شو مشان امتحان الخوارزميات2

[the lion]

السلام عليكم ورحمة وبركاته
شبيبة السنة التانية
حبيت افتح ها الموضوع مشان امتحان الخوارزميات 2 وشو الوسيلة لترفيعها
بما انو الجميع حل منيح( ) وبيرفعها
بقترح انو يتم تقديم طلب للدكتورة مشان الغاء السؤال الاخير وتورزيع علاماتو على بقية الاسئلة
لانو الاغلب ما لحئو يوصلولو ولاحتى يقرأوه
وبدنا ها الشي يتم عن طريق الهيئة الادارية لانو متل ما منعرف هنة سندنا بها الكلية
وبتمنى انو الكل يعطي رأيو

[angel boy]

لا يا زلمة شو ما حدا بيرفعها لا الكل رح يرفعها ع ال 50
والله شيبيئسي

وأقتراحك حلو وانشالله يطلع من ها الموضوع شي وتتجاوب الدكتورة معنا
وعم نننتظر الهيئة الادارية
والله يوفقنا جميعا بالامتحانات الجاية

[king_of_it]

حادثة ليس لها سابق
الدخول للامتحان بدون معرفة علامة العملي

ققققققققررررررببببببببتتتتتتتت

[galaxy_B]

اقتراح حلوووووو كتييييييييييير يلا شباب بدنا همتكن بالإقناع
والله الإسئلة طويلة وبدها وقت لتنحل

[D e L e T e]

السلام عليكم ورحمة وبركاته
شبيبة السنة التانية
حبيت افتح ها الموضوع مشان امتحان الخوارزميات 2 وشو الوسيلة لترفيعها
بما انو الجميع حل منيح( ) وبيرفعها
بقترح انو يتم تقديم طلب للدكتورة مشان الغاء السؤال الاخير وتورزيع علاماتو على بقية الاسئلة
لانو الاغلب ما لحئو يوصلولو ولاحتى يقرأوه
وبدنا ها الشي يتم عن طريق الهيئة الادارية لانو متل ما منعرف هنة سندنا بها الكلية
وبتمنى انو الكل يعطي رأيو

الله يوفق جميع الطلاب ...

و بلاها هيك اقتراحات مو منطقية ... لان كل طالب حالل السؤال يلي بيعرفوا وواثق منو .. والسؤال الأخير كان كتير سهل

وأغلب الطلاب يلي عرفوا ينظموا وقتهم حللو السؤال الأخير ... وبظن كان سؤال مساعدة ..

[BlzOfHK]

مو زابطة !!

في ناس ممكن يكونوا حالين السؤال الأخير ... وتاركين شي واحد من الأول ...

برأيي لازم الرسالة تصل فقط لتلافي هالشي اللي صار بالدورة التكميلية ...

[Trojan]

طولوا بالكن شباب شو هي إلغاء سؤال ؟؟؟!!
يعني <<إن>>صار هالشي فرح يظلم كتير طلاب كمان (بالمناسبة أنا مو منن )

بعدين كل شي الو حدود يعني قد ما صار فينا بأي فحص ما رح توصل لأنو نطلب نلغي سؤال
تخينة شوي ما

والشي ان زاد عن حدو نقص فطولوا بالكن وعندكن فرصة تانية لسا ما خلصت الدنيا

بعدين مين قال انو اللي حل السؤال الأول بس مستحيل يرفع المادة
يعني لنفرض جاب 25 بالعملي (متلي ) فممكن يجيب 35 ويرفعا

موفقين وانشاءالله منرفع البنيان والاتصالات وبمعدل وقتا ما عاد همنا الخوارزميات

[B .M .H]

مرحبا يا طلاب السنة التانية الصبورين بعتقد انو الأسئلة كانت هيك ليلمو شملنا بالتكميلي ويقوو مهارات التواصل بين الطلاب
مشان الخوارزميات انشالله عوضنا على الله بس مشان السؤال الأخير واللي والله ما لحقت اقرأه بلكي في طلاب حالينو حرام ينظلمو بعدين الدكتورة مستحيل تحذفوا طلبو شي معقول بس يلريت ينزل العملي مو مشان شي مشان أعرف اذا بحقلي قدم نظري عالتكميلي....

[alamal2m]

انا ما عندي ياها للمادة بس استهواني طلبكن
شو شباب المعلوماتية مفكرين حالكن صف عاشر

موفقين جميعا وبعتذر عالمداخلة بس أنا مع اللي نقال
انو طلبوا شي منطقي مثل تقليل العلامات تبع السؤال
وأنا بعتقد عن معرفة سابقة بالدكتورة بتحب تساعد الطلاب لآخر درجة
وبرجع بقلكن موفقين جميعا ..................

[الملكي1]

مرحبا يا طلاب السنة التانية الصبورين بعتقد انو الأسئلة كانت هيك ليلمو شملنا بالتكميلي ويقوو مهارات التواصل بين الطلاب
مشان الخوارزميات انشالله عوضنا على الله بس مشان السؤال الأخير واللي والله ما لحقت اقرأه بلكي في طلاب حالينو حرام ينظلمو بعدين الدكتورة مستحيل تحذفوا طلبو شي معقول بس يلريت ينزل العملي مو مشان شي مشان أعرف اذا بحقلي قدم نظري عالتكميلي....

نزل العملي .. مشي الحال

[syrianes]

أعتقد أن مستوى الأسئلة كان متوسط أو أقل من متوسط لبعض الطلاب
لكن المشكلة كانت في الزمن أي أن تقدير وقت الامتحان من جهة واضع الأسئلة خاطئ
(مع احترامي للجميع)

وبشكل عام ان تكرر ما حدث اليوم في الدورة الصيفية فسنكون بالمرصاد
أي أننا سنستطيع تخطي هذه المشكلة إن لم يتم استدراكها
ومعالجتها من قبل الجهات المختصة(الدكتورة يعني)

في النهاية بعد ما حسيت حالي ألقيت خطاب::
بتمنى انو نتخطى قصة انو بعد كل فحص نلوم ناس ونحط الحق عناس
يعني اللي صار صار مهما كانت عواقبه ولازم ننسى ونتطلع لقدام ونركز عاللي جاية من موادنا
وغير موادنا (اجتهاداتنا الشخصية) لأنو متل ما الكل بيعرف انو بالصيف بتكتر الدورات وبيتكثف الجهد

تقبلوووا مروري
شكرا

[owis]

لك مشااااااااااااااااااااان الله يا جماعة يعني هالوضع شووو ما كان ما عاد ينسكت عليه يعني مو مئعول كتييييير طخنيت لسا كللللل مادة منقول عالتكميلي ....... يعني ماااابظن أنو عاد نلحأ تقديم بس بهالتكميلي (مو دراسة كمان)
يعني انا ما بلوم حدا شو ما خطر ببالو يساوي لأنو عنجد يعني شي مو منطقي أبدااا وخلانا ننصدم وخاصة (من جهتي) بعد علامة العملي يعني انا حضوري منيح ومقدم أغلب الكويزات كتييييييير منيح ومشروعي وسط يعني مو كتير منيح بس بالآخير بيحطولي 17!!!!!!! يعني حاجة
طيب بغض النظر عن الاقتراح خلونا نساوي شي نقدم طلب (تخفيض اعلامات السؤال التاني مثلاااا) يعني المهم نحكي مع الدكتورة ونخليهن يعرفو ( الكل يعني ) أنو صار شي بالفحص مو طبيعي يعني ما بظن انو في حدا بيقول أنو مو أغل الطلب أنظلمو بهالفحص
......
يعني أنا برأيي عالأقل نصير كل مادة مناكل هوا فيها متل اليوم ( وطبعا بيكون التقصير مو منا )نحاول نحكي مع الدكتور ونوصل صوتنا أو نطلب شي
ولو أول كم مرة ما استفدنا بس مع الوقت انشالله منصير منستفيد شو رأيكن صح ولا لا ؟؟؟؟؟؟*******

((( لا تواخذني طولت بس يعني بدي فشششش خلقي لأانو طقييييييت)))

[انستاسيا]

طولو بالكن شوي ..
هاد هوة نمط اسئلة الخوارزميات2 دائما بتجي كتيرة وطويلة ووقت الفحص غالبا مو كافي لهيك الواحد لازم ياأما يكون حالل كتير وبالتالي عندو مرونة وسرعة بالحل ورح يلحق كلشي يااما يكون فلهوي ويختار الاسئلة صاحبة العلامة الاكثر والقابلة للحل بوقت قصير غير هيك مابيمشي الحال بهي المادة... هلأ حبيت احكي رايي لحتى تعرفو انو هل النمط مارح يتغير حتى للتكميلية لهيك اختارو احد الحلين يلي ذكرتهن سابقاً ...بعدين لاتخافو الدكتورة مادلين بتعطي علامة عل الفكرة مو ضروري الواحد يكتبلها كود لو كاتب بالعربي وحكيو صح ومنطقي بتعطيه علامة (الأصح عند كل سؤال تكتبو فكرتو بالعربي قبل ماتكتبو خوارزمية بسودو كود)لانو هيك الدكتورة بتعرف كيف فكرت حتى لو ماعرفت شو قصدك بالضبط بهل الطلاسم (قصدي بل الكود)
موفقين جميعاً

[الأمجد توفيق اصطيف]

طولو بالكن شوي ..
هاد هوة نمط اسئلة الخوارزميات2 دائما بتجي كتيرة وطويلة ووقت الفحص غالبا مو كافي لهيك الواحد لازم ياأما يكون حالل كتير وبالتالي عندو مرونة وسرعة بالحل ورح يلحق كلشي يااما يكون فلهوي ويختار الاسئلة صاحبة العلامة الاكثر والقابلة للحل بوقت قصير غير هيك مابيمشي الحال بهي المادة... هلأ حبيت احكي رايي لحتى تعرفو انو هل النمط مارح يتغير حتى للتكميلية لهيك اختارو احد الحلين يلي ذكرتهن سابقاً ...بعدين لاتخافو الدكتورة مادلين بتعطي علامة عل الفكرة مو ضروري الواحد يكتبلها كود لو كاتب بالعربي وحكيو صح ومنطقي بتعطيه علامة (الأصح عند كل سؤال تكتبو فكرتو بالعربي قبل ماتكتبو خوارزمية بسودو كود)لانو هيك الدكتورة بتعرف كيف فكرت حتى لو ماعرفت شو قصدك بالضبط بهل الطلاسم (قصدي بل الكود)
موفقين جميعاً

[STEEV]

أول شي شكراً أنستاسيا عل رأيك .... و أكيد متل ما قالت نمط الاسئلة مالح يتغير إلا إذا تغيرت الدكتورة و بظن ما حدا عند أعتراض عل الدكتورة مادلين لأنو بجد دكتورة منيحة وما عليها حكي بنوب
هلأ بتاني شي بدي منكون كم شغلة :
- خلينا نتاقش بهدوء و تروي عل الوضع و خلينا نرضي الطرفين
في بعض الطلاب عم تقول انو الاسئلة كتيرة ولازم نوزع علامة السؤال الاخير على باقي الاسئلة و اكيد هالد الشي
مالح مالح يصير لأنو بدنا نظلم الطلاب
حل انو يتوزع علامات شي سؤال مو حل و مالح يقتنع في حدا
لأنو انت ماحليتو لهاد السؤال غيرك ماحل غيرو فلح يروح بين الرجلين
و انا واحد من الاشخاص يلي ما لحق كل الاسئلة و انكبو 20 علامة عل الارض
هي المادة بدها حل و تمرين كتير عل السرعة مشان نلحق اذا مو كل الاسئلة الاغلبية العظمى
بعدين لو حملناها لاسمح الله معنا التكميلي منقدمها برياحة و منكون عرفنا كيف لح يجي و اكيد مالح نوقع بجورة
ضيق الوقت مرة تانية ... يمكن تقولولي شو بدو يحمل التكمليلي ليحمل بس بقلكون قدر الله و ماشاء فعل و يلي
كاتبو رب العالمين بدو يصير
- انا لح كون معكون و اي شي بدكون ياه بساعدكون ( باعتباري من الهيئة ) بس توصلو لنتيجة على الهدا و رواق
اهم شي الروااق الله يرضا عليكون ولاتفكرو انو الهيئة مو معكون او ضدكون بالعكس مع الطلاب قالبَاً و قالبِاً
- مالح عيد نفس الحكي يلي حكيتو (( هاد إذا ما عدتو )) من قبل المهم نصل لنتيجة

و بيني وبينكون نحنا كل مادة عم نعمل نفس الحركة
انا بزماني وقت حملت العربي ضجت و خانقت و عصبت و فتحت موضوع على الـ ITE و طلع خلقي ع اساس بدي اعمل و بدي سوا بس بالأخير ما قدرت ساوي شي و رضيت بأني حملتها وقدمتها عل التكمليلي و رفعتها 77 و الحمد لله
ووقت الخوارزميات 1 كمان عملنا نفس القصة
يعني يلي بدي وصلو أنو صرنا سنة تانية و لازم نتعود عل الوضع
حملت المادة ستين عمرها بقدمها مرة تانية و برفعها انشالله بمعدل و بكون تعلمت ليش حملتها و شو المشاكل

و أي شي بدكون ياه أنا جااااااااااااااااااااهز
خلونا ننتقل للمادة التانية
موفقين

[Tamiiii]

......

[king_of_it]

شباب في حل سهل انو نقول للدكتورة:
كل واحد مو حالل السؤال الاخير بتوزع علامته
واذا واحد حالل السؤال الاخير يعني بكون على الاغلب مو حالل غير سؤال بتقوم بتوزع علامة السؤال يلي مو حالو

[shams]

بصراحة .. أحسستُ أن الامتحان لاختبار سرعة كتابة الطالب وليس امتحان خوارزميات .. :(

على كل حال .. أقترح أن يتم الحديث مع الدكتورة بمراعاة الطلاب قليلاً عند التصحيح .. سواء لمن لم يحل آخر سؤال أو غيره ..

[Zeina]

بصراحة .. أحسستُ أن الامتحان لاختبار سرعة كتابة الطالب وليس امتحان خوارزميات .. :(

على كل حال .. أقترح أن يتم الحديث مع الدكتورة بمراعاة الطلاب قليلاً عند التصحيح .. سواء لمن لم يحل آخر سؤال أو غيره ..

أؤيد

مداخلة صغيرة :
يعني أكتر شي بيحرق القلب علامات العملي ! حدا لا حظ متلي علامات الاستاذ مصطفى كيف؟؟كتير في عدل بين فئات الآنسة سوسن والاستاذ مصطفى ؟؟ ليش الفئات عنده علاماتها 18 19 20 21 ويمكن في أكتر بشوي ليه؟؟
يعني مابعرف بس مازبطت بعقلي
حدا يجمع انو نقدم اعتراض عالعملي؟!!

[AbuMalik]

السلام عليكم
يمكن لاحظنا أن إمتحان الخوارزميات لا يتطلب الدراسة فقط بل وجود الخبرة و الممارسة أمر ضروري و يمكننا القول أنه أهم من الدراسة
(و هذا الشيء هو الذي نشتكي منه)
ولأتكلم عن نفسي فقط مع أنني أعلم حلول جميع الأسئلة إلا أنني لم أستدرك الوقت ربما كان العيب مني لأني لم أعطي المادة حقها خلال الفصل
و لكن ألا يجب أن يكون الإمتحان هو امتحان معرفة مثلما هو امتحان خبرة وممارسة
برأي أسئلتنا و ضعت لتختبر (كم سؤال يمكن للطالب أن يحل) و ليس لتختبر أفكار الطالب في المادة و صحتها
فعلى الأقل كان من المفترض أن يحل الطالب الأبطئ مع مضي الوقت كامل الأسئلة باستثناء طلب أو طلبين
وليس ثلثي الأسئلة أو نصفها
بالنهاية لا أعتقد أنه يمكننا فعل شيء إلا أن نقول : إلى التكميلي
حسبنا الله ونعم الوكيل
اللهم أجرنا في مصيبتنا و أبدلنا خيراً منها