اقتراح منتدى خاص بالمواضيع الإيمانية

[Enas]

السلام عليكم
انا جديدة عل المنتدى صرلي 3 ايام عم فوت لموضوع واطلع من موضوع
ولقيت المنتدى كتير مرتب وحلو كمان ومفيد وما بيضوع حدى
بس لقيت انوا منتدى ال ITE ناقص عندكن
هو منتدى نفحات ايمانية
وهاد اهم منتدى بيكون موجود باغلب المنتديات
وانا ستوحيت هل الفكرة من منتدى معهدنا TCC
http://www.shamtech.org

بتمنى تاخدوا هل الاقتراح بمحمل الجد
وتساوىوا منتدى لنفحات الايمانية
مشان يتم المنتدى شامل من دراسة وعلم وبعض ذكر الله ونكت وغيرها

وبتمنى ما كون ازعجتكن باقتراحي هاد

وبتمنى تتقبلوني بالمنتدى
سلااااااااااااااااام

[spider]

اقتراح ظريف و لطيف
يعني الشغلة مراء يلي بدو يدخل بفوت و بيشوف ويلي ما بدو هي حريتو الشخصية
بس يبدو انو ما انتبهتي انو هلأ بيطلعلك شي مليون ..... انو انتي عم تفصلي و طائفية و مدري شو
بقا انشالله عن قريب .... الله يقدم يلي في الخير ..........منشوف غير شي

[Enas]

لا ابدا لا تاخدى من محمل الطائفية وغيرها ابدا
خدها من ناحية خطر على بالي خاطرة ايمانية ذكرتكن فيها
وعندي قصة ايمانية اشعار ايمانية
ممكن شاركن فيها صح
نفحات ايمانية وما نحصرت عل الاسلام بس صح
ايمانية
وليس نفحات اسلامية

بتمنى ما ينفهم اقتراحي بغير معنى
وشكرا لقلكن

[Mr.TAMER]

أهلاً.

هذا ملتقى طلاب كلية الهندسة المعلوماتية في جامعة دمشق. يفترض أن يكون موقعاً تخصصياً، يعني ليس كباقي المنتديات التي تحوي على منتديات فرعية تناسب كل أذواق المجتمع

هذا الموقع لا يستهدف إرضاء أو استقطاب جميع فئات المجتمع، بل فقط الطلاب المعلوماتيين والمعلوماتيين بشكل عام، وبصفتهم المعلوماتية فقط.

لو كان الأمر بيدي لألغيت أغلب المنتديات العامة ، ولكن هذه إرادة الإدارة وهي لها نظرتها

بالنهاية إنشاء منتدى كهذا غير ممكن لعدة أسباب، أهمها سياسة الموقع وقوانينه من جهة (رغم أن هذا البند غير مذكور صراحة)، ومن جهة أخرى وجود منتدى عام يغني عن كل المنتديات غير المعلوماتية، وأصلاً إضافة منتدى كهذا سيلهي الأعضاء عن هدف المنتدى بصفته ملتقى لـ طلاب معلوماتيين.

ونهاية أود القول أن الموضوع طرق أكثر من مرة سابقاً، وكانت ردود الإدارة هي عدم القبول حسبما هو واضح، يعني النقاش محسوم.

تقبلوا مروري

[alfarook]

نأمل ذلك ...ولكن ذلك شبه مستحيل....حسب النقاشات القديمة لهذا الموضوع...
الله المستعان

[Enas]

مو مشكلة ابدا اذا نقبل اقتراحي وله لا
بس حابة وضح شغلة مهمة
ممتدى معهدنا TCC مو منتدى بيطرق ليرضي كل الاطراف بل حصرا لطلاب المعهد
ورغم هذا يوجد منتدى يدعى منتدى النفحات الايمانية موجود داخل المنتديات العامة
منتدى فرعي وليس اساسي
يوجد به مواضيع رائعة متل اول ما نفوت عل المنتدى منصلي على النبي
وفي حملة الاستغفار وغيرها من مواضيع شيقة
وهي المواضيع ما بتوقها خروج عن هدف المنتدى ابدا
بالعكس اذا انت صليت عل النبي او ذكرت ربك لو 5 د بتكون طلعت عن هدف المنتدى
بعدين مستحيل تلاقي منتدى فقط لهدف واحد لازم يكون في منتدى عام
وانا عم قول حطوا منتدى فرعي داخله
وشفت نكت وغيرها وهي النكت فيها اكتر من 40 صفحة وهاد ما اسمه خروج عن هدف المنتدى بل اسمه حركة من حركات المنتدى
مشان ما يكون المنتدى ناشف بس كلية كلية كلية
والله بطق ..............................

تقبلوا مروري
وشكرا لردودك

[spider]

كلامك زين وعالعين
بس متل ما كتبت سابقا
انو عنا الادارة بدها تنشر العلمانية او اللادين
لذلك لن يرضو بهكذا مواضيع
و هذا الصراع سينتهي لاحد الاطراف عاجلا ام اجلا

[Enas]

مو مشكلة عادي كتير
بس بتمنى من الادارة
ترد عل الموضوع ويا تقبل فيه او تلغيه
وشكرا لسامعكن الاقتراح يا احلى منتدى ITE

[STEEV]

قواعد المشاركة و الانتساب:
2- إن أعضاء المنتدى يتمتعون بثقافات وديانات متعددة وإن إضافة أي رد أو موضوع ديني قد يؤدي لنقاش عقيم حتى على مستوى الدين الواحد لذلك سنضطر آسفين لحذفه وسيتم إبلاغ صاحب الموضوع بذلك.
3- المواضيع و الردود السياسية قد تعود بالضرر على المنتدى أعضاء ومشرفين لذلك يمنع إضافتها من قبل أحد وفي حال الإضافة سنضطر آسفين للحذف مباشرة مع إبلاغ كاتب الموضوع بذلك.

و هاد الشي اكيد بينطبق على اقسام المنتدى كمان

[Mr.TAMER]

كلامك زين وعالعين
بس متل ما كتبت سابقا
انو عنا الادارة بدها تنشر العلمانية او اللادين
لذلك لن يرضو بهكذا مواضيع
و هذا الصراع سينتهي لاحد الاطراف عاجلا ام اجلا

هذا الكلام عيب.

1- الإدارة طلاب وأغلبهم ملتزمون دينياً على مسؤوليتي.
2- بأي حق تقول أن الإدارة تريد أن "تنشر العلمانية واللادين" لمجرد أنها ترفض أن تفتح منتدى أنت تريده وغيرك لا يريده (منهم متدينون، والآن ما رأيك أن تطعن في ذلك أيضاً!)، يعني هذا أقرب ما يكون إلى التكفير! يعني الإدارة لو أرادت ذلك لما سمحت بفتح أي موضوع ديني ولحذفت أو عدلت كل رد ديني ولمنعت الأعضاء من وضع تواقيع دينية! فهل هي تفعل ذلك؟
3- هل تظن أن كون هذا المنتدى "غير رسمي" يعني أنه لا يخضع لمراقبة أطراف رسمية قد تسيء لأعضائه أولاً وإدارته ثانياً؟

غريب هذا الوضع، يا أخي والله نحن بحاجة لمنتديات تخصصية، انظر إلى المنتديات العربية... معظمها كوكتيل!، يا أخي لو فتح منتدى كالذي تقولونه فسوف تطغى مواضيعه على المواضيع العلمية كما هو حاصل الآن بالنسبة للمنتدى العام، يعني يخزي العين أكثر من نصف المواضيع النشطة تكون غالباً من المنتدى العام، وضع لا يحتمل

بالنهاية أنا فقط أحببت أن أرد عليك لأنك علقت على ردي، والكلمة الفصل للإدارة طبعاً

تقبلوا مروري

[Enas]

اسفة اذا فتحت موضوع يسبب مشاكل

بس هاد مجرد اقتراح بس

وعادي اذا فتح النتدى وله لا عادي كتير

انا اسفة جد

لا تواخذوني

[AbuOmar]

انو عنا الادارة بدها تنشر العلمانية او اللادين

الإدارة ليست كذلك ولكنها تريد بعض التخصص..

في النهاية أرجو أن لا يتطور الموضوع إلى التجريح
واعذروني إذا حذفت أو عدلت أي رد فيه تجريح بعد هذا الرد..

وانا ستوحيت هل الفكرة من منتدى معهدنا TCC
http://www.shamtech.org

أهلاً بكم :)
وشكراً على الاقتراح..
تعرفت على موقعكم منذ فترة، كما أعرف مديره عمر اللحام وهو شخص رائع بكل معنى الكلمة

لقد كانت إجابات المديرين السابقة على هذا الاقتراح، بأن المنتدى يريد بعض التخصص
على كل حال قد تتغير بعض الأمور، "أقول قد"

بالتوفيق :)

[zj_zead]

شكرا للزميلة enas على الإقتراح بس إضافة منتدى ديني (نفحات ايمانية ) للموقع
يعني السماح بإضافة أي منتدى آخر
وهذا يعني الخروج عن الهدف الأساسي والجوهري للموقع
(ملتقى طلاب كلية الهندسة الملوماتية )
يعني الموقع للفائدة العلمية للمعلوماتيين

[spider]

بس للايضاح
الكلام يلي قلتو معروف شو هي الادارة يلي بيحكي عنها
اكيد مو الطلاب المسؤولين عن هذا المنتدى لانهم متلون متلنا و اكيد هنن عم يشتغلو طواعية
و خدمة للاخرين و مشكورين دوما على ذلك
بس احيانا نحنا منحط قوانين بتعيقنا و ما منقدر نطور حالنا ... لانو هيك مذكور بالقانون
و هيك منكون عم نعيق حالنا بانفسنا
واخيرا نحنا كلنا نتمى تطوير كليتنا الصامدة ...... في وجه القفزات الهائلة من حولنا

[polite]

بس للايضاح
الكلام يلي قلتو معروف شو هي الادارة يلي بيحكي عنها
اكيد مو الطلاب المسؤولين عن هذا المنتدى لانهم متلون متلنا و اكيد هنن عم يشتغلو طواعية
و خدمة للاخرين و مشكورين دوما على ذلك
بس احيانا نحنا منحط قوانين بتعيقنا و ما منقدر نطور حالنا ... لانو هيك مذكور بالقانون
و هيك منكون عم نعيق حالنا بانفسنا
واخيرا نحنا كلنا نتمى تطوير كليتنا الصامدة ...... في وجه القفزات الهائلة من حولنا

يعني أنت قصدك يلي بيسكر المصليات أو بحولها لغرف للمدخنين مارح يسمح بهيك شي - كلامك صح -
-------------
مشان الاختلاف أنو ناس بدها وناس مابدها فيكن تعملوا استفتاء - خلونا نجرب الديمقراطية-
--------------
أخت enas اذا عندك شي نفحة ايمانية نزليها بالمنتدى العام - ما دام الموضوع للقراءة أو للذكرى و مافي نقاش و خنايق ماحدا بيحكي معك شي-

وهي أمثلة:
http://ite-sy.net/forum/viewtopic.php?f=14&t=10243
http://ite-sy.net/forum/viewtopic.php?f=14&t=10242

[mohamad shalabi]

مشان الاختلاف أنو ناس بدها وناس مابدها فيكن تعملوا استفتاء - خلونا نجرب الديمقراطية-
--------------

[Enas]

شكرا للزميلة enas على الإقتراح بس إضافة منتدى ديني (نفحات ايمانية ) للموقع
يعني السماح بإضافة أي منتدى آخر

اكيد طبعا اذا الواحد طلب بيصير الكل بده
بس وين الادارة شو يعني اذا وافقت على منتدى لازم توافق عل الكل لا ابدا ؟؟؟؟؟؟
شكرا لردك ومرورك

أخت enas اذا عندك شي نفحة ايمانية نزليها بالمنتدى العام - ما دام الموضوع للقراءة أو للذكرى و مافي نقاش و خنايق ماحدا بيحكي معك شي-

شكرا كتير لقلك اكيد بنزلها
بس هاد مجرد اقتراح لا اكتر ولا اقل لانوا هاد اول منتدى ما بيكون فيه هيك منتدى فرعي
فحبيت اعرف شو وجهة النظر وليش ما في هيك منتدى بس لا اكتر ولا اقل

مشان الاختلاف أنو ناس بدها وناس مابدها فيكن تعملوا استفتاء - خلونا نجرب الديمقراطية-

انا موافقة وهي اول صوت صوتي

الموافيقون(يلي بدن ) : 1
المخالفون : 0 (يلي ما بدن )

كل واحد يحط صوته
شو رايكن نشتغل ديمقراطية
بس طبعا القرار النهائي للادارة
صح حكي وله لا
وطبعا نحنا منصوت بس اذا الادارة ما بدها خلص بلاها

[Eng. Antonio]

مرحباً

بالنسبة لي فإن الأمر ليس في التصويت أو غيره فالمشكلة تكمن في أن المواضيع الدينية محط نقاش لن يؤدي إلى نتيجة (خط أحمر).
برأيي الخاص لا أحبذ فكرة وجود نزاعات على أرض المنتدى - فكما يوجد أشخاص منفتحون و يقبلون كل شيء كذلك هناك من لا يستطيع ذلك (بغض النظر عن المذهب أو الطائفة).
و حيث أن أبسط الأشياء مثل النزاعات بين محبي (Windows) و محبي (Linux) تثير سخط الأعضاء و المشرفين.

من ناحية أخرى ما من داعٍ لفرض شيء تغايره قوانين المنتدى و قد يثير مشاكلاً مهما كان الإحتمال ضئيلاً.
و لمن يريد نفحات دينية بعيداً عن أجواء الدراسة يمكنه زيارة مئات المواقع من بينها المنتدى الخاص بكم (فهو شيّق).
(لست ضد الفكرة لكنني أحببت أن أناقش الأمر بطريقة منطقية وفق وجهة نظري.)

أخيراً أشكر لك انضمامك إلى منتدانا و أرجو أن تجدي فيه الفائدة و العلم.

[Enas]

مشاركة بواسطة Eng. Antonio » الاثنين يوليو 18, 2011 12:15 pm
مرحباً

بالنسبة لي فإن الأمر ليس في التصويت أو غيره فالمشكلة تكمن في أن المواضيع الدينية محط نقاش لن يؤدي إلى نتيجة (خط أحمر).
برأيي الخاص لا أحبذ فكرة وجود نزاعات على أرض المنتدى - فكما يوجد أشخاص منفتحون و يقبلون كل شيء كذلك هناك من لا يستطيع ذلك (بغض النظر عن المذهب أو الطائفة).
و حيث أن أبسط الأشياء مثل النزاعات بين محبي (Windows) و محبي (Linux) تثير سخط الأعضاء و المشرفين.

من ناحية أخرى ما من داعٍ لفرض شيء تغايره قوانين المنتدى و قد يثير مشاكلاً مهما كان الإحتمال ضئيلاً.
و لمن يريد نفحات دينية بعيداً عن أجواء الدراسة يمكنه زيارة مئات المواقع من بينها المنتدى الخاص بكم (فهو شيّق).
(لست ضد الفكرة لكنني أحببت أن أناقش الأمر بطريقة منطقية وفق وجهة نظري.)

شكرا لردك ورأيك وشكرا لزيارتك منتدانا

أخيراً أشكر لك انضمامك إلى منتدانا و أرجو أن تجدي فيه الفائدة و العلم.

الشكر لك اخي الكريم واكيد بوجودكم سوف احصل عل الفائدة الكبيرة
وشكرا لمرورك

[Mr.TAMER]

بس للايضاح
الكلام يلي قلتو معروف شو هي الادارة يلي بيحكي عنها
اكيد مو الطلاب المسؤولين عن هذا المنتدى لانهم متلون متلنا و اكيد هنن عم يشتغلو طواعية
و خدمة للاخرين و مشكورين دوما على ذلك
بس احيانا نحنا منحط قوانين بتعيقنا و ما منقدر نطور حالنا ... لانو هيك مذكور بالقانون
و هيك منكون عم نعيق حالنا بانفسنا
واخيرا نحنا كلنا نتمى تطوير كليتنا الصامدة ...... في وجه القفزات الهائلة من حولنا

عفواً يبدو أني فهمت كلمة "مسؤولين" بشكل خاطئ تماماً، أنا أعتذر.

الآن أنا معك تماماً بما قلته في ردك الأول


ولكن لازلت أفضل عدم فتح هكذا منتدى فرعي، لأني أحب التخصص (المنتدى العام عدوي اللدود ، أكثر من منتدى البرمجيات مفتوحة المصدر )، وكما ذكر Eng. Antonio هناك مواقع جميلة جداً متخصصة بذلك، وبالمناسبة، سأطرح قريباً موضوعاً إسلامياً سيثير اهتمامك علماً بأنه تخصصي أيضاً...

وبالنسبة للتصويت فأنا لا مشكلة لدي (رغم أني أظن أنه تم طرحه سابقاً)، ولكن التصويت يتم بواسطة "تصويت" كالذي في الصفحة الرئيسية، وليس بواسطة الردود، فقط للتسهيل


إذاً فيبدو أنه لا يوجد أي خلاف، شكراً أخت Enas على الاقتراح

تقبلوا مروري