صفحة 1 من 79

عندك مشكلة بالنظام ... نحلها سوا .... و بيستفيد الكل ..

مشاركة غير مقروءةمرسل: الأربعاء مارس 25, 2009 2:59 am
بواسطة AreF_KhaLiL
مرحبا شباب .....
حبيت أفتح هل الموضوع من شان يكون مختص بعلاج المشاكل يلي ممكن تصادف أي شخص مع نظام التشغيل ... ... اي تعليق أو أستفسار ,,, .... أو مشكلة .,... نحاول سوا نكتشف الحل و نعالج الموضوع ... و بظن الكل لح يستفيد .....
وحتى لو صادق حدن مشكلة و حلها ياريت لو يحطها بالموضوع هون لحتى نستفيد كمان ....
...............................................................
:iok: :iok: :iok: :iok:

أول مشكلة .....

مشاركة غير مقروءةمرسل: الأربعاء مارس 25, 2009 3:38 am
بواسطة AreF_KhaLiL
وعن نفسي لح أحط مشكلة صارت معي و بعد بحث مناسب لقيت الحل :
المشكلة : عدم وجود خيار ال sleep و hibernate بقائمة أبدأ ......
تحليل الأسباب :
1- احتمال أول ان كرت الشاشة غير معرّف بشكل تام ع الجهاز .... لانو وضع النوم يحتاج الى تعريف لكرت الشاشة من احل توفير طاقة - للشاشة خلال وضع النوم
2- المسؤول عن النظام قد قام بألغاء خيار ال hibernate من صلاحيات المستخدمين .
3- عدم وجود خاصية ال hibernate في النظام نفسه .......
العلاج :
1- قوم بتعريف كرت الشاشة ... عندها خيارات ال sleep ,hibernate تتفعل بشكل تلقائي ...
2-ادخل الى لوحة التحكم و أدخل ع خيارات المسؤول ... و قم بتفعيل خيار ال hibernate <<< مع العلم اني واجهت صعوبه كبيرة في معرفة ذلك و لم أتوصل الى هذا الخيار ..
3-تثبيت ميزة ال hibernate ,hybridsleep في النظام لديك ...
ويمكنك تحميل الملف المرفق ... فهو يحوي ع هذه الخاصية ... :iok:
......................................
معلومات أضافيه : أكتشفتها خلال حل المشكلة و هي معلومات جديدة بالنسبة لي و اتمنى الكل يستفيد منها :
هناك فرق ما بين ال standard sleep و hybridsleep:
standrad sleep :
و وهو وضع النوم القياسي و طبعا الكل بيعرف شو هو هاد شرح بسيط عنه :

الحالة الموفّرة للقوّة الكهربائية. يحفظ النوم كلّ الوثائق والبرامج المفتوحة، ويسمح للحاسوب لإستئناف العملية الكهربائية التامة بسرعة (نموذجيا ضمن عدّة ثواني) عندما تريد البدء بالعمل ثانية. وعند وضع حاسوبك لوضع النوم مثل التوقّف مشغّل دي في دي: يتوقّف الحاسوب فورا..عن ما كان يعمل وجاهز لبدء ثانية عندما تريد الإستمرار بالعمل.

طبعا خيارات النوم معروف انها بخيارات الطاقة ... فيك تختار كيف و أيمتى ممكن تدخل ع وضع النوم ...

بس المهم هو انو في وضع تاني للنوم و هو: hybridsleep وهاد شرح عنه :

hybridsleep حالة نوم منخفضة كهربائية التي تساعد على حماية برامجك المفتوحة والوثائقك بينما حاسوبك ينام.

إذا hybridsleepيحفظ نوافذ وثائقك المفتوحة وتبرمج إلى الذاكرة المؤقتة و ايضا وإلى قرصك الصلب.
الملاحظة المهمة :

:wink: والمفيد انو لو كان النظام بوضع النوم hybridsleep لح يكون قادر ع استرجاع الملفات و المستندات لو صار مشكلة بالطاقة .. متل نفاذ البطارية . لأن كمان حفظها ع الهارد ديسك ..
خيار النوم على قائمة أبدا . ... يمثّل كلا الخيارين hibernate ,standard sleep .
يعني : في حال كنت مفعل ال hybridsleep خيار النوم في قائمة أبدأ لح يكون hybridsleep بشكل أفتراضي ..

.. و بصراحة انا ما طبقت ال hybridsleep بس ناوي طبقه لأعرف أكتر ..
و لتفيعل ال hybridsleep أدخل ع خيارات الطاقة : ومنها الى ومتل يلي بالصورة أدخل ع power saver وادخل ع change plan setting وبعدين ادخل ع advance setting وبعدين أدخل ع sleep و فعل خيار ال hybridsleep :iok: :iok: :smile: :iok: :ism:

مشكلة تم حلها ... متعلقة بأقلاع النظام

مشاركة غير مقروءةمرسل: الأربعاء مارس 25, 2009 3:54 am
بواسطة AreF_KhaLiL
من شان يكون هاد الموضوع شامل لكل مواضيع مشاكل النظام هاد الموضوع نزلته من قبل ... بسبب مشكلة باقلاع النظام ... وفيك تتابع ع الرابظ لتشوف الموضوع ... :iok:
http://ite-sy.net/forum/viewtopic.php?f=40&t=2768

حتى لو حدى اكتشف شي سر من أسرار وندوز يخبرنا ياها .....

مشاركة غير مقروءةمرسل: الأربعاء مارس 25, 2009 1:22 pm
بواسطة spider
يعطيك العافية
انا عندي توشيبا ولما بعملو فرمتة لتنزيل الاكس بي
بتظهر رسالة انو ما لقا هارد
يمكن لانو ساتا
الولي انو من البيوس بس انلا جربت و ما زبط
الرجاء لمن يعلم المساعدة
و شكرا

:???:

Re:

مشاركة غير مقروءةمرسل: الأربعاء مارس 25, 2009 3:16 pm
بواسطة AreF_KhaLiL
spider كتب:يعطيك العافية
انا عندي توشيبا ولما بعملو فرمتة لتنزيل الاكس بي
بتظهر رسالة انو ما لقا هارد
يمكن لانو ساتا
الولي انو من البيوس بس انلا جربت و ما زبط
الرجاء لمن يعلم المساعدة
و شكرا

:???:


بظن المشكلة حلها كالتالي :
تدخل ع لوحة البيوس عندك و تدخل ع advance (يمكن تختلف من جهاز لتاني )
المهم دور ع خيار أسمه :intel technology وااذا كان معطل أعمل تمكين .. وبيمشي الحال بأذن الله ...
واذا كان هذا الخيار غير مفعل لح يمشي الحال أما اذا ما ماشي االحال ففي خيار تاني بخبرك عليه ؟بس هلأ مو متذكره بالظبط !

مشاركة غير مقروءةمرسل: الخميس مارس 26, 2009 9:07 pm
بواسطة AreF_KhaLiL
الصلاة ع النبي الشباب كلهم ما عندهم مشاكل ...؟؟ ان شالله ع طووووول !! :nau:

مشاركة غير مقروءةمرسل: الخميس مارس 26, 2009 11:03 pm
بواسطة لذيذة
عن جد فكرة كتير حلوة :smile: :smile: :smile:
والله يعطيك العافية

Re:

مشاركة غير مقروءةمرسل: الجمعة مارس 27, 2009 1:13 am
بواسطة AreF_KhaLiL
لذيذة كتب:عن جد فكرة كتير حلوة :smile: :smile: :smile:
والله يعطيك العافية


العفوا منك !@ الله يعافيكي ؟؟؟؟ بس لا تبخلي علينا اذا صار عندك شي مشكلة بالنظام !! أو اذا عرفتي شي سر من أسراره ؟؟؟ خبرينا فيها :iok: :wink:

من اسرار وندوز....!!!!

مشاركة غير مقروءةمرسل: الجمعة مارس 27, 2009 5:17 am
بواسطة AreF_KhaLiL
مرحبا شباب .... الظاهر انو ما حدن عنده مشاكل ... اذا لهون تمام .... بس انا بصراحة لقيت كم شغلة جديدة و حابب الكل يشوفها يعني فيكن تعتبروها من أسرار وندوز ! و لا يزعلوا مننا صحاب الأنظمة المفتوحة ... لان بضل الوندوز هو الأصل صراحة !!!

السر : take the owner ship of a protect file like system File ....
شو يعني : يعني أمكانية التحكم الكامل بملف من ملفات النظام تعديل - تغير اسم - حذف أتستبدل ....
لا تنسوا : الحكي كله ع الفيزتا ( لأني عم بستخدم فيزتا حاليا ) ...
عندنا ثلاث طرق :
1- عن طريق مسطر الأوامر ... ( طريقة ململة و ع الفاضي بس اذا حدى بده يعرفها يراسلني :nau: )
2- عن طريق خصائص الملف نفسه ( يعني زر يمين فارة ,,, و نختار خصائص ..)
3-طريقة تالتة بسيطة كتير ما لح أذكرها اليوم :imb:
......................................................................
الشرح الممل عن الطريقة رقم 2 : :iok:
اتبع الخطوات التالية و بأذن الله لح تصل للنيجة المطلوبة و تابع الصور من 1 الى 16 والصور تشرح نفسها بنفسها ( الصور من تحت الى فوق ) :
1- حدد الملف و أفتح خصائص
2- ادخل ع security وبعدين ادخل ع edit
3- خيار اضافه مستخدم موثوق غير مفعل ... و الحل يكون كالتالي
4- ارجع الى الخصائص - security و ادخل ع advance
5- أدخل ع owner وبعدين لح تلاقي ownership ومحدد ع أحد المستخدمين او مستخدمين موثوقين هلأ لازم تضيف نفسك كمستخدم موثوق و الحل
هو انك تدخل ع Edit
و بعدين فيك تختار اسمك واذا ما كان اسم المستخدم الخاص فيك موجود حط ع others users
6- ادخل ع find now وبعدين أختر اسم المستخدم الخاص فيك
وبعدين اوك
7-لح تظهر رسالة تؤكد ع تبيدل ال ownership للملف و هو أكيد لح نقول أوك
8- بعدين نرجع للخطوة رقم 3 - يعني خصائص الملف -security بعدين مبروك خيار الأضافه add صار مفعل عندم و أدخل عليه وبعدين أختر اسم المستخدم الخاص فيك يعني find now و أختر اسمك بعدين حط عليه من تحت full control يعني تحكم كامل و يعدين أوك اوك و اطلع ومبروك صار فيك تبدل اسمه أو تحذفه بس الموضوع ع مؤوليتك الشخصية ....
[]الملاحظة المهمة : شو الفائدة من امكانية التعديل ع ملفات النظام .....
الجواب :
احيانا نضطر لتنزيل بعض الأمور يلي بحاجة لتعديل أحدى ملفات النظام متل تبيدل ثيمات الفيزتا بدها هل الموضوع .....
ولح نزلكم كم ثيم للفيزتا بيتمنى يعجبوكم .....المرة القادمة ...... :cool:

ع فكرة بتمنى الكل يستفيد من هل المعلومات المتواضعة و ياريت لو حدن عنده استفسار أو أضافه للمشاركة يخبرني ,, أو يضيف لنفتح باب للنقاش .... بس انا يلي شايف الكل ع يشوفه و يمشي .. حتى بدون شكر ,,, :evil: , ع كل حال بتمنى تكون الأفكار واضحة و مفهومة ,,,,,
سلامات :iok:

مشاركة غير مقروءةمرسل: الجمعة مارس 27, 2009 1:18 pm
بواسطة PrinceOfDarkness
حلو كتير ولح استخدم موضوعك بحل المشكلة التالية
في مشكلة ب الفيستا انو ملفات ال HLP غير مدعومة -يعني ما بشغلها - وهي الملفات هي ملفات help كانت مستخدمة سابقا بس لانو ما عاد كتير استخدمت تخلت عنها microsoft الحل لهي المشكلة انو بتروح لكموبيوتر في نظام xp وبتفوت علىى مجلد ال windows وبعدين بتلقاي ملف اسمو winhlp32.exe بتنسخو وبعدين بترجع للكومبيوتر يلي عليه فيستا وبتروح لنفس المكان وبتستخدم الطريقة يلي حكى عنها arf-khalel فوق مشان تنزع الحماية من الملف يلي اسمو winhlp32 والموجود عند الفيستا وبعدين بتنسخ الملف البديل يلي اخدنا من XP والامور كلها المفروض تكون بتمام والف خير
بتمنى تعجبكون :smile:

Re:

مشاركة غير مقروءةمرسل: الجمعة مارس 27, 2009 4:19 pm
بواسطة AreF_KhaLiL
deadlyshadow كتب:حلو كتير ولح استخدم موضوعك بحل المشكلة التالية
في مشكلة ب الفيستا انو ملفات ال HLP غير مدعومة -يعني ما بشغلها - وهي الملفات هي ملفات help كانت مستخدمة سابقا بس لانو ما عاد كتير استخدمت تخلت عنها microsoft الحل لهي المشكلة انو بتروح لكموبيوتر في نظام xp وبتفوت علىى مجلد ال windows وبعدين بتلقاي ملف اسمو winhlp32.exe بتنسخو وبعدين بترجع للكومبيوتر يلي عليه فيستا وبتروح لنفس المكان وبتستخدم الطريقة يلي حكى عنها arf-khalel فوق مشان تنزع الحماية من الملف يلي اسمو winhlp32 والموجود عند الفيستا وبعدين بتنسخ الملف البديل يلي اخدنا من XP والامور كلها المفروض تكون بتمام والف خير
بتمنى تعجبكون :smile:

:iok: :iok:

مشاركة غير مقروءةمرسل: الجمعة مارس 27, 2009 4:47 pm
بواسطة aidooon
أنا عندي مشكلة عويصة. .
بفرمت. . و لما نزل اكس بي بينزل. . بطفي الجهاز. . و لما شغلو بيلتعن النظام و بيبلش يعلق و يفوت ب600 حيط. .
الجهاز مواصفاتو عالية. . و بعد ما شفت هالبلاوي بالاكس بي قررت نزل فيستا. . و يا ريتني ما قررت!!
بينزل الفيستا و تمام أحلى حلاوة. . بطفي الجهاز. . و لما ارجع شعلو بتطلع الشاشة الزرقا المعروفة و بيعيد الجهاز اقلاع حالو. . شي 8 أو 9 مرات بعدين بالزور بيشتغل. . و كتير بطيء و بيعلق و الألعاب ما بتشتغل و كل شي ما بيعود شغال. .
قلت بلا هالقصة كلها!! الويندوز 7 هو مستقبل الويندوز و مننزلو!! ما قبل ينزل و لا بأي طريقة!!
ممكن تقولولي فيروسات؟ ؟ قسمت الهارد من أول و جديد. . و نزلت الويندوز على نضافة و ما مشي الحال. .
شو هالمشكلة هاية؟؟ شيبتني!! و ما عرفت السبب. .
اللي بيقدر يساعدني بيكون كتير مشكور!!
و على فكرة فكرة الموضوع كتير حلوة و الله يعطيكون العافية!! :smile:

Re:

مشاركة غير مقروءةمرسل: الجمعة مارس 27, 2009 7:13 pm
بواسطة AreF_KhaLiL
aidooon كتب:أنا عندي مشكلة عويصة. .
بفرمت. . و لما نزل اكس بي بينزل. . بطفي الجهاز. . و لما شغلو بيلتعن النظام و بيبلش يعلق و يفوت ب600 حيط. .
الجهاز مواصفاتو عالية. . و بعد ما شفت هالبلاوي بالاكس بي قررت نزل فيستا. . و يا ريتني ما قررت!!
بينزل الفيستا و تمام أحلى حلاوة. . بطفي الجهاز. . و لما ارجع شعلو بتطلع الشاشة الزرقا المعروفة و بيعيد الجهاز اقلاع حالو. . شي 8 أو 9 مرات بعدين بالزور بيشتغل. . و كتير بطيء و بيعلق و الألعاب ما بتشتغل و كل شي ما بيعود شغال. .
قلت بلا هالقصة كلها!! الويندوز 7 هو مستقبل الويندوز و مننزلو!! ما قبل ينزل و لا بأي طريقة!!
ممكن تقولولي فيروسات؟ ؟ قسمت الهارد من أول و جديد. . و نزلت الويندوز على نضافة و ما مشي الحال. .
شو هالمشكلة هاية؟؟ شيبتني!! و ما عرفت السبب. .
اللي بيقدر يساعدني بيكون كتير مشكور!!
و على فكرة فكرة الموضوع كتير حلوة و الله يعطيكون العافية!! :smile:


شكرا ع المشاركة يا صاحبي
بس انا يلي فهمته منك
المشكلة : ما في ولا نظام تشغيل عم بيشتغل معك بدون مشاكل ::
تحديد الأسباب :
ياريت لو تخبرني موصفات جهازك بالكامل مع نوع الشركة المصنعة ..ورقم الموديل ...
تأكد انو الجهاز مدعوم من قبل شركة مكروسوفت ......
عطيني تفاصيل أكتر عن المشكلة .. :iok: :imb:

مشاركة غير مقروءةمرسل: الجمعة مارس 27, 2009 8:18 pm
بواسطة Abd AlrAzAk
شكرا عارف على المعلومة الحلوة اجت بوقتها بدي كرك وندوز 7 والكراك انو بدل احد ملفات النظام
ماخليت طريقة بعرفها إلا حاولت وفكيت الهارد وصلتوا على جهاز ثاني ومامشي الحال
بس بكل بساطة طلع فيني سوي هيك شي مشكور عارف كيتر

وعندي مشكلة بوندز 7 انو الوافي مو شغال علي
حدى عندو حل او مترجم منيح يحطلنا اسموا
ومشكور عارف على الموضوع

Re:

مشاركة غير مقروءةمرسل: الجمعة مارس 27, 2009 9:03 pm
بواسطة NightWolf
aidooon كتب:
شو هالمشكلة هاية؟؟ شيبتني!! و ما عرفت السبب. .
اللي بيقدر يساعدني بيكون كتير مشكور!!
و على فكرة فكرة الموضوع كتير حلوة و الله يعطيكون العافية!! :smile:

اذا قسمت الهارد وما عطاك مشكلة معناها المشكلة من الرامات ، لازمهم تبديل مو اكتر ، اذا فيك تحط محتوى الشاشة الزرقا بيكون منيح أكتر مع أني متأكد 90%
Abd AlrAzAk كتب: حدى عندو حل او مترجم منيح يحطلنا اسموا
ومشكور عارف على الموضوع

جرب ال Babylon أو StarDict ولا تنسى تنزل القواميس تبعهم

Re: Re:

مشاركة غير مقروءةمرسل: الاثنين إبريل 06, 2009 3:34 pm
بواسطة spider
AreF_KhaLiL كتب:
spider كتب:يعطيك العافية
انا عندي توشيبا ولما بعملو فرمتة لتنزيل الاكس بي
بتظهر رسالة انو ما لقا هارد
يمكن لانو ساتا
الولي انو من البيوس بس انلا جربت و ما زبط
الرجاء لمن يعلم المساعدة
و شكرا

:???:


بظن المشكلة حلها كالتالي :
تدخل ع لوحة البيوس عندك و تدخل ع advance (يمكن تختلف من جهاز لتاني )
المهم دور ع خيار أسمه :intel technology وااذا كان معطل أعمل تمكين .. وبيمشي الحال بأذن الله ...
واذا كان هذا الخيار غير مفعل لح يمشي الحال أما اذا ما ماشي االحال ففي خيار تاني بخبرك عليه ؟بس هلأ مو متذكره بالظبط !



شكرا لمساعدتك
بس بالبيوس ما في هيك خيار ابدا
اذا في طريقة غيره بتكون فضلت

مشاركة غير مقروءةمرسل: الاثنين إبريل 06, 2009 4:41 pm
بواسطة ZerOne
عندي مشكلة ما بعرف اذا عم تصير معكون كمان...
المشكلة بفتح الإنترنت ، لما يجي يتحقق من كلمة المرور والباسوورد
بيفصل وبيعطيني خطأ 619 و وأوقات بيوصل لمرحلة تسجيل الpc في الشبكة بس كمان بيفصل وبيعطيني خطأ 712 ،بس لما عم افتح على اللابتوب اوقات عم تصير هي المشكلة واغلب الاوقات لاء.

علما اني عم استخدم بطاقة extra.

Re:

مشاركة غير مقروءةمرسل: الثلاثاء إبريل 07, 2009 5:13 am
بواسطة Abd AlrAzAk
ZerOne كتب:عندي مشكلة ما بعرف اذا عم تصير معكون كمان...
المشكلة بفتح الإنترنت ، لما يجي يتحقق من كلمة المرور والباسوورد
بيفصل وبيعطيني خطأ 619 و وأوقات بيوصل لمرحلة تسجيل الpc في الشبكة بس كمان بيفصل وبيعطيني خطأ 712 ،بس لما عم افتح على اللابتوب اوقات عم تصير هي المشكلة واغلب الاوقات لاء.

علما اني عم استخدم بطاقة extra.

وانا بتصير معي كمان وبعيد الاتصال وسطيا شي 3 مرات انا بفصل وبرد بتصل وبيمشي الحال بس ليش هيك مابعرف :wink2: :imb:

Re: Re:

مشاركة غير مقروءةمرسل: الخميس إبريل 16, 2009 1:01 pm
بواسطة AreF_KhaLiL
spider كتب:
AreF_KhaLiL كتب:
spider كتب:يعطيك العافية
انا عندي توشيبا ولما بعملو فرمتة لتنزيل الاكس بي
بتظهر رسالة انو ما لقا هارد
يمكن لانو ساتا
الولي انو من البيوس بس انلا جربت و ما زبط
الرجاء لمن يعلم المساعدة
و شكرا

:???:


بظن المشكلة حلها كالتالي :
تدخل ع لوحة البيوس عندك و تدخل ع advance (يمكن تختلف من جهاز لتاني )
المهم دور ع خيار أسمه :intel technology وااذا كان معطل أعمل تمكين .. وبيمشي الحال بأذن الله ...
واذا كان هذا الخيار غير مفعل لح يمشي الحال أما اذا ما ماشي االحال ففي خيار تاني بخبرك عليه ؟بس هلأ مو متذكره بالظبط !



شكرا لمساعدتك
بس بالبيوس ما في هيك خيار ابدا
اذا في طريقة غيره بتكون فضلت


في خيار بال advance اكيد موجود اسمه sata و فيه خيارين اختر عكس الموجود عندك و لح يمشي الحال أكيد.....
وغير هيك .. صار لازم تقلي مديل الجهاز

Re: Re:

مشاركة غير مقروءةمرسل: الاثنين إبريل 20, 2009 12:42 pm
بواسطة spider
AreF_KhaLiL كتب:
spider كتب:
AreF_KhaLiL كتب:
spider كتب:يعطيك العافية
انا عندي توشيبا ولما بعملو فرمتة لتنزيل الاكس بي
بتظهر رسالة انو ما لقا هارد
يمكن لانو ساتا
الولي انو من البيوس بس انلا جربت و ما زبط
الرجاء لمن يعلم المساعدة
و شكرا

:???:


بظن المشكلة حلها كالتالي :
تدخل ع لوحة البيوس عندك و تدخل ع advance (يمكن تختلف من جهاز لتاني )
المهم دور ع خيار أسمه :intel technology وااذا كان معطل أعمل تمكين .. وبيمشي الحال بأذن الله ...
واذا كان هذا الخيار غير مفعل لح يمشي الحال أما اذا ما ماشي االحال ففي خيار تاني بخبرك عليه ؟بس هلأ مو متذكره بالظبط !



شكرا لمساعدتك
بس بالبيوس ما في هيك خيار ابدا
اذا في طريقة غيره بتكون فضلت


في خيار بال advance اكيد موجود اسمه sata و فيه خيارين اختر عكس الموجود عندك و لح يمشي الحال أكيد.....
وغير هيك .. صار لازم تقلي مديل الجهاز













شكرا اخي والله ما في هيك خيار
موديل الجهاز
toshiba l40 - 18x