وبعدين مع هالكلية

[The Most Optimal]

يا أخوتي الكرام خلوها لله, ندرس وما في نتيجة والله المستعان
كان تعب الواحد او ما تعب نفس الشي والله انه الواحد معاد إله نفس بالحياة
لكان المواد اللي بدرسها الواحد وبتعب عليها ومثل ما قلتوا ما في نتيجة؟
وين رايحين احنا ؟, طب خلوها لله والله انه شي بدوخ.

[abo_almohr]

شباب نصيحة لاتوجعو راسكم بالتفكير ...
لإنو : في نسبة رسوب كل سنة ولازم تكون موجودة ..
بالرضى بالزور في نسبة رسوب لازم تنحط

لهيك انتبهو للأيام الجاية وبلى ما نوقف بنص الطريق نفكر بهالشغلات المحسومة .

[cute missy]

بصراحة هاد الشي بعتقد اغلب طلاب كليتنا بعانوا منه
عنا بالكلية مافي عدل وفي ظلم كتير بالعملي وكمان بالنظري يعني الواحد مابياخد حقه عنا ولا بلاقي نتيجة تعبه بتكون عالم مابتفهم الخمسة من الطمسة اسفة على هالتعبير يعني بس عنجد هيك يعني في طلاب ما بتشتغل ومذاكرتا شي غش شي مدري شلون مقدمتا والوظيفة او المشروع بكونوا اخدينوا من حدا واخر شي بتلافي بيجيبوا علامة شبه تامة ويلي تعب واشتغل بايدو ولا نقل ولا غش من حدا بياخد علامة واطية وكتير من الاحيان بتقدم انت ورفقاتك عاساس نفس الشي بشي فحص عملي مثلا وبتكون حالل منيح وبعديين بتلاقي فرق شاسع بين علامتك وعلامتن
يعني باختصار في حكي كتير شو يدنا نحكي لنحكي عن الظلم ولا عن نسب النجاح القليلة ولاعن الاسئلة يلي بتجي احيانا مالا متوافقة ابدا مع الشي يلي كان عم يعطيه الدكتور طول السنة ولا عن علاماتنا يلي مابتنزل عموقع جامعة دمشق متلنا متل باقي الكليات رغم انا كلية هندسة معلوماتية ولا عن نتائج الاعتراضات على علامات العملي يلي مابتطلع نتيجتن انا مقدمة اعتراض على علامتيين بالعملي ماطلعت نتيجة الاعتراض وطلعوا علامات النظري تبع هدون المادتيين وعلامة العملي مالا متغيرة انو عالقلية يعبرونا وينزلوا النتيجة ولو انو ماتغيرت يعني
طلاب السنة الاولى بكونوا شوي جداد على هالوضع يعني نحنا هديك السنة هيك كنا نتفاجئ بعجائب كليتنا بس لسا السنة الاولى طلعت اسهل بكتيييييير من التانية عكل حال نحنا اتعودنا هلئ وانتوا معكن معكن بتتعودوا او لازم تعودوا حالكن لانو هاد وضع كليتنا الدائم مابيتغير ويمكن متل ما قالوا من سيئ لاسوأ بس شوبدنا نعمل ولو انو نفسيتنا تعبت بس بالنهاية هاد مستقبلنا بدنا نضل نتعب ونشتغل ونحاول قدر الامكان انو مانخلي هالوضع يأثر علينا لنقدر نوصل لهدفنا بالاخير

[hossam2010]

الشعب يريد سلم تصحيح مادة الثقافة
وهاي مو منية من حدا لأنو المرسوم الجديد بقول انو لازم ينحط سلم التصحيح مع كل مادة بتنزل
ومشاااااااااان هيك ونشان علامات الثقافة اللي بتجلط!!!!!!!!!
الكل لازم يطالب بسلم التصحيح وخاصة للسؤال الثالث
وقتها لكل حادث حديث

[HELP YOU]

الشعب يريد سلم تصحيح مادة الثقافة
وهاي مو منية من حدا لأنو المرسوم الجديد بقول انو لازم ينحط سلم التصحيح مع كل مادة بتنزل
ومشاااااااااان هيك ونشان علامات الثقافة اللي بتجلط!!!!!!!!!
الكل لازم يطالب بسلم التصحيح وخاصة للسؤال الثالث
وقتها لكل حادث حديث

انا مبارح اطلعت حاكيت استاذ القومية انجلطت من نقاشو
قال بالسؤال التاني لي مو كاتبلو جبهة وطنية تقدمية بتروح علي عشر علامات واذا مو كاتب حزب بتروح عشر علامات واذا مو كاتب مدري شو بروح عشر علامات
يعني فالج لا تعالج

طلعلي اعذار مالها اي مبرر بس مافينا نقول غير حسبنا الله ونعم الوكيل في
لانو العلامات لا يمكن انو يلحق يصلحن بهالوقت الزمني
فاكيد في تشليف
واعذروني يا جماعة بس الوضع بعلامات القومية ببكي
يعني انا حاطة ترفيعا بال 80 بتفاجئ اني حاملتا يعني ظلم عينك عينك
اذا حبوا المشرفين يحذفو ردي ما عندي مانع
تقبلو مروري
وبالتوفيق للجميع
وحظ اوفر بالتكميلي

[SMART ANGEL]

طيب شو رأيكون نعمل ورقة اعتراض ونوقع عليها كلنا
حتى لو ماردوا علينا بنكون قلقنالون راحتون

[feras alkasar]

الشعب يريد سلم تصحيح مادة الثقافة
وهاي مو منية من حدا لأنو المرسوم الجديد بقول انو لازم ينحط سلم التصحيح مع كل مادة بتنزل
ومشاااااااااان هيك ونشان علامات الثقافة اللي بتجلط!!!!!!!!!
الكل لازم يطالب بسلم التصحيح وخاصة للسؤال الثالث
وقتها لكل حادث حديث

انا مبارح اطلعت حاكيت استاذ القومية انجلطت من نقاشو
قال بالسؤال التاني لي مو كاتبلو جبهة وطنية تقدمية بتروح علي عشر علامات واذا مو كاتب حزب بتروح عشر علامات واذا مو كاتب مدري شو بروح عشر علامات
يعني فالج لا تعالج

طلعلي اعذار مالها اي مبرر بس مافينا نقول غير حسبنا الله ونعم الوكيل في
لانو العلامات لا يمكن انو يلحق يصلحن بهالوقت الزمني
فاكيد في تشليف
واعذروني يا جماعة بس الوضع بعلامات القومية ببكي
يعني انا حاطة ترفيعا بال 80 بتفاجئ اني حاملتا يعني ظلم عينك عينك
اذا حبوا المشرفين يحذفو ردي ما عندي مانع
تقبلو مروري
وبالتوفيق للجميع
وحظ اوفر بالتكميلي

بحكم خبرتي بهي المادة
لو أنو الأستاذ تبع السنة الماضية صلحلي ورقتي كنت أخدت شي 85
أنا أخدت 35 خمسين علامة ما كتير فرقت
الصراحة في أخطاء بالتصليح
وعلى الأغلب السؤال تبع منجزات الحركة التصحيحية كان بدو تكتبولو كل شي شي 6 صفحات بالكتاب

المهم ليش عدد المتقدمين 246 بس مع أني بعرف عدد طلاب السنة الأولى شي 500 طالب
أنتو هيك خليتوه يضربنا بالتصليح ويطلع نسبة النجاح وسط
الا نسبة النجاح الحقيقية 25 بالمية وهي النسبة شبه مرفوضة بمادة الثقافة

[HELP YOU]

وعلى الأغلب السؤال تبع منجزات الحركة التصحيحية كان بدو تكتبولو كل شي شي 6 صفحات بالكتاب

المشكلة انو استاذ القومية حذرنا من أنو لي بيكتب اي كلمة من الكتاب ورقتو صفر هو بدو يانا نكتب من ثقافتنا
كتبنا من ثقافتنا وشفنا شو النتيجة


الحمد الله احسن شي

[SMART ANGEL]

وعلى الأغلب السؤال تبع منجزات الحركة التصحيحية كان بدو تكتبولو كل شي شي 6 صفحات بالكتاب

المشكلة انو استاذ القومية حذرنا من أنو لي بيكتب اي كلمة من الكتاب ورقتو صفر هو بدو يانا نكتب من ثقافتنا
كتبنا من ثقافتنا وشفنا شو النتيجة


الحمد الله احسن شي

عزيزتي يلي كتب من ثقافتو ويلي كتب من الكتاب تنيناتون رسبو
هو نجح قد النسبة يلي بدو ياها ورسب الباقي

[HELP YOU]

وعلى الأغلب السؤال تبع منجزات الحركة التصحيحية كان بدو تكتبولو كل شي شي 6 صفحات بالكتاب

المشكلة انو استاذ القومية حذرنا من أنو لي بيكتب اي كلمة من الكتاب ورقتو صفر هو بدو يانا نكتب من ثقافتنا
كتبنا من ثقافتنا وشفنا شو النتيجة


الحمد الله احسن شي

عزيزتي يلي كتب من ثقافتو ويلي كتب من الكتاب تنيناتون رسبو
هو نجح قد النسبة يلي بدو ياها ورسب الباقي

لا حول ولا قوة الا بالله

[SMART ANGEL]

وعلى الأغلب السؤال تبع منجزات الحركة التصحيحية كان بدو تكتبولو كل شي شي 6 صفحات بالكتاب

المشكلة انو استاذ القومية حذرنا من أنو لي بيكتب اي كلمة من الكتاب ورقتو صفر هو بدو يانا نكتب من ثقافتنا
كتبنا من ثقافتنا وشفنا شو النتيجة


الحمد الله احسن شي

عزيزتي يلي كتب من ثقافتو ويلي كتب من الكتاب تنيناتون رسبو
هو نجح قد النسبة يلي بدو ياها ورسب الباقي

لا حول ولا قوة الا بالله

طيب والله جد شو رأيكون نروح نعترض والله الوضع ماعاد ينطاق
انا سميت كليتنا كلية كل مين ايدو الو

[HELP YOU]

وعلى الأغلب السؤال تبع منجزات الحركة التصحيحية كان بدو تكتبولو كل شي شي 6 صفحات بالكتاب

المشكلة انو استاذ القومية حذرنا من أنو لي بيكتب اي كلمة من الكتاب ورقتو صفر هو بدو يانا نكتب من ثقافتنا
كتبنا من ثقافتنا وشفنا شو النتيجة


الحمد الله احسن شي

عزيزتي يلي كتب من ثقافتو ويلي كتب من الكتاب تنيناتون رسبو
هو نجح قد النسبة يلي بدو ياها ورسب الباقي

لا حول ولا قوة الا بالله

طيب والله جد شو رأيكون نروح نعترض والله الوضع ماعاد ينطاق
انا سميت كليتنا كلية كل مين ايدو الو

اسمحيلي عزيزتي
الاعتراض ما رح يجيب نتيجة
ما بدنا نضحك عبعص
الاوراق مستحيل ينعاد تصحيحا
يعني بالمختصر المفيد رح نبهدل حالنا عل فاضي
صح حملنا المادة بس خلينا بكرامتنا احسن
لانو نقاش الاستاذ مبارح جبلي الجلطة ومالي حابة انجلط مرة تانية
فبنصحك تنسي قصة الاعتراض
وتوكلي امرك لله

بالتوفيق

[mohamad shalabi]

حبيباتي
إذا منحكي من اليوم ل ........ ما في نتيجة
المشكلة كل "واحد" آخد ضو ....
و ما "حدا" بيحاسبه
هاد الواقع للأسف
.
ملاحظة:
"واحد" مو نفسه "حدا"

[ado]

ها..........................ها

عيش كتير بتشوف كتير

[ITE-S3ed]

ها..........................ها

عيش كتير بتشوف كتير

عم قول ليش منور الموضوع :)

[HELP YOU]

.
ملاحظة:
"واحد" مو نفسه "حدا"

أكيد
لانو "الحدا" أكبر من "واحد"
طبعاً من حيث الرتبة

[mohamad shalabi]

.
ملاحظة:
"واحد" مو نفسه "حدا"

أكيد
لانو "الحدا" أكبر من "واحد"
طبعاً من حيث الرتبة

طبعاً الله يخلينا ياهن

[DARK ANGEL]

طيب شو رأيكون نعمل ورقة اعتراض ونوقع عليها كلنا
حتى لو ماردوا علينا بنكون قلقنالون راحتون

والله الفكرة مارة من ئئبل مع طلاب السنة التالتة بمكادة الشبكات
حيث الأزمة تتمحور حول : أستاذ آخر وضع الأسئلة "مو استاذ المقرر"
والصدمة بالموضوع أنو كان في شباب معهوم شهادات بالسيسكو و ....
المضحك بالموضوع أنو كانت الأجوبة خاطئة
_____
ولما اعترضوا الشباب وعملوا ورقة ......... استلم العميد ورقة الاعتراض وشئها
وماطلع من امر الشباب شي ....
++++++++
لهيك شباب : العوض على الله

[الملكي1]

بيقولوا سيرة وانفتحت وبما انو سيرة وانفتحت .. في مشكلة لهلأ ما كنت اقتنع فيها ..!
هي : تخصيص جزء من علامة المقرر إما 20 % أو 30 % من العلامة على القسم العملي لمادة ما ..
ولاحظنا بهالسنتين :انو دائماً القسم العملي بياخد النسبة الاكبر من وقت الطالب طول الفصل .. وأحيان كان يمرء علينا ايام ما يكون النا سيرة غير وظيفة العملي يعني المقصد : انو القسم العملي لأي مادة ( مثلاً خوارزميات 1 ) عم ياخد جزء كبير من اهتمامنا ووقتنا _ خلال الفصل الدراسي _ إذا مو كل اهتمامنا ومقابل شو ؟؟! مقابل 30 علامة ومن الصعب انك تحصل على علامة عملي مرضية ..!!
وبالمقابل امتحان النظري بتدرسو خلال 4 ايام وبيكون عليه 70 علامة يعني مثلاً :
بتلاقي سؤال بامتحان الخوارزميات وهو سؤال تافه عليه 8 علامات مثلاً أي ما يعادل مشروع العملي يلي اكل معك شغل اسبوع زمان ..!

فهالفارق هاد بين العملي والنظري هوي مشكلتي اللي لحد هلأ ما اقتنعت بصحة سيرها بالكلية .. !
برأيي الشخصي : بما انو كليتنا كتييير بتعتمد على مواد برمجة .. فامتحان برمجة على الورق خلال وقت محدد فكرة بحد ذاتها مو كتييير صح ,, يعني إذا كان هدف الامتحان هو تحديد مستوى الطالب البرمجي فالأفضل انو يعطوه مشروع ويشتغلو ويرجع يأدمو بعد فترة زمن معينة وهيك بيحددو مستواه البرمجي بشكل أفضل .. وهاد الشي ( انو يصير تحديد مستويات الطلاب من خلال مشاريعهن ) بيقودنا انو تكون علامة العملي اكبر من علامة النظري او تساويها ..
وبالتالي عدل اكبر للطلاب لانو تعبهن ما رح يروح عالفاضي ... ما بعرف اذا حدا الو وجهة نظر تانية ..!

[Trojan]

بيقولوا سيرة وانفتحت وبما انو سيرة وانفتحت .. في مشكلة لهلأ ما كنت اقتنع فيها ..!
هي : تخصيص جزء من علامة المقرر إما 20 % أو 30 % من العلامة على القسم العملي لمادة ما ..
ولاحظنا بهالسنتين :انو دائماً القسم العملي بياخد النسبة الاكبر من وقت الطالب طول الفصل .. وأحيان كان يمرء علينا ايام ما يكون النا سيرة غير وظيفة العملي يعني المقصد : انو القسم العملي لأي مادة ( مثلاً خوارزميات 1 ) عم ياخد جزء كبير من اهتمامنا ووقتنا _ خلال الفصل الدراسي _ إذا مو كل اهتمامنا ومقابل شو ؟؟! مقابل 30 علامة ومن الصعب انك تحصل على علامة عملي مرضية ..!!
وبالمقابل امتحان النظري بتدرسو خلال 4 ايام وبيكون عليه 70 علامة يعني مثلاً :
بتلاقي سؤال بامتحان الخوارزميات وهو سؤال تافه عليه 8 علامات مثلاً أي ما يعادل مشروع العملي يلي اكل معك شغل اسبوع زمان ..!

فهالفارق هاد بين العملي والنظري هوي مشكلتي اللي لحد هلأ ما اقتنعت بصحة سيرها بالكلية .. !
برأيي الشخصي : بما انو كليتنا كتييير بتعتمد على مواد برمجة .. فامتحان برمجة على الورق خلال وقت محدد فكرة بحد ذاتها مو كتييير صح ,, يعني إذا كان هدف الامتحان هو تحديد مستوى الطالب البرمجي فالأفضل انو يعطوه مشروع ويشتغلو ويرجع يأدمو بعد فترة زمن معينة وهيك بيحددو مستواه البرمجي بشكل أفضل .. وهاد الشي ( انو يصير تحديد مستويات الطلاب من خلال مشاريعهن ) بيقودنا انو تكون علامة العملي اكبر من علامة النظري او تساويها ..
وبالتالي عدل اكبر للطلاب لانو تعبهن ما رح يروح عالفاضي ... ما بعرف اذا حدا الو وجهة نظر تانية ..!

بما انو السيرة انفتحت ومشي الحال..
بصراحة حكيك مظبوط 100% وانحكا بهيك شي من قبل طلاب السنة التالتة
ومادة المشروع اللي عندن هي اللي خلتن يحسوا بهالشي يعني متل ما قلت مشروع يشتغلو الطالب ومعو فترة معينة
(مو تلات ساعات أكيد ) يحدد مستواه وبهالحالة بالفعل بكون في عدل للطالب لأنو متل ما منعرف كلنا انو مستقبلنا بالبرمجة (بالعمل مثلا) ما رح يكون على ورق ..و لما تشتغل بشي مشروع فترة أسبوع مثلا أكيد رح تعمل شي كتير منيح ويطلع معك أفكار مبدعة لتطبقها بمشروعك مو متل لما تكون متقيد بتلات ساعات مارح تقدر فيهن تبين فكرك أو ابداعك البرمجي ويكون همك تحل أكبر قدر من الأسئلة بأسرع وقت لو كلفك هالشي تترك بعض الأسئلة على حساب أخرى ......

بالنهاية شكرا الك لأنك فتحت هالسيرة