سنة رابعة فصل تاني... :)

هنا توجد كل المواضيع التي لا تندرج ضمن أي فئة معينة..........

المشرف: israa

سنة رابعة فصل تاني... :)

مشاركة غير مقروءةبواسطة hanihh » السبت فبراير 12, 2011 7:16 am

السلام عليكم
حبيت احكي شوي عن مواد السنة الرابعة فصل تاني -"([{:;برمجيات;:}])"-

اولاً : الملتيديا -الوسائط المتعددة- :
مادة مشتركة للاختصاصات الثلاثة.
على فكرة كنت آخد عنها فكرة سيئة للمادة وسمعتها كانت مو منيحة بس الواقع كان غير هيك :iok: :iok:

المادة ممتعة كتير وحلوة كتير
يمكن ما تحسو هالشي بقلب السنة لأنها كبيرة وضخمة بشكل كبير (حوالي 1300 سلايد)
بس الابحاث يلي بتتاخد فيها كانت ممتعة -صوت وفيديو وصورة وضغط ومدري شو-
هلأ فيها ابحاث صعبة متل خوارزميات الضغط

وفي طريقة منيحة لدراستها وهي تسجيل المحاضرات بواسطة mp3 player بس يكون تسجيلو راكز
مع ملاحظة شغلة صغيرة
يكون في واحد عم يسجل على دفترو المعلومات التالية
المحاضرة الأولى 30/2/2011 مثلا
قبل البريك : السلايد الأول من 1 -> 50
بعد البريك : السلايد الأول من 51 -> 100 + السلايد التاني من 1 -> 15

وهكذا...
والسبب لهالشي انو كتير من الاحيان كنت حب ارجع اسمع شي فقرة واعد شب نص ساعة دور عليها وبالاخير اعدل عن الفكرة لأنو ما لقيتها.

وكانت طريقة الدراسة مع سماع المحاضرات كتير مفيدة وعن جد لما حاولت ادرس بدون ما اسمع كنت فوت بالحيط لأنو في أبحاث صعبة

طبعاً هالطريقة ما بتكفي لوقت الفحص والسبب انو الدكتور بيشرح الخوارزميات بشكل بسيط -يعني الفكرة العامة للخوارزمية- فلازم يكون في تطبيق عملي عليها (حل شي مسالة مع ارقام).
+
من المفيد الواحد يعمل تلخيص لأفكار هالمادة على وراق خارجية للمراجعة لأنو بعد ما تندرس وإذا الواحد حب يراجع شغلة رح يلاقي ملفات ضخمة ورح يصير صعب التدوير على المعلومة.

المادة مأتمتة.
الحضور مهم جداً جداً جداً.
يفضل إذا طلع بأيدكم تخلو المحاضرات تبع هالمادة يوم التنين أو يوم الخميس. :wink: :wink:

العملي حلو ماشي حالو بس ما بعرف إذا اساتذة العملي السنة نفسن تبعات السنة الماضية
هو عبارة عن عدة وظايف لكل بحث من ابحاث المادة
ما كانت كتير صعبة وبيزل بالوظايف 4 طلاب.

البرمجة التفرعية:
وهي المادة كانت كمان حلوة -الدكتور صلاح الدوهجي-
وبتذكر انو حضرت كل محاضراتها وحبيتها كتير لهالمادة.
يفضل كمان الواحد يكتب مع الدكتور لأنو السلايدات بتذكر انو كانو مختصرين ولازم يكون في شرح عنن.
الفحص كان على زماننا مأتمت بس الدكتور بتذكر انو قال انو السنة هي رح يغير النمط وما بتذكر شلون قال انو رح يصير.

العملي للأستاذ مضر لكل الاختصاصات
كمان كان العملي حلو كتير
اتعلمنا فيه كيف منستعمل الVM
وبعدين انتقلنا لدراسة الPVM ويلي هي مكتبة برمجية مكتوبة بالسي بتأمن توابع للبرمجة التفرعية.

وفي مشروع واحد غالبا عم يكون مسألة المطلوب برمجتها بشكل تقرعي باستخدام الPVM , MPI
الوظيفة معتة نوعا ما -4 طلاب- ويلي رح ياخد قسم الPVM رح يتعذب شوي صغيرة.

وفي مقابلة بآخر المادة عالوظيفة مع الاستاذ مضر.

التسويق:
مادة ممتعة وسهلة وما في داعي ينحكى عنها
مأتمتة
الدكتور عبد السلام زيدان بيعطيها بشكل حلو وبتنبسطو بمحاضراتو كتير.
الحضور حلو وكنا نحضر لنخلص من ضغط المواد التانية.

العملي محاضرات متل النظري يعني كمان للدكتور نفسو.

هندسة برمجيات 2 -برمجيات-
الدكتور محمد الحجي
بيعطي مواضيع متقدمة بهندسة البرمجيات
بتذكر كان فيها ابحاث متل الDFD و Testing ,Reporting, Risk management, Cost estimate, وفيها كم بحث تانيين نسيت شو كانو
ما بعرف كيف فيني اوصفها.
المادة مالها لا مأتمتة ولا مفتوحة.
العملي عطانا الأستاذ مصطفى علي
وكان في فكرة جديدة انو فيه مشروع كبير بيستمر طوال الفصل
بس الفكرة المميزة بالمشروع انو كل غروب هنن بينقو المسألة يلي بدون يحلوها
يعني هو ما بيعطي مسألة.
كل غروب -4 طلاب- بيقلن حطو مسألة وفرجوني ياها وانا يا بزيد عليها يا اما بقبلها يا اما بقلكم كبيرة...
وبعدين ببلش معكم
اول مرحلة تحليل وجمع المتطلبات وUC
وعليها تقييم
تاني مرحلة Sequence
تالت مرحلة class diagram
رابع مرحلة Deployment , package Diagram
وكل مرحلة تقييمها لحال
وكان في كم مخطط تايين بتاخدوهم وبتطبقوهم ...

كومبايلر برمجيات ...
طبعا مالها فحص نهائي وفحصها هو المقابلة الاخيرة
فيها متل الفصل الأول محاضرات عملي لمتابعة الشغل -الغروب تقريباً 4 طلاب :wink2: :wink2: -
ورح تاخدلكم كل وقتكم بالفصل التاني -مع إنو وضعكم احسن بمليون مرة من وضعنا السنة الماضية :P -
في ملاحظة صغيرة
بالفحص الأخير هي المادة بتنزل بالبرنامج انو إلها فحص مع أنو عمليا ما في إلها فحص وإنما مقابلة
بقا فيكم تستفيدة من الوقت يلي بيكون محطوط إلها بمواد تانية -مشان يعني تنتبهو وقت تحطو برنامج الفحص -

ما بعرف يمكن التعى قلبكم من حكيي
لذلك ما عاد احكي شي تاني حاجتكم :)))
hanihh
عضو جديد
عضو جديد
 
مشاركات: 140
اشترك في: الأحد يناير 20, 2008 1:08 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: متخرج
الاختصاص: هندسة برمجيات

Re: سنة رابعة فصل تاني... :)

مشاركة غير مقروءةبواسطة ME_Maen » السبت فبراير 12, 2011 9:38 am

شكراً كتير عمي هاني :ism: :ism:
تحية من القلب إلى الشعب التونسي
صورة العضو الشخصية
ME_Maen
عضو جديد
عضو جديد
 
مشاركات: 50
اشترك في: الأربعاء فبراير 20, 2008 1:01 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: هندسة برمجيات

Re: سنة رابعة فصل تاني... :)

مشاركة غير مقروءةبواسطة kh.ri » السبت فبراير 12, 2011 12:00 pm

هاني في منك ذكاء ؟؟ :mrgreen: :mrgreen:
لا يوجد توقيع
kh.ri
مدير عام
مدير عام
 
مشاركات: 1730
اشترك في: السبت يناير 19, 2008 12:33 pm
مكان: damascus
الجتس: ذكر
الشهادة الثانوية: سورية
الجامعة: HIAST
الكلية: الهندسة المعلوماتية
المرحلة الدراسية: ماجستير
الاختصاص: ذكاء صنعي

Re: سنة رابعة فصل تاني... :)

مشاركة غير مقروءةبواسطة hanihh » الأحد فبراير 13, 2011 12:14 am

kh.ri كتب:هاني في منك ذكاء ؟؟ :mrgreen: :mrgreen:


في ...
بس يمكن بيجي أغلى بشوي ...
hanihh
عضو جديد
عضو جديد
 
مشاركات: 140
اشترك في: الأحد يناير 20, 2008 1:08 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: متخرج
الاختصاص: هندسة برمجيات

Re: سنة رابعة فصل تاني... :)

مشاركة غير مقروءةبواسطة farah_online » الأحد فبراير 13, 2011 2:24 am

hanihh كتب:
kh.ri كتب:هاني في منك ذكاء ؟؟ :mrgreen: :mrgreen:


في ...
بس يمكن بيجي أغلى بشوي ...


اعتراف برمجيات .. نحن ما حكينا شي ... :mrgreen:

مادتي الذكاء قلتلي عنون رفيقتي "متخرجة السنة يعني المعلومات من سنتين مو من سنة :imb: "

1. الحقائق الافتراضية: هي مادة الدكتور عمار جوخدار، وهي عبارة عن رياضيات من أولها ﻵخرها، حاولي ما تروحي ولا محاضرة وحاولي تفهميها من الدكتور
المادة مو كتير صعبة بس بتعتمد على الفهم كتير، وكتير حلوة. العملي على أيامنا عطانا ياه المهندس مدحت الصوص وكان عبارة عن تعليم java 3d.

2. نظم قواعد المعرفة: هي مادة الدكتورة ندى غنيم، هي المادة كتير حلوة، بتاخدوا فيها نظم خبيرة مع أنو اسم المادة أعم من هيك. وكتير سهلة والعملي تبعها حلو.
على أيامنا المهندسة أميرة اسبل عطتنا العملي، وكان عبارة عن تعليم jess يلي هو java expert system shell مشان نستخدمو لنعمل أنظمة خبيرة.

و استشهد السلام في وطن السلام .. !!
farah_online
عضو نشيط جدا
عضو نشيط جدا
 
مشاركات: 2871
اشترك في: الثلاثاء يناير 29, 2008 9:45 am
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الخامسة
الاختصاص: ذكاء صنعي

Re: سنة رابعة فصل تاني... :)

مشاركة غير مقروءةبواسطة crazy_girl » الأحد فبراير 13, 2011 8:49 pm

يسلمو ايديك شكرا كتير
بس ازا بتريد في شي نوطات درستو منون لانو الفصل الماضي كتير تعزبنا بهلقصة ما نعرف من وين بدنا ندرس المواد!!!!!!!!!
لن تحبك امرأة كما أحببتك .. حقيقة تدركها جيداً وتؤلمك

لن أحب رجلاً كما أحببتك .. حقيقة أدركها جيداً وترعبني
صورة العضو الشخصية
crazy_girl
عضو جديد
عضو جديد
 
مشاركات: 60
اشترك في: الخميس يونيو 12, 2008 2:48 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

Re: سنة رابعة فصل تاني... :)

مشاركة غير مقروءةبواسطة shashi » الأحد فبراير 13, 2011 9:12 pm

شكراً كتير كتير هاني :ism:
صورة العضو الشخصية
shashi
عضو فعال
عضو فعال
 
مشاركات: 361
اشترك في: السبت يناير 19, 2008 3:46 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: هندسة برمجيات

Re: سنة رابعة فصل تاني... :)

مشاركة غير مقروءةبواسطة spider » الجمعة فبراير 25, 2011 2:50 pm

الله يصلحك يا مستر هاني لو فتت شبكات ؟
مو كان احسلك
قال عليه الصلاة والسلام
(المؤمن القوي خير وأحب إلى الله من المؤمن الضعيف وفي كل خير . احرص على ما ينفعك ، واستعن بالله ولا تعجز . وإن أصابك شيء فلا تقل : لو أني فعلت كان كذا وكذا ، ولكن قل : قدر الله ، وما شاء فعل ، فإن لو تفتح عمل الشيطان )
صورة العضو الشخصية
spider
عضو فعال
عضو فعال
 
مشاركات: 426
اشترك في: الاثنين نوفمبر 03, 2008 12:22 pm
مكان: الميدان
الجتس: ذكر
الشهادة الثانوية: كورية
الجامعة: منهاتن
الكلية: معلوكاتية لا تقرف
المرحلة الدراسية: السنة الخامسة
الاختصاص: شبكات و نظم

Re: سنة رابعة فصل تاني... :)

مشاركة غير مقروءةبواسطة karam elgizawy » الثلاثاء ديسمبر 03, 2013 5:17 pm

karam elgizawy
عضو جديد
عضو جديد
 
مشاركات: 200
اشترك في: الثلاثاء ديسمبر 03, 2013 12:50 am
الجتس: ذكر
الشهادة الثانوية: مصرية
الجامعة: جامعة بنها
الكلية: الزراعه
المرحلة الدراسية: معيد
الاختصاص: غير ذلك


العودة إلى المنتدى العام

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 4 زائر/زوار

cron