مشررع موقع للتواصل الأجتماعي

[Amran_php]

عم اشتغل على موقع للتواصل الأجتماعي بس صغير شوي بيحتوي على :
1- ميزة الصداقات و رؤية الصفحة من خلال الأصدقاء فقط
2- إمكانية نشر فيديو و صور وفلاش
3- طباعة جمل ورسائل
4-القيام بتصميم مجموعات
5- إمكانية تحديد نوع الأخبار لتظهر كلما قام المستخدم بفتح صفحته

بس ما بعرف المشروع اذا رح يلاقي سيط ولا مثله مثل غيره

بتمنى الرد و تطرحو افكار جديدة مشان يحتويها الموقع

شكرا

[Mohannad/Elecom]

السلام عليكم ورحمة الله ..

برأيي أخي الكريم , وبما أنك بتحب البرمجة كتير , تسخِّر حبّك إلها بأشياء هدفها أحسن .

يعني مثلاً , بيل غيتس صاحب شركة مايكروسوفت إنسان مبدع ..

وكمان مؤسس موقع فيس بوك كمان مبدع ويمكن أكتر من بيل غيتس ..

بس تعال شوف بيل غيتس شو كان الهدف تبعو ... نظام تشغيل كامل .. مع هالبرمجيات الضخمة يللي عم تنزل يوم بعد يوم .
أما تعال لنشوف مؤسس موقع فيس بوك شو كان هدفه , موقع , ومجرّد موقع للتواصل الاجتماعي .

الاثنين استطاعوا جلب أرباح كتيرة بأعمارهم الصغيرة ( بالعشرينات ) ... بس طبعاً أنا بلاقي توجُّه بيل غيتس كان أفضل بمليون مرة .

لذلك , خلّي البرمجة تبعك تحقق أشياء جديدة , وهدفها راقي .. وهادا رأيي .. والسلام عليكم .

[Amran_php]

بصراحة كتار كتير قالولي مثل هنصيحة بس انا ما عندي أفكار وحتى إذا عندي ما عندي طاقات برمجية بالمستوى المطلوب... وشكراً

[JAEGER]

مو حابب خيّبلك أملك ...........

أولا: أنا ما عندي خبرة كتير بالـPHP (اللي بفترض إنك عم تشتغل فيها) .....

ثانياً: الفكرة من حيث المبدأ مو كتير زابطة ..... يعني موقع Facebook اشتهر ﻷنو كان مميّز، ومافي كتير منافسين قوايا !

بالنّتيجة لح يطلع موقع قريب جدّاً لموقع Facebook .... وإذا كان ببالك أفكار جديدة، فكنت بتمنّى لو فيني ساعدك .......

[Fuchs]

بغض النظري انشهر ولا ما انشهر فيك تكتسب خبرة من خلال هيك مشاريع

[Future]

عم اشتغل على موقع للتواصل الأجتماعي بس صغير شوي بيحتوي على :
1- ميزة الصداقات و رؤية الصفحة من خلال الأصدقاء فقط
2- إمكانية نشر فيديو و صور وفلاش
3- طباعة جمل ورسائل
4-القيام بتصميم مجموعات
5- إمكانية تحديد نوع الأخبار لتظهر كلما قام المستخدم بفتح صفحته

بس ما بعرف المشروع اذا رح يلاقي سيط ولا مثله مثل غيره

بتمنى الرد و تطرحو افكار جديدة مشان يحتويها الموقع

شكرا

هلأ نصيحة إلك أنو لا توقف شغل بهالمشروع
وحاول أنك تنهيه وتحطوه بالسي في تبعك على أنو أحد المشاريع يلي اشتغلتها
لأنك إذا وقفت شغل فيه ما لح تحسن تذكرو قدام حدا بيوم من الأيام

هلأ من ناحية أنو ينال الإعجاب فالصراحة أنو بدك تفكر بالموضوع من الناحية التالية:
يا ترى ليش حتى أنت كمستخدم للفيس بوك تترك الفيس بوك وتجي على موقعك ؟ يعني شو بيقدم شي جديد لحتى يكون هدف للزوار ؟
هلأ مو معناها أني ضد أنك تعمل هيك فكرة، بس بما أنك قادر تعمل هيك شي فأنت قادر تعمل شي حلو بمجال تاني بغض النظر عن قصة موقع تواصل أو لاء ، بس المهم أنك تعمل فكرة لسا مو موجودة وتعملها لأن ساعتها بيكون عندك تميز عن غيرك وبتصير أنت بتتقلد بدل ما أنت يلي عم تقلد
عرفت عليي شو قصدي ...

بس متل ما قلتلك ... لا توقف هيك شغلة وخليك ماشي فيها
الله يوفقك

[M.nour]

بغض النظر انشهر ولا ما انشهر فيك تكتسب خبرة من خلال هيك مشاريع

تماماً ..

[andaanda]

نشكر لكم الجهد المبذول
http://www.fedv.bu.edu.eg/
www.ared.fedv.bu.edu.eg
www.dsis.fedv.bu.edu.eg
www.edmu.fedv.bu.edu.eg

www.home.fedv.bu.edu.eg
www.kind.fedv.bu.edu.eg
www.tech.fedv.bu.edu.eg