C# Course

[PrinceOfDarkness]

حابب أسألك فرح سؤال
كيف فيني ثبت الشاشة السودا تبع الconsol مشان أحسن شوف النتائج عم أضطر حط متحول وحط تعليمة قراءة مشان ثبتها بس أكيد في طريقة تانية ياريت دليني عليها وشكرا عم عزبك كتير

هلق انا مو فرح . انا POD بيمشي الحال
استخدم Console.ReadKey

[zabadb]

هلق انا مو فرح . انا POD بيمشي الحال
استخدم Console.ReadKey

طبعا بيمشي حالك ماكل الناس خير وبركة وشكرا على مساعدتك إلي

[farah_online]

حابب أسألك فرح سؤال
كيف فيني ثبت الشاشة السودا تبع الconsol مشان أحسن شوف النتائج عم أضطر حط متحول وحط تعليمة قراءة مشان ثبتها بس أكيد في طريقة تانية ياريت دليني عليها وشكرا عم عزبك كتير

(start with debugging) F5 بعتقد أنت عم تكبس

(start without debugging) ctrl+F5 جرب تكبس

بترتاح من إضافة أي تعليمة :)

[zabadb]

حابب إسألك فرح بدك تعطي دورة تانية c#
وإذا مابدك تعطي ياريت تقليلي وين في معاهد منيحة بتعطي هي اللغة
وإن شالله السلايدات جهزوا لأنه والله عم استفاد منهن كتير يسلموا أيديكي

[farah_online]

حابب إسألك فرح بدك تعطي دورة تانية c#
وإذا مابدك تعطي ياريت تقليلي وين في معاهد منيحة بتعطي هي اللغة
وإن شالله السلايدات جهزوا لأنه والله عم استفاد منهن كتير يسلموا أيديكي

دورة تانية ... إذا في عدد من الطلاب بدون يسجلو ما عندي مانع ..... خصوصي أنو ردوجنا و حضرنا بالدورة الأولى ...
بس ما بعتقد في طلاب لح يسجلو حالياً قبل العطلة الانتصافية الجاية ....
وين في معاهد منيحة بتعطي ما بعرف للأسف ....
أنا بعتذر عل التأخر بالسلايدات ... بس شاحن اللابتوب تبعي منزوع و الشغل عل الديسك توب معت على أد مالو سريع .... هلكني هالأسبوع اللي مضى ...
و يمكن نضطر نداوم بشكل سبه يومي هالأسبوع مشان نخلص ابكر .... فلهيك انعجأت بالتحضر كمان شوي ...
و عندي شوية مهام تانية كمان ....
إذا بدك شغل متقن صبور شوي ... الشغلة مو رش معلومات و بس ... لازم صيغ الأمثلة بطريقة واضحة و دون كل فكرة ممكن تشكل تساؤل عند اللي بيقرا السلايدات لأنو ما لح يكون في حدا عم يشرحلو ياهون ....
فيك تكمل حل التمرين اللي كنا حاطينو و تبعتو بعد تصحيح الملاحظات اللي بعتلك ياها لبينما أفضى شوي ..

[jasmine]

Thanks a lot for the slides .... great effort
just wanna know if you are going to explain the connection with a database ??

[zabadb]

على حد علمي أنه فرح لرح تشرح كيفية الربط مع الداتابيز بأخر درس لأني سألتها هالسؤال قبل منك بكتير
وبالنسبة للتمرين أنا طبقت الملاحظات يلي قلتيلي عليهن بس بقي الmain بس أنا فكرت أنه معد بدك ياه كوني أتأخرت شوي بس مو مشكلة أنا بخلصوا بهل اليومين وببعتلك ياه

[zabadb]

حابب أسأل فرح سؤال
هلأ بفضاء الأسماء وقت بكون ننا أكتر من فضاء قلتي لازم نحط اسم الفضاء بعدين اسم الكلاس وبعدين حطيتي مثال حطيتي اسم الفضاء.اسم الكلاس بس حطيتي compiler error فشو السبب هيك صار عنا تناقض بين الملاحظة والمثال أما السبب لأنه مالنا مساويين reference على فضاء الأسماء متل الصورة يلي حطيتيلي ياها فعطى خطأ ياريت توضحيلي السبب والفكرة لأنه فضاء الأسماء دوخني وأفضل بمثال توضيحي

[farah_online]

Thanks a lot for the slides .... great effort
just wanna know if you are going to explain the connection with a database ??

إن شاء الله لح نحكي عنها بآخر محاضرة ...

حابب أسأل فرح سؤال
هلأ بفضاء الأسماء وقت بكون ننا أكتر من فضاء قلتي لازم نحط اسم الفضاء بعدين اسم الكلاس وبعدين حطيتي مثال حطيتي اسم الفضاء.اسم الكلاس بس حطيتي compiler error فشو السبب هيك صار عنا تناقض بين الملاحظة والمثال

لما بكون عنا كلاسين بنفس الاسم بتنتين namespace مختلفتين و بدي أستخدم هالكلاس هون بيكون إجباري أستخدم هالطريقة أنو نحط أسم الnamespace بالأول و بعدين اسم الكلاس ، مشان نحدد أنو كلاس بدنا اللي بالـnamespace الأولى و لا التانية ....
أما لو ما كان عنا هالحالة ففينا نستعمل طريقة الusing بدون اسم الnamespace قبل اسم الكلاس .
أما مشان المثال في خطأ مطبعي بتذر كتيير عليه ..
بالسلايد الرابع من الدرس الثالث كل شي Compiler error بصير It works successfully و العكس بالعكس ... يعني متل مو مكتوب بالنظري صح بس طلع خطأ مطبعي بالمثال ... أكرر اعتذاري

أما السبب لأنه مالنا مساويين reference على فضاء الأسماء متل الصورة يلي حطيتيلي ياها فعطى خطأ ياريت توضحيلي السبب والفكرة لأنه فضاء الأسماء دوخني وأفضل بمثال توضيحي

ليش ليعطي خطأ ..؟؟
هي المثال نفسو تبعك بعد ما عملت reference ....

namespace1.rar

namespace.PNG

[zabadb]

كمان بدي مثال عن كيف اقرأ حجم ملف مخزن عندي في الهارد وهل هاد الملف أصغر من حجم معين يعني
limitation on sizeمع شرح بسيط عنها

[zabadb]

هلأ كمان أنا بحاجة لخوارزمية stemming هي الخوارزمية بترد الكلمة لأصلها يعني مثلا عندي keyword فأحيانا هي الkey word بتحوي على أحرف مابتساعد بعملية البحث مثل or,and.....
فبتقوم بحذفها فياريت يلي عندوا هي الخوارزمية يحطلي ياها ويشرح عنها شوي إلا إذا كان الكود فيه تعليقات فما في داعي للشرح إذا مابحب يشرح

[farah_online]

هلأ كمان أنا بحاجة لخوارزمية stemming هي الخوارزمية بترد الكلمة لأصلها يعني مثلا عندي keyword فأحيانا هي الkey word بتحوي على أحرف مابتساعد بعملية البحث مثل or,and.....
فبتقوم بحذفها فياريت يلي عندوا هي الخوارزمية يحطلي ياها ويشرح عنها شوي إلا إذا كان الكود فيه تعليقات فما في داعي للشرح إذا مابحب يشرح

مالك غير غوغل

في بـ stackoverflow سؤال عن الموضوع هاد .
و في بالويكيبيديا مقالة عنها
و في كود جاهز لإلها بـsource forge
و بالـ source code online كمان .

[farah_online]

كمان بدي مثال عن كيف اقرأ حجم ملف مخزن عندي في الهارد وهل هاد الملف أصغر من حجم معين يعني
limitation on sizeمع شرح بسيط عنها

CODE: تحديد الكل

FileInfo file = new FileInfo ("filepath") ;
int size = file.Length ;

FileInfo هو كلاس يستخدم للتعامل مع الملفات (نسخ و نقل و إنشاء و خصائص عامة )
منعرف منو object و منمرقلو أسم الملف مع المسار ....
فيه property أسمها Length بترد حجم الملف ....
كما هو موضح في الكود السابق :)

[zabadb]

بس إذا في مجال تحطيلي المراجع يلي عم تجيبي منها معلوماتك

[Mu_Nizar]

بس إذا في مجال تحطيلي المراجع يلي عم تجيبي منها معلوماتك

في هاد اللينك مفيد إن شاء الله

[zabadb]

هاد اللينك مافي داعي لحطوا لأنه من البديهي أني عم طبقوا

[farah_online]

بس إذا في مجال تحطيلي المراجع يلي عم تجيبي منها معلوماتك

من كل قطر أغنية ...
هلأ بالأول بشوف المعلومة بكتاب " تعلم الـ#C " المترجم عن كتاب " Begining Visual C#" بس كتير أحيان بلاقي في نقص أو غموض ... بلجأ لكتاب " Visual C Sharp 2005 - How To Program, 2nd Edition " و إذا لسا ما لقيت المعلومة اللي بدي ياها بدور بالـ MSDN أو بالـ C sharp Stations... أو بـCode Project أو بغوغل عنها شوي ...
و إذا لسا ما لقيت بستسلم و بوشي علىStack Over Flow لأسأل عنها .... هونيك ما في سؤال مالو جواب أد ما كان صعب ... خلال أقل من خمس دقائق بكون السؤال مجاوب عليه ....

أما مشان الـLINQ اعتمدت كتير على كتاب Start LINQ
و مشان ملفات الـXML كانت دروس Hammod اللي نزلون عل الموقع أحد أهم المراجع ، الله يجزيه الخير :)

إذا بدك مشان الـ ASP.NET في موقع ASP.NET ...

بشكل عام أهم شي تتعلم كيف تجيب المعلومة بإيدك ....

[zabadb]

حابب أسأل فرح كيف فيني أربط sql server 2008 مع السي شارب والasp.net
وكمان حابب أعرف كيف فينا نساوي توابع بsql server 2008 وياريت تجاوبوني بسرعة

[zabadb]

كمان عندي سؤال تاني كيف فيني دخل قيمة لحقل من نمط DateTime بلsql server 2008

[farah_online]

حابب أسأل فرح كيف فيني أربط sql server 2008 مع السي شارب والasp.net

في تقنيتين يستخدمو لربط الـ DataBase مع الـ#C :
الأولى أسمها ADO.NET : موقع CshrpStation عامل Tutorial ظراف عن هالتقنية هنن سبع دروس.... هي اللينك تبعون.
التانية أسمها LINQ : فيك تقرا كتاب Start LINQ هو كتاب صغير :) ...

و إذا طلع عندك سؤال محدد و أنت عم تدرس أو علقت معك شي شغلة ممكن ترجع تسأل

وكمان حابب أعرف كيف فينا نساوي توابع بsql server 2008

قصدك كـDataBase بعيداً عن الـ#C !! شوف هاللينك بفيدك بهالقصة ..

كمان عندي سؤال تاني كيف فيني دخل قيمة لحقل من نمط DateTime بلsql server 2008

في كتير أشكال مقبولة .. هي مثال

CODE: تحديد الكل

insert into MyTable (id,date) values (1,'2010-3-30 12:06:14:000') ;

بالترتيب : السنة - الشهر - اليوم - الساعة - الدقيقة - الثواني مع أجزائها .
طبعاً نحن مندخل التايخ و كأنو string بتنسيق معين بس هو بيفهمو أنو تاريخ .