسمي وبالمناسبة لا رح تقدري تأسقطي
لا هيئة ولا حتى البيتنجان اللي بآخر أيامو

كتير حاولت اسكت عن ردود بتدل على أصحابها بس ما عاد قدرت لأنو بالفعل مل شي زاد عن حدو نقص
وياريت نراعي المبادئ والأخلاق قبل ما نحكي ايا كلمة

[the mistro mg]

شباب أول شي اذا بتلاحظو عدد الأشخاص المعترضين وحاطين ردود فما بيتجاوز 20 طالب
ومو كلهن طلاب...
وأنا شباب الهئية الجديدة بعرفهن وبعرف شعبيتهن بالكلية.. وبأكدلكن أنو ما رح يكون ألهن منافس
بس بغض النظر إلهن منافس ولا لأ... لازم يصير انتخابات بدون أي مناقشة
بس لازم ما تنسوا أنو بالآخر الشباب كلهن طلاب... وباقيلهن سنين ليتخرجو
وممكن يكون قرار أنن يتركو الهيئة قرار مضر لألهن...
وتجو تقلولهن كونو مبدأيين بغض النظر عل العواقب, فهاد الكلام مو صحيح
لأن دخلنا هل الكلية كرمال مستقبلنا, والكلية صعبة متل ما الكل بيعرف
هيك مشاكل ممكن تخليهن يصطدمو بدكاترة أو بشخصيات تأثر عليهن
فمو معقول يروح سنة أو مادة, كرمال منصب متل الهئية الإدارية اللي الكل بيعرف أنو التعب فيه أكتر بكتير من الربح

لهيك اللي بدو يصير في انتخابات مو الحل يرمي المسؤولية على غيرو ويقلو روح استقيل
لا يروح بنفسو ويطلب بالمكان المناسب تغيير هل القصة
اللي عندو مشكلة بحلها بإيدو مو بيرمي حلها عل العالم

وبالآخر بتمنى أنو هل الموضوع ينغلق, وينحط إعلان بشكل سريع على يوم بيجتمع فيه كل الطلاب مع طلاب الهئية
وبصير الحكي مباشر بسبب شغلتين
الأولى: أنو التواصل الكتابي غالبا بيوصل لطريق مسدود, وبصير فيو سوء فهم
التانية: أنو في أشخاص بتفوت باسم مستعار وبتعمل اشتراك عل السريع وبتلقي بكلمات استفزازية بتزيد من التوتر
وبتزيد من تعنت كل مين على رأيو.

مشكورين طلاب الهئية القديمة بعرف البعض منهن, ووالله أنهن خيرة الشباب
وطلاب الهئية الجديدة بعرفهن بس مو كلهن وبقول كمان أنهن من خيرة الشباب
وبالتوفيق لكليتا, ولبلدنا

[Mr.TAMER]

[ANAS SB]

للأسف فرعنا جميل ورائع , ولكن كليتنا عما تقتل هل الروعة والقداسة اللي فيه , لذلك أفضل شئ الخلاص بسلام والهروب بسرعة :'( ومارح يتحسن شي