ساعدوني في شراء حاسوب:

[E-CU]

سلام


بس خلال هالكم يوم ناوي جيب لابتوب وبشكل خاص بدي إياه للجامعة ومتطلباتها إلى جانب

أمور تانية...ورغم انو هلق وقت امتحانات بس الوضع ما بيتحمل انتظار طويل لأن ممكن ما يبقى

من صنفه ، فحبيت آخد رأيكن قبل بمدة مشان كون على ضو...وخصوصاً من مستخدمي الـ HP

إذا بينصحوني ولا لا(كفالة-أداء-وثوقية...)..والمواصفات مرفقة..

مع جزيل الشكر.

[DAM]

كماركة الـ HP كتير انتشرت
و أنا بنصح فيها حالياً بالمقارنة مع أسعار و مواصفات الأجهزة التانية
من ناحية الكفالة فهي مدعومة عنا (و لو أنو بعرف أنو ما في وكالة رسمية - لاحظت هالشغلة لأغلب الماركات الأميركية)
و كتير من رفقاتي و من طلاب الكلية عم يشتروا HP

المواصفات اللي بالملف عالية و كتير رائعة
و كلها كاملة ما شاء الله
يعني إذا اعتمدت عالسعر برأيي لا توقف بالمرة

و مبارك سلف

[DRAGON]

بالنسبة للHP جهاز جيد وأثبت جدارة لأنو من فترة قريبة اشتريت واحد...
بس هدا العرض اديش سعره...
ومبارك سلفاً.

[E-CU]

مكتوب السعر تحت 70 ألف ليرة...!

المواصفات اللي بالملف عالية و كتير رائعة
و كلها كاملة ما شاء الله

شكراً كتير
بس لو بتعرف كم ساعة قضيت أقرا عن سنترينو 2 وعن كروت الشاشة وعن المعالجات والتصنيفات والآراء ..
وفعلاً هذا أفضل لابتوب شفتو بالنسبة للسعر وبالنسبة للمواصفات وخصوصاً أنو مستقبليّ من حيث بلو راي من جهة ودعم دي دي آر 3 من جهة وتقنية سنترينو 2 و المعالج 6 ميغا كيش من جهة أخرى والشاشة عالية التحديد اللي إجت طقم مع البلو راي (يعني فيني أحضر أفلام HD) من جهة رابعة.. فما لقيت أحسن من هيك يعني عند غير متل أسوز لامبورغيني عبيكون تقريباً نفس المواصفات وبسعر 160 ألف ليرة !!
بس أنا بدي أعرف عن شركة HP عنا هون بسوريا هذا الشي الوحيد اللي وقفني..

مع جزيل الشكر عالوقت الثمين

[Vostro]

مواصفات الجهاز جد رائعة بس إذا بتدقق كثيير بتلاقي أنو إذا بتقدر تحصل على بطارية 12 cells بكون أفضل كنشاط بالكلية منشان ما تخذلك شي مرة.
بس هاد مو يعني البطارية ما بتسوى ، لأ بالعكس هي بتمشي معك ركد شي 2 ---- 3 ساعات ، بس يعني إذا صحلك ....

[أبو المعرفة]

حسب علمي أنو HP ما لها وكيل معتمد كونها شركة أمريكية

بس بدك نصيحتي ما بتفرق الشغلة كثير إذا في وكيل معتمد ولا لأ ، فإذا اعتمدت عليه توكل على الله وخذه

[E-CU]

على بطارية 12 cells

أكيد معك حق صديقي بس هو هيك وسعره تقيل عليي، بقى بالنسبة للبطاريات والرامات وهيك أمور فيك تحسنها بعد ما تشتريه ومو مشكلة خصوصاً أنو سنترينو2 بتوفر بالطاقة أكتر من سنترينو 1، بس فيني جيب بطارية تانية 9 خلايا مع هي الست خلايا...ومنشوف شو بيصير...
( حقها لحالها ست آلاف ليرة...بقى أجلت هالشغلة )..
شكراً للنصيحة


بس مو ملاحظين أنو لازم النظام يكون 64 بت كونو الرام 4 غيغا ؟ليش حاطينه 32 بت اللي ما بيغدر يعنون كامل الـ4 غيغا؟
شي غريب

[E-CU]

شو وين آراء الـ 37 واحد اللي حملوا الملف

[E-CU]

يلا هلق معذورين عفحص البرمجة
انشالله بعد الفحص بتفيدونا أكتر

[ZerOne]

رافي انا ما كتير بعرف بأنواع اللابتوبات ، بس واضح انو مواصفاتو حلوة كتير ( في كتير منافذ خارجية )

وإن شاء الله تتوفق فيه

[alfarook]

صديقي رافي انا ما كتير بعرف بأنواع اللابتوبات ، بس واضح انو مواصفاتو حلوة كتير ( في كتير منافذ خارجية )

وإن شاء الله تتوفق فيه ......
وانا والله جاي على بالي اشتري شي واحد....عن قريب...بس عم استنى المنحة من امبراطور الصين ......70000

[Mu_Nizar]

هلأ كماركة....................اليوم اكتر شي منتشر هو الــ HP هيك لاحظت.............و لاحظت أنو عم تجي مواصفاتون أقوى من الــ Dell و أرخص ........
ومواصفات هاد الجهاز عن جد قوية.....تتهنا
برأيي لا توقف
و نعيما سلفا .......قصدي مبارك سلفا

[HammooD]

أول ما قرأت العنوان فكرت بدك مصاري مساعدة للابتوب

[ريوزكي2009]

مرحبا .....أنا حابب ساعد شوي....مشان مواصفات الجهاز شوف شو بناسبك وأديش إمكانياتك ...
أما مشان النوع أو الماركة...في الHP وال ASUS ممتازين بسعر معقول وخدمة جيدة وعمر للجهاز....,وفي النهاية
إشتر وأنت متأكد من رغبتك بالجهاز وإعتبر حالك عم تجيب لأول ولأخر مرة (يعني مو عالتجربة)

[GTR]

أنا ما صرلي إذا بدك شي شهر شاري واحد HP قريب من تبعك ... بس عنجد دور أكتر لأنو أنا شاري تبعي بمواصفات أقل من تبعك بشوي بس السعر أقل بكتير
بس يمكن لأنو انا كمان إنو شاري من واحد بعرفو ...
أنا تبعي حقو 55000 بس كمان إنو
core2due 2.53 mhz 6m cache
250 hard
128m dedicated up to 845m
2 GB RAM
و الباقي كل شي متل تبعك ....
يعني الفرق بالذواكر و الهارد و كرت الشاشة ...
لأنو أنا كمان كتيررررررررررررررر دورت قبل شي شهر و فصفصت السوق فصفصة ... بس إنشالله سعرو تبعك منيح لأنو أنا كمان هيك بتذكر الأسعار ..لأنو كمان ما بدي خوفك من سعرو ... لأنو منيح ... قصدا يمكن من ال blu-ray لأنو ولي شو بتغلي ... بس نصيحة مني ... أنا كمان كنت عم دور عالblu - ray بس عنجد ما بنصحك إنو تجيبو غالي كرمال ال blu-ray لأنو لساتها ما وصلت لعنا و كمان لسا أقراصها كتير غالية .... يعني ما لح تعتازها ... و خصوصا إذا كنت مقرر إنو تغير اللابتوب بعدين (متلي ) لأنو عنا بالكلية ما بيضاين أكيد ..
بس عنجد .. هيك أسعارون ال HP بهالمواصفات
و كمان إذا بدك إختي كمان هلق إشترت واحد HP بس مو منهون من أمريكا هيي خلصت من كليتنا و تخرجت من سنتين ..... و إرتااااااحت من هالكلية
بقا إنشالله خليك عال HP
لأنو أنا عاجبني تمام ....
بس تبع إختي لسا مو مجرب .... لسا بالعلبة
قصدا لا تنسى إنو الHP الأولى عالعالم كانت السنة الماضية

و مبروك .... لأنو لح تنبسط فيه متل مالي مبسوط بتبعي

[E-CU]

شكراً كتير لكل الآراء
بالنسبة لسعر الجهاز

فعلاً مبين غالي بس لما بتقارنوا بأسوس لامبورغيني مثلاً اللي سعرو 169 ألف ليرة بتلاقي الفرق
اللي مغلي هو التالي:
1- البلو راي
2- كرت الشاشة لا تستهين في هذا كتير بيفرق9600MGT
3- الشاشة مو عادية هي الشاشة HD=HighDefinition لسا ماقريت شو الفايدة وخصوصاً أنو الدقة عادية بس بظن في شي بالـPitch أو البت تبعها(8 بت أقدر بكثير على تشكيل الألوان الطبيعية من الـ 6 بت التي تبدو الألوان فيها اصطناعية مقارنة بالـ8 بت)
4- تقنية سنترينو 2 لساتها جديدة بس مانا مستعدين نشتري سنترينو 1 هلق


وبتحداك لو بتلاقي أرخص من هالجهاز وبهيك مواصفات
وبشكرك كتير على تجاوبك صديقي الغالي وبالتوفيق

[E-CU]

وهي ورقة لمقارنة المواصفات من كروت شاشة للمحمول مفيدة كتير هدية لأجل وقتكن الثمين ولأنكن طمنتوني عالـHP
ممكن تكون هالورقة مرجع للمقارنات ولكل مين بدو يحيب شي جديد
بسس لسا بدو كم يوم ليجي من هالجهاز منشان هيك منتطر

[E-CU]

وهي بالنسبة للمعالجات ورقتين
الأولى لتقنية السنترينو 2 الأحدث
والتانية مقارنة عامة

وهيك انشالله بتكونوا استفدتوا وفدتوا وكل مين بدو يشتري لابتوب جديد بيستفيد كتير منهن (على الأقل بالوقت الراهن)

Cent 2 CPU's.PNG

[Vostro]

واللي معالجو Intel Celeron 2133 1 MB L2 شو يساوي بحالو ...

[E-CU]

واللي معالجو Intel Celeron 2133 1 MB L2 شو يساوي بحالو ...

يا هاشم هذا معالج Desktop أصلاً
إلا إذا كان Celeron M بيكون للابتوب

موفق