Creativity of 3rd Year Students :)

منتدى يحوي البرامج و الألعاب التي قام بعض أعضاء الموقع المتميزين ببرمجتها .

المشرف: Mohammad_807

Re: Creativity of 3rd Year Students :)

مشاركة غير مقروءةبواسطة PrinceOfDarkness » الجمعة فبراير 18, 2011 1:00 pm

GPS , ESP ,ABS ,GTR

اوجد العنصر الدخيل :sing: :sing: :grin: :grin:

Be the broken or the breaker
Be the giver or the undertaker
Unlock and open the door
Be the healer or the faker
The keys are in your hands
Realize you are your own sole creator
Of your own master plan
صورة العضو الشخصية
PrinceOfDarkness
متميز برمجة عام
متميز برمجة عام
 
مشاركات: 440
اشترك في: الجمعة أكتوبر 17, 2008 11:19 pm
مكان: try to guess
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

Re: Creativity of 3rd Year Students :)

مشاركة غير مقروءةبواسطة GTR » الجمعة فبراير 18, 2011 2:37 pm

the best 4 u كتب:
GTR كتب:

ديناميكيات حركة السيارة مع آخر الأنظمة المتقدمة ABS , ESP Systems


الله يعطيكن العافية :smile: :smile: :smile: :smile:
بدنا فكرة أكبر عن المشروع بعد إذنكن

بالإضافة يلي حكى اسماعيل الله يعطيه العافية :ism: .. لح إشرح كل شي تقريباً بالتفصيل بناءً على طلبك ...
بس حابب قول بما إني كنت المدير التقني D: و المسؤول عن فيزياء و تصميم نص فيزياء السيارة و نظامي الـ ESP و الـ GPS ...
إنو إنت عندك بالنهاية نموذج فيزيائي يلي هوي السيارة و طبعاً القوانين يلي بتتحكم بخواص هي السيارة (سرعة ، تسارع ، توزيع أوزان ،زوايا انحراف ، انزلاق ... إلخ ) بالأخير إنت بتحاول تحاكي هالنموذج عن طريق القوانين يلي جبتها ..
هلق المشروع كان إنو بدنا نحاكي هالأنظمة .. بس المشكلة إنو ما فيك تحاكي هيك أنظمة إلا بعد ما يكون عندك نموذج حركة سيارة بالغ الدقة بشكل كبير جدّاً .. فبالنهاية رجعنا و درسنا حركة السيارة كلها ... بس كمان طلعت مشكلة إنو في عندك فيزياء سيارة و الوضع ممتاز .. بس الـ ESP مثلا ما بتبين قدرتو الحقيقة بالحفاظ على التوازن إلا وقت يكون عندك سرعات عالية ... مشان هيك رجعنا و بدنا ندرس حركة السيارة بالسرعات العالية .. و هون كان شبه جنان ، لأنو القوانين كلها بتختلف ، و بتصير كتير معقدة .. و متت شي 100 موتة لحتى قدرت جيبون واحد ورا التاني .. لأنو كل المراجع يلي شفناها بتقلك إنو بالسرعات العالية القوانين صعبة و ما لح ندرسها !
فبالنهاية درسنا نموذج كامل للسيارة و هاد لحالو مشروع ! و رجعنا طبقنا عليه ABS (كان مشروع سنة خامسة على مدار فصل كامل قبل شي 4 سنين و بدون حركة سيارة !!!) و بعدين ضفنا ESP مع دراسة فيزياء سيارة ضمن السرعات العالية ! ... و بعدين GPS !.
هلق مشان الأنظمة ...

ABS :
منع انغلاق المكابح .. (من تصميم زاهر وانلي ) هي بتبان معك وقت تكبح بشكل قوي و مفاجئ ، هون بيصير تحريك المقود و السيطرة على السيارة و التحكم بها كتير كتير محدود و هاد غالباً بيأدي لحوادث ... هاد النظام بيمنع هيك شي عن طريق الغلق و الفتح حوالي 15 مرة بالثانية الواحدة و بالتالي بيتحلك التحكم بالسيارة و كمان بيقلل مسافة التوقف بشكل كتير كبير ...
الفوائد :تقليل نسبة الحوادث بنسبة 18%

ESP :
نظام التحكم الديناميكي بتوازن السيارة ... ( تصميمي ... محمد شاكر ) متل ما قال اسماعيل عندك بالنهاية حادثتين أساسيتين هنن الـ Understeer , Oversteer ... (يلي بيحب السيارات و بيتابع Formula1 أكيد بيعرفون :ism: ) بالنهاية الـ Oversteer مثلاً هيي وقت تكون ماشي بسرعة عالية و بعدين تنعطف فجأة بزاوية انعطاف كبيرة .. هون أكيد لح يختل توازن السيارة و لح يأدي لانزلاقها و لحادث بالنهاية .. هلق شغلة الـ ESP إنو يمنع حدوث هالحادثة هي و يخلي السيارة ضمن الحد الأعظمي للتوازن بدون ما يأدي لاختلال يفقد السيطرة على السيارة .. يعني بالنهاية هوي دائما بياخد معطيات من السيارة (زوايا انعراج ، الاتجاه الحقيقي للسيارة ، الاتجاه المراد للسيارة (هدول مو نفس بعضون) ، زوايا الانحراف ، نزلاق العجلات ، السرعة الحالية ... إلخ ) بياخد كل هالمدخلات و بعدين بيقرر .. إنو يتدخل لما لاء ... إذا كانت كل الأمور طبيعية فما بيتدخل .. إذا لاء .. بس شعر إنو في بداية اختلال توازن .. لح يتدخل و يأمر نظام الكبح (نظام الكبح العام و الـ ABS ) عن طريق خوارزمية معينة بكبح أحد العجلات لمعالجة "بداية" اختلال التوازن الذي حصل ...
(أكيد قلت "بداية" لأنو بالأصل وقت يكون الـ ESP شغال ما لح يكون عندي اختلال توازن أبداً :) و نحنا بالمشروع حطينا إنو فيك إنت بالـ Runtime من نص الدنية تشغلوا أو توقفوا مشان يبان معك الفرق ;) )
الفوائد :تقليل نسبة الحوادث بنسبة 36%

GPS :
نظام تحديد المواقع العالمي ... (تصميمي .. محمد شاكر) هاد النظام ما كان بالأصل بالمشروع بس فوتناه لأنو كان شغلة حلوة كتير و خوارزميات بناؤه و التعامل معه رهيبة كتير .
هلق نحنا عملناه بيحاكي آخر نظام GPS تم إصداره .. و هوي إنو مو بس بيقدر يعطيك أقصر طريق من موقعك الحالي للنقطة يلي بدك ياها .. لاء .. و إنما كمان بيعطيك أقصر طريق فيه زحمة كمان ...
يعني بالنهاية يمكن ينقيلك طريق أطول بقليل لكن الزحمة فيه أقل بكتير و بالتالي بيكون زمن الوصول أقل بكتير ...
و كمان ضفنالو شغلة حلوة كتير .. إنو مو بس يلي إنحكى فوق .. لاء .. في فكرة حلوة كمان .. لح وضحها بمثال عن طريق استخدام شي يسمّى RealTime Decision Making
فروض قلتلوا للنظام إنو بدك تروح للنقطة B ...
أول شي .. إذا إنت ما كنت على الطريق الرسمي .. لحالو الـ GPS تبعنا لح يدلّلك على أقرب نقطة طريق إلك ... و بعدين يوصلك على B ...
إما إذا كنت عالطريق فـ Ok . . و كمل عادي لـB .
الفكرة إنو إنت مثلاً بـ A ... و بدك تروح على B .. إجى الـ GPS و نقّالك طريق ذو الزحمة الأقل و الطريق الأقصر ... و إجيت مشيت فيه ... هون لحالو النظام يمكن يغيّر بالطريق تبعا من النقطة الجديدة يلي تم الوصول إلها و نهاية بالهدف B !! هاد أثناء التنفيذ !!
يعني يمكن تمشي بالطريق يلي قلك عليه بس بعد فترة من اتخاذ القرار و لتكن Delta(t) لح يلاقي إنو في وصلة طريق من يلي اختارون النظام بعملية الانتقاء الأخيرة بلّشت تنعجق و بالتالي لحالو لح يختار طريق أفضل يوصلك فيه ... و هي شغلة صارت متقدّمة كتير .. :)
هلق كل هالشغل كوم .. و كانت العمليات يلي بدو يجريها الحاسب بكل عملية Update كوم لحالها .. لأنو صار المشروع كتير كبير و مع فيزياء سياة و خرج كبيرة و 3 أنظمة واحد منون الـ GPS يلي فيه شغل خوارزمي كبير كتير صار الخرج يضرب .. كان في خيار إنو نساوي الـ GPS بـ Thread لحالو .. و في هيار تاني .. إنو نحسن من خوارزميات عمل الـ GPS بحد ذاتو و يلي هيي عملية أغلظ من خلق النظام و حلو !
بس أكيد اخترنا الطريقة التانية لأنو الشغل الخوارزمي كان فيها أحلى و مشان هيك بخوارزميات الـ GPS حسّنا شغل و خوارزميات كتير كتير .. و جد كانت خوارزميات رائعة بحق ...
لأنو اخترنا بنية تمثيلو Graph من البعد الرابع 4D .. و كان نحنا لازم نبنيه من الصفر و بعدين نشتغل عليه ...
بس قدرنا نعمل خوارزميات تحسين حل خلصتنا من قصة البطئ في الخرج و هي كانت لحالها قصة ...
و كمان تخلينا عن شغلات كنا مساوينها متل الـ ...
الفوائد : يقلل زمن الوصول بنسبة تصل إلى النصف ... لأنو إذا عرفت إنو متوسط الزمن يلي بيقضيه الشخص الأمريكي بالقيادة هوي حوالي الساعة و النصف كل يوم .. فهاد النظام عم يعطيه حوالي ثلاث أرباع الساعة في كل يوم ليستفيد منها !!!

Collision Detection
(كان من شغل اسماعيل) يلي بياخد قدرة معالجة كبيرة على الرغم من إنو حسّن خوارزميات حسابو كتير .. بس المشكلة إنو وصّلنا لأعظم قدرة معالجة بالمعالجات يلي عنا .. و بالتالي للأسف ما حطّيناه .

Blur :
الـ Blur يلي بتصير فيه الشاشة من الطراف بتعطيك إحساس إنو ماشي بسرعة كبيرة متل الألعاب تماماً ..

XML DataBase
اتعاملنا مع الـ XML DataBase مشان تحزين الطرق (تصميم اسماعيل أبو عبد الله) .. لأنو بيتيح لمستخدم البرنامج إنو بس يعطيني كم نقطة و انا بولّدلوا الطريق .. مالو علاقة بأي شي غير إنو يعطيني النقط يلي لازم يمر فيها الطريق و أنا بولد كل شي بيتعلق فيه .

Cameras
كان في عنا حوالي 5 أنواع من الكاميرات ، كان (محمد نور الدين الحموي) اختصاصوا هالشغلة و جد طلع معوا شغل بيجنن ... لأنو إذا شفت الفيديو بتلاحظ إنو حركة الكميرا كتير ديناميكية و إنو مو ثابتة ورا السيارة .. لاء بتتبعها بشكل ديناميكي كتير ... غير أنو في تبدّل بين عدّة أنواع من الكميرات لأنو هاد كان لازمنا مشان شوف المستخدم كيف الأنظمة عم تشتغل .

Terrain & Roads
(تصميم محمد نور الدين الحموي ) متل ما قلت فوق إنو إنت بتفوّت أي طريق بدك ياه عن طريق إدخال فقط عدة نقاط عن طريق ملف XML و الـ Road بيتساوى لحالو مع إكساؤوا و إيجاد استيفاء لنقطو ... تبعا للنقاط يلي فوتتها ...
و كمان بيتساوى البيئة المحيطة ... (سماء ، غيوم ، أرض ...)

Object2D & Object3D
( تصميم محمد شاكر )بيتحلك هدول الصفين (Classes) تضيف أي كائن ثنائي أو ثلاثي الأبعاد أثناء الـ Runtime و بأي وضعية و نقطة بدك ياها ضمن اللعبة ..
هيك بيصممّوا الصفوف في بناء محركات الألعاب GameEngines

JoyStick
(زاهر وانلي + اسماعيل أبو عبد الله) و كمان ضفنا JoyStick حلوة مشان تصير عم تلعب عن جد و تحس فيها لأنو بترج Vibrate وقت يشتغل الـ ABS مثلاً !

طبعاً لسا في خيارات كتير بيتحلك ياها المشروع بس كبر الرد كتير و لازم وقّف .. :imb:
و إذا بتحب الدراسة الفيزيائية كاملة فيك تشوفها ... أو وقت يظبط الموقع تبع المشروع عالآخر ...
بالنهاية إن شاء الله يكون مفهوم ... :ism:
و بحب قول إنو مشروعنا مو بس كان مشروع محاكاة بدون أي هدف .. لاء ... متل ما لاحظتو كل نظام من الأنظمة ببقلل نسبة الحوادث بشكل كتير كبير ! و إنو نظام مت الـ GPS عم يعطيك حوالي 3ثلاث أرباع الساعة بالنهار الواحد تستفيد منها .. فهاد شي كتير منيح ..
بالنهاية أقول :
- إذا علمنا أن فرق أشهر بطولة سيارات في العالم و التي هي الـ Formula 1 قد بدأت منذ حوالي الخمس سنين بإنشاء محاكي فيزيائي لإجراء تجاربها ضمن مختبراتها و ليس على أرض الواقع لما فيها من كلفة هائلة جدّاً حتى أن قوانين هذه الرياضة قد خفّضت التجارب بنسبة أكثر من 75% فإن هذا المشروع و ما تمّ تنفيذه و تطبيقه من خلاله يُعتبر منتجاً مغرياً جداً و فريداً من نوعه بالنسبة للإمكانات المتوافرة بين يدينا !
و شكراً لصبركم عليّ لقراءة هذا الرد حتى نهايته :ism:
آخر تعديل بواسطة GTR في الجمعة فبراير 18, 2011 2:52 pm، عدل 1 مرة
الحمد لك ربي
GTR
عضو فعال
عضو فعال
 
مشاركات: 757
اشترك في: الاثنين أكتوبر 13, 2008 8:10 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

Re: Creativity of 3rd Year Students :)

مشاركة غير مقروءةبواسطة GTR » الجمعة فبراير 18, 2011 2:42 pm

Karam كتب:آسف عالمقاطعة :imb:

شو رأيكن تعملولنا معرض مشاريع .. متل السنة الماضية (وخصوصاً أنو مبيّنة مشاريع هالسنة بتخوّف :imb: )
وهلأ صار في أماكن واسعة بالكلية لهيك قصص

مرة تانية آسف عالخروج (يعطيكن العافية :ism: )

بالعكس انا كتير مع هالفكرة ... و أكيد كلنا منستفاد :iok:

شغل فصل كامل هاد لا تخلوه يموت بمجرد انتهاء "المقابلة" :???:

ما بعرف ليش في عالم بتخاف تحط مشوعها هون !! :???:

PrinceOfDarkness كتب:
GPS , ESP ,ABS ,GTR

اوجد العنصر الدخيل :sing: :sing: :grin: :grin:

Mehdi , Get out of my head :D
You know who usually say such things , right ? :D
Although it's a nice one from u :D
الحمد لك ربي
GTR
عضو فعال
عضو فعال
 
مشاركات: 757
اشترك في: الاثنين أكتوبر 13, 2008 8:10 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

Re: Creativity of 3rd Year Students :)

مشاركة غير مقروءةبواسطة the best 4 u » الجمعة فبراير 18, 2011 3:59 pm

شكرا GTR على تجاوبك وإضافة الرد مع إني ماعرفت شو الغريب بين الأسماء يلي فوق

فبالنهاية رجعنا و درسنا حركة السيارة كلها ...

الله يعطيكن العافية بجد صعبة خاصة لما يكون في عدة معاملات مثل احتكاك العجلات ومقاومة الهواء بس أكيد انتو هملتوهن

GPSنظام تحديد المواقع العالمي

ال GPS
لو منعرف شو بيفيد ال GPS وتطبيقاته :???: :???: :???: :???: :???:
:ico: :ico: :ico: :ico: :ico: :ico: :ico:
خلص بسكت

الفوائد : يقلل زمن الوصول بنسبة تصل إلى النصف ... لأنو إذا عرفت إنو متوسط الزمن يلي بيقضيه الشخص الأمريكي بالقيادة هوي حوالي الساعة و النصف كل يوم .. فهاد النظام عم يعطيه حوالي ثلاث أرباع الساعة في كل يوم ليستفيد منها

كلام حلو :smile: :smile: :smile: بس الوقت عنا مالو قيمة إن شاء الله نقدر نغير هلمفهوم

الـ Blur يلي بتصير فيه الشاشة من الطراف بتعطيك إحساس إنو ماشي بسرعة كبيرة متل الألعاب تماماً ..

صار عندي فضول العب عفوووا جرب المشروع

طبعاً لسا في خيارات كتير بيتحلك ياها المشروع بس كبر الرد كتير و لازم وقّف .. :imb:
و إذا بتحب الدراسة الفيزيائية كاملة فيك تشوفها ... أو وقت يظبط الموقع تبع المشروع عالآخر ...
بالنهاية إن شاء الله يكون مفهوم ... :ism:
و بحب قول إنو مشروعنا مو بس كان مشروع محاكاة بدون أي هدف .. لاء ... متل ما لاحظتو كل نظام من الأنظمة ببقلل نسبة الحوادث بشكل كتير كبير ! و إنو نظام مت الـ GPS عم يعطيك حوالي 3ثلاث أرباع الساعة بالنهار الواحد تستفيد منها .. فهاد شي كتير منيح
و شكراً لصبركم عليّ لقراءة هذا الرد حتى نهايته


الله يعطيكن العافية ومشكورين على هذا الجهد وإذا لم نقرأ هذا المشروع فماذا نقرأ يكفي أنه مشروع عملي بعيد عن التنظير صح أنه محاكاة بس إن شاء الله بلمستقبل وبلتعاون بين باقي الأقسام الهندسية رح نحولو ونحول غيرو من المشاريع إلى مشاريع عملية واقعية تخدم بلدنا
ويمكن كان في متلو مشاريع كتير بس ضلت عورق وماحدى عرف فيها تنفذت ومالقت مهتمين بعتقد بسبب تقصير
صاحبي المشروع
وأنا بانتظار الموقع وأرجو إخباري عند انتهاءه لنشره في منتدانا

و لازم يكون في معرض للمشاريع وبأقرب وقت ممكن ويندعى عليه كله الاختصاصات الهندسية
بجوز أي فكرة تلاقي مهتمين ومطورين وتتحول إلى مشروع واقعي
وبلنهاية :smile:smile: :smile: لكل المشاريع
من راقب الناس مات هما
صورة العضو الشخصية
the best 4 u
عضو جديد
عضو جديد
 
مشاركات: 116
اشترك في: الجمعة أكتوبر 22, 2010 12:47 am
مكان: http://Ahme-du.net
الجتس: ذكر
الشهادة الثانوية: سورية
الجامعة: جامعة دمشق
الكلية: cars engineering
المرحلة الدراسية: السنة الثانية

Re: Creativity of 3rd Year Students :)

مشاركة غير مقروءةبواسطة Fuchs » الجمعة فبراير 18, 2011 4:01 pm

جتر كتب:
شغل فصل كامل هاد لا تخلوه يموت بمجرد انتهاء "المقابلة" :???:

ما بعرف ليش في عالم بتخاف تحط مشوعها هون !! :???:


:???:
عكلن الموضوع مغلق :nau: !
الحمد لله الذي لا يحمد على مكروه سواه


صورة

-
صورة العضو الشخصية
Fuchs
متميز برمجة عام
متميز برمجة عام
 
مشاركات: 414
اشترك في: الاثنين أكتوبر 13, 2008 2:28 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

Re: Creativity of 3rd Year Students :)

مشاركة غير مقروءةبواسطة GTR » الجمعة فبراير 18, 2011 4:19 pm

فبالنهاية رجعنا و درسنا حركة السيارة كلها ...

الله يعطيكن العافية بجد صعبة خاصة لما يكون في عدة معاملات مثل احتكاك العجلات ومقاومة الهواء بس أكيد انتو هملتوهن

أكيد لاء ! .. ما هملنا شي عفكرة .. درسنا فيزياء السيارة كاملة ، مع كامل المتغيرات المحيطة و يلي بتأثر عليها .. حتى توزع الوزن عند التسارع و التباطؤ أو زوايا انزلاق العجلات و غيرها كتير ... إلخ ... مع إنو ما دخلها بالفكرة الأساسية للمشروع و يلي هوي الأنظمة .. لأنو بالنهاية متل ما قلت لازمنا كان نموذج سيارة بالغ الدقة لنشتغل عليه .. و ما بيطلع معك هيك لحتى تدرس كل شي بالسيارة بعدين تبدا بالانظمة ...
و مشان هيك قلت .. إنو هيي مشروع لحالو .. بس على الرغم من هيك .. الله وقّف معنا و ما ضوعلنا تعب و ساويناها كلها مع إنو كان في ضغط وقت رهيب :ism: ما كنّا متوقعينو لهالدرجة .. لأنو كان بدنا نموذج كتير دقيق .
GPSنظام تحديد المواقع العالمي

ال GPS
لو منعرف شو بيفيد ال GPS وتطبيقاته :???: :???: :???: :???: :???:
:ico: :ico: :ico: :ico: :ico: :ico: :ico:
خلص بسكت

حكيتون أغلبون فوق .. و جد هوي نظام رائع جدّاً .. بس بقي نعرف قيمة الوقت .. و ساعتها يمكن مندرك أديش نحنا بحاجته كل يوم عنا بالبلد ... :wink: :iok:
الحمد لك ربي
GTR
عضو فعال
عضو فعال
 
مشاركات: 757
اشترك في: الاثنين أكتوبر 13, 2008 8:10 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

Re: Creativity of 3rd Year Students :)

مشاركة غير مقروءةبواسطة JAEGER » الجمعة فبراير 18, 2011 6:15 pm

the best 4 u كتب:شكرا GTR على تجاوبك وإضافة الرد مع إني ماعرفت شو الغريب بين الأسماء يلي فوق

فبالنهاية رجعنا و درسنا حركة السيارة كلها ...

الله يعطيكن العافية بجد صعبة خاصة لما يكون في عدة معاملات مثل احتكاك العجلات ومقاومة الهواء بس أكيد انتو هملتوهن



:cry: :cry: :cry: :cry:
صورة العضو الشخصية
JAEGER
متميز لعامنا الثالث
متميز لعامنا الثالث
 
مشاركات: 638
اشترك في: الجمعة أكتوبر 02, 2009 1:25 am
مكان: Masyaf
الجتس: ذكر
الشهادة الثانوية: سورية - علمي
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

السابق

العودة إلى إبداعات

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار