دورة تقوية في البرمجة1

[Mu_Nizar]

السلام عليكم ..
بناءا على رغبة الزملاء الطلاب سيتم إقامة دورة تفوية في مقرر البرمجة1, تهدف هذه الدورة إلى ترميم الأفكار و المفاهييم النظرية المتعلقة بالبرمجة1, بالإضافة إلى التمرّن على حل المسائل و مناقشة أفكارها و تنفيذ بعضها على الحاسب.
تيدأ هذه الدورة يوم السبت 25 الشهر الجاري
على الراغبين بالإنضمام للدورة إخباري عبر الإيميل أو عبر رسالة خاصة, علماً أن مكان الدورة المُقترح هو معهد الشام, و المدة المتوقعة 25-30 ساعة [5:مسائل و مفاهيم أساسية, 10:مصفوفات, 10:توابع و إجرائيات, 5:العودية] موزعة على 5~6 أسابيع, ( كل أسبوع 5 ساعات, جلسة ستكون 3ساعات, و جلسة ستكون ساعتين), و التكلفة المتوقعة 1800~2000,
أوقات الجلسات لن تتعارض مع دوام الجامعة, جلستين أسبوعيا, الأولى يوم السبت و الثانية في يوم آخر و بتوقيت يناسب الطلاب.
تفاصيل أكثر عن الأوقات و الدوام سأعرضها لكم قريبا بعد أن تتضح لدي الصورة عن عدد الطلاب, و بعد أن أعرف رغبة الطلاب بأوقات الدوام.
أخيرا: أطيب التمنيات للجميع بالنجاح و التوفيق.

[*dream*]

مرحبا
لوسمحت في بنات مضطرين عالدورة بس هنن من برات الشام ومابيعرفو منيح فيها وخاصة بهل ظروف ففي مجال تساووها بالكلية او قريب منها وياريت يكون يوم خميس بعد الدوام وشي يوم تاني من ايام الدوام مناسب الكن وللطلاب يعني احسن مانروح نهار السبت بالروحة والدوام والرجعة ويعني اسمنا جايين عالكلية وجايين
اول شي النا خلص مارح يناسب الوضع وبلاها بعدين النا منساوي العلينا وبنجرب نسالكن لانو هاد على كل حال وضعنا
وشكرا كتير الكن ولاتآخزونا ارجو الرد سريعا

[Mu_Nizar]

لوسمحت في بنات مضطرين عالدورة بس هنن من برات الشام ومابيعرفو منيح فيها وخاصة بهل ظروف ففي مجال تساووها بالكلية او قريب منها

الحق معكم ...
هلأ مكان المعهد بنص الشام تمام و ما بضيع حدا... وهي تفاصيل العنوان:
viewtopic.php?f=72&t=11968#p178653
للأسف موضوع نساوي هيك شي بالكلية مستحيل - إنتو هلأ سنة أولى وما بتعرفو كتير عن كليتنا - فمستحيل نقدر نعمل الدورة بالكلية..
قريب من الكلية ما في معهد... بعدين مكان المعهد أقرب للمدينة الجامعية يلي بالمزة منه للكلية, بالنسبة للطلاب يلي قاعدين بالمدينة الجامعية ...

وياريت يكون يوم خميس بعد الدوام وشي يوم تاني من ايام الدوام مناسب الكن وللطلاب يعني احسن مانروح نهار السبت بالروحة والدوام والرجعة ويعني اسمنا جايين عالكلية وجايين

أنا موافق ما عندي مشكلة .... بس حسب رأي الأغلبية ... و هاد الشي منقرره بأول جلسة, و يلي مضطرين تكون يوم سبت

اول شي النا خلص مارح يناسب الوضع وبلاها بعدين النا منساوي العلينا وبنجرب نسالكن لانو هاد على كل حال وضعنا
وشكرا كتير الكن ولاتآخزونا ارجو الرد سريعا

يلا يارب ...
موفقين إن شاء الله ..

[emoo91]

اكيد رح نسجل
بس رح تتعب معنا كتييير لانو مابنعرف كتير بالبرمجة
مشان هيك بدك تتحملنا

[*dream*]

مرحبا
ملاحظة
" المشكلة انو نحنا منروح عالكلية وبنرجع لبيتنا يعني (منسافر يوميا )ومالنا آعدين بالمدينةالجامعية ولامنعرف وين مكانها أصلا "
بس مارح لح عليك مشان تساووها بالكلية لانو يبدومن كلامك مستحيل
فرضا ساويناها بهاد المعهد
في شغلة مافهمتا شو قصدك بردك "يلي مضطرين تكون يوم سبت" ؟

[*dream*]

شو الميكرو يلي بناخدو من ادام الكلية (الباب الرئيسي) مشان نروح على هاد المعهد ووين بنزلنا يعني شو اقرب شي للمعهد بنزلنا حدو
أو
سمعت انو باص مهاجرين بوصل على البرامكة بس وين بنزل بالتحديد بالنسبة للمعهد وكيف منكفي؟
ومشان الرجعة شو الميكرو يللي برجع عالجامعة وهل دغري مناخدو من شي مكان قريب للمعهد
بعتزر اذا عم نتقل عليك وشكرا

[Mu_Nizar]

اكيد رح نسجل
بس رح تتعب معنا كتييير لانو مابنعرف كتير بالبرمجة
مشان هيك بدك تتحملنا

بإذن الله ...
الله يوفقنا و يوفقكم

مرحبا
ملاحظة
" المشكلة انو نحنا منروح عالكلية وبنرجع لبيتنا يعني (منسافر يوميا )ومالنا آعدين بالمدينةالجامعية ولامنعرف وين مكانها أصلا "
بس مارح لح عليك مشان تساووها بالكلية لانو يبدومن كلامك مستحيل
فرضا ساويناها بهاد المعهد
في شغلة مافهمتا شو قصدك بردك "يلي مضطرين تكون يوم سبت" ؟

يعني يوم السبت هو أكتر توقيت مناسب لغالبية الطلاب ليكون موعد أول جلسة, و يلي فيها ممكن نشوف رأي الأغلبية في اختيار بقية أيام الدوام ..

شو الميكرو يلي بناخدو من ادام الكلية (الباب الرئيسي) مشان نروح على هاد المعهد ووين بنزلنا يعني شو اقرب شي للمعهد بنزلنا حدو
أو
سمعت انو باص مهاجرين بوصل على البرامكة بس وين بنزل بالتحديد بالنسبة للمعهد وكيف منكفي؟
ومشان الرجعة شو الميكرو يللي برجع عالجامعة وهل دغري مناخدو من شي مكان قريب للمعهد
بعتزر اذا عم نتقل عليك وشكرا

تماما, مهاجرين-صناعة.... بتنزلو عند دوار البرامكة, و مين ما سألتو بدلكم ... المعهد بعيد عن دوار البرامكة شي 100 م.
و بالرجعة نفس الشي

[Mu_Nizar]

أذكركم أن موعد أول جلسة هو يوم السبت القادم 25/2/2012, من الساعة 9 إلى الساعة 12 ...
أرجو من كل من سجل اسمه أن يأتي يوم السبت لنتكن من الإتفاق على أيام الدوام ...
و دمتم سالمين .

[hguvfd55]

أذكركم أن موعد أول جلسة هو يوم السبت القادم 25/2/2012, من الساعة 9 إلى الساعة 12 ...
أرجو من كل من سجل اسمه أن يأتي يوم السبت لنتكن من الإتفاق على أيام الدوام ...
و دمتم سالمين .

متى تم تسجيل الاسماء؟؟؟
انا لم اسجل اسمي ولكن سااتي

[Mu_Nizar]

أذكركم أن موعد أول جلسة هو يوم السبت القادم 25/2/2012, من الساعة 9 إلى الساعة 12 ...
أرجو من كل من سجل اسمه أن يأتي يوم السبت لنتكن من الإتفاق على أيام الدوام ...
و دمتم سالمين .

متى تم تسجيل الاسماء؟؟؟
انا لم اسجل اسمي ولكن سااتي

ok,

[l0ve angel]

أنا كمان ما سجلت أسمي ففيني أجي؟؟

[Mu_Nizar]

أنا كمان ما سجلت أسمي ففيني أجي؟؟

أي ما مشكلة ..
و أي واحد بدو يجي ما مشكلة كمان ...

[Mu_Nizar]

اليوم بدأنا أول درس ... والغريب أنو الطلاب يلي حاطوني ما اجو و يلي ما حاكوني اجو
ع كلن نحنا اتفقنا أنو يكون برنامجا كالتالي:
السبت: 9 -- 12
الأثنين: 3 --5
و لسا في أماكن

[emoo91]

هو بدك الصراحة معك حق بس والله ماقدرت إجي الوضع مأساوي عنا
بس في مشكلة هلأ (صحيح ما بحقلي إحكي لاني ماسجلت )...............
أنو كيف حطيتو اليوم التاني يوم الاثنين الساعة3 مع انو في محاضرات بالجامعة.....!!!!!!!!!!!
صحيح هي عربي وانكليزي بس ع الاقل محاضرة التحليل بالشعبة الاولى بتخلص 2.5
ع كل حال انتو ادرى واكيد لو ما لقيتوه احسن موعد ماحطيتوه

[Mu_Nizar]

هو بدك الصراحة معك حق بس والله ماقدرت إجي الوضع مأساوي عنا
بس في مشكلة هلأ (صحيح ما بحقلي إحكي لاني ماسجلت )...............
أنو كيف حطيتو اليوم التاني يوم الاثنين الساعة3 مع انو في محاضرات بالجامعة.....!!!!!!!!!!!
صحيح هي عربي وانكليزي بس ع الاقل محاضرة التحليل بالشعبة الاولى بتخلص 2.5
ع كل حال انتو ادرى واكيد لو ما لقيتوه احسن موعد ماحطيتوه

خير إن شاء الله ...
لأ إلك الحق تحكي تفضل :) ..
محاضرات شو؟
العربي + الإنكليزي + الثقافة = إلى أقرب .... :D
المحاضرة بتخلص 2 و نص, نحنا منبلش 3 ... و غالبا بتخلصو قبل 2 و نص, و حتى لو خلصت 2 و نص سرفيس الصناعة من ع المتحلق ب 5 دقائق بوصلك ع البرامكة ..

[sana22]

بإذن الله بكرا عالاكيد يعني في جلسة

[Mu_Nizar]

بإذن الله بكرا عالاكيد يعني في جلسة

إن شاء الله ..

[علاء العلي]

لو سمحت فيني سجل هلأ
لأني ماكنت اعرف بهيك شي

[hguvfd55]

لو سمحت فيني سجل هلأ
لأني ماكنت اعرف بهيك شي

ليش لا اكيد فينك تسجل والمقاعد الشاغرة متوفرة لحد يومنا هذا
والجلسة القادمة على الاغلب يوم السبت من9-12
والله الموفق.

[Mu_Nizar]

السلام عليكم..
يتم تأجيل درس يوم الخميس 15/3/2012 حتى إشعار آخر بسبب وجود دوام رسمي في الجامعة
الجلسة القادمة يوم السبت 17/3/2012 من الساعة 9 صباحا للـ 12