مناقشة أسئلة دورات خوارزميات 1

[Rabruba]

المشكلة بالنمط المجرد مو بس انو نكتبو... كمان اذا السؤال انو عاطينا هوو النمط المجرد وبدو نكتبلو التوابع يلي بتحققو
يعني متل دورة 2004 (دورة الحملة)
شلون هاد

[shado-ite]

[OmarASL]

فعلا ياريت تحلولنا هي التمرين

[HammooD]

كمان اذا السؤال انو عاطينا هوو النمط المجرد وبدو نكتبلو التوابع يلي بتحققو

قصدك يجيب النمط المجرد و يقلك شو هالبنية تبع هالنمط ؟ ...حاولي تشوفي الأمثلة الموجود بالكتاب و الموقع و بشوية تركيز بتلاقيها سهلة كتير و علامتها على فكرة أكتر شي ممكن الواحد يضمنو من أسئلة الدكتور عمار...
هاد رد كان سالخو نزار السنة الماضية بمناقشة الخوارزميات الفصل الأول (برأيي تقرئوا هالصفحة من المناقشة و يللي بعدها لإنو فيها شغلات مفيدة عن البنى المجردة ):

بالنسبة لبحث بنى المعطيات المجردة مدري ليش حاسس أنو في شوية (طلاسم) بالكتاب
رجعت اليوم قرأت المثال يلي بالصفحة 122 و طلع معي التالي
يا ريت يلي عندو تأكيد على الشرح أو تصحيح على أفكارو يتحفنا
شرح المثال ص 122

أولا:
Type Stack(T)

نمط مع وسيط (صوري ) //يعني وسيط من أي نمط كان//
فائدة الوسيط T من أجل التعميم
تعميم شو ؟؟
لا يوجد شيئ اسمو مكدس ............في مكدس عناصرو من نوع نمط معين (مكدس أرقام , مكدس سلسلة محارف ....) فالوسيط T يدل على النمط (الكيفي) للمكدس ي التوصيف المجرد له

ثانيا :
Kind Stack


ثالثا :المستورد Import

أحسن وصف له بأنه يكافئ الــ uses تبع الباسكال عند بناء الوحدات ...... حيث يمكن تشبيه عملنا هذا في توصيفنا للنمط المجرد ببناء وحدة واجهتا interface مع العالم الخارجي هي كل يلي كاتبينو بتوصيف النمط المجرد و الــ import تمكننا من استخدام أنماط خارجية لتوصيف نمطنا

رابعا : العلميات
Operator

توابع بوسطاء

** الباني :
بناء قيم النمط استنادا إلى قيمة
في نمط الأعداد الطبيعية نبني عناصر النمط اعتمادا على الصفر

0 :>>>>>>natN

(اعتمادا على الصفرر نبني النمط)
في مثالنا المكدس
نبني نمط مكدس (من نمط T ) اعتمادا عليه و هو فارغ

EmptyStack:>>>>>>>> Stack(T)


** الوصول (المراقب !!)
يمثل واجهةالنمط ................كيف ممكن نوصلو..................
بالرتل مثلا فينا نعتبر :هل الرتل فارغ
عند رأس الرتل ممكن نحصل على عنصر من نمط الرتل
عند الذيل ممكن نضيف عنصر من نمط الرتل إلى الرتل
بالشعاع :منوصل لعنصر الشعاع من خلال الشعاع و الدليل تبعو
بمثالنا تبع المكدس نصل للمكدس عن طريق رأسو

Top :Stack(t)>>>>>>>T

ومن خلال أنو هل قمته فارغة \و لا لأ (كأنو مشان هيك مثلا سميناه الواصل أو لامراقب ؟؟)

IsEmpty :Stack(t)>>>>>>>boolean


** المحول
و كأنو كيفية الإنتقال(عمليات الإنتقال الأساسية بين عناصر النمط) ؟
بالأعداد الطبيعية مننتقل لعنصر مكن نفس النمط عن طريق عملية الجمع
بمثال الشعاع عن طريق

خامسا :الشروط المسبقة
Per-Condition

و هي بمثابة حقائق و مسلمات محققة دوما من اجل أي عنصر من عناصر هذا النمط و تحققها جميع عناصر هذا النمط
مثلا :
بنمط الأعداد الطبيعية لا يوجد شروط مسبقة
بنمط الأعداد الحقيقية أنو مربع القسم التخيلي = -1 (يا ترى هل الحكي صح ؟)


بمثالنا تبع المكدس : حتى يكون في شي اسمو مكدس لازم يكون محقق (احتوائه على عنصر على الأقل مشان نقدر نشوفو ..............يعني يكون موجود)
-أن نتمكن من تنفيذ عملية Pop على المكدس

PerCond(pop(stack))== not IsEmpty

-أن تمكنا من الوصول إللى قمة المكدس (بمعنى مؤشر المكدس ليس Nil )

PerCond(top(stack))== not IsEmpty

سادسا: الحقائق
Axiom

نوصف العمليات الأساسية الممكنة على هذا النمط و التي تكون محققة على جميع عناصر النمط
و إذا انطلب منا أنو نعرف شي نمط مع العملية Somthing منعرفها هون ( متل مو عاملين بالمثال صــ 123)
الحقيقة الأولى التي تخققها جميع عناصر المكدس (هل المكدس الفارغ فارغ ؟؟- طبعا نعم!!)

IsEmpty(EmptyStack)== true

الحقيقة التانية التي تخققها جميع عناصر المكدس (هل المكدس يلي عم اقدر اسحب منو عنصر هلأ فارغ ؟؟- طبعا لا !!)

Pop(Push(stack,element)

الحقيقة التالتة لما بضيف عنصر و برجع بسحب من المدكس مباشرة عنصر فلح احصل عل العنصر يلي حطيتو

Top(push(stack,elsement))=stack

الحقيقة الرابعة العنصر يلي بضيفو هلأ لح يروح و يقعد على رأس المكدس

Top(push(stack,elsement))=element




هاد الحكي و الشرح مو أكيد 100 % ............هيك أنا فهمت الموضوع.................
أنتو كيف فهمتو.................
شو رأيكون نتناقش بنفس المثال السابق .لأانو إذا فهمنا تمام منصير نقدر نوصف إي نمط..المشكلة أنو لسا دلالات الكلمات الأساسية بتوصيف نمط مالي مستوعبها100 % متل هي الــ Transformer ؟
موفقين

ملاحظة : السنة الماضية الفصل الأول كانت المناقشة خمس صفحات كلها تقريبا عن البنى المجردة.....بالآخير ما إجا منها شي .

[AreF_KhaLiL]

شو وينكم يا جماعة ...
الجو مشجع جدا ع الدراسة ..

[JAEGER]

هلأ من شان مسألة الأسهم بالبورصة، أنا حليتها بحلقة وحدة بتمشي من السهم للخلف لحتى تختلف القيمة !

وين التعقيد من مرتبة مربع !؟؟!
(حلي يعني شبيه بحل خالد الأول، حلقة وحدة)

[انستاسيا]

لو سمحتو في هاد السؤال عن الانماط المجردة عرفت شو بيشتغل بس ماعم اعرف كيف حقق توابعو يعني كيف اكتب الbody لتوابعو

CODE: تحديد الكل

pq is a PQ v and w are elements and p(v) is a value related to element v
min(insert(v,new()))=v
delmin(insert(v,new()))=new()
min(insert(v,insert(w,pq)))=if p(v)<p(nin(insert(w,pq)))then v else min(insert(w,pq)))
delmin(insert(v,insert(w,pq)))=if p(v)<p(min(insert(w,pq)))then
insert(w.pq)
else
insert(v,delmin(insert(w,pq)))


ممكن حدى يرد على هل السؤال بسرررعة ؟؟

[Watary]

عنجد أحلى نقاش بشوفو بحياتي



مافي حدا لحدا
ولهلأبس شي مسألتيييييييين من أس~ئلة الدورات
وعى سيرة أسسئلة الدورات
في شي حدا بيعرف الأسئة المتوقعة يلي رح تجي بكرا

[JAEGER]

والله يا بو حميد صاير اللي بدو شغلة بيدخل بحطها وبيرجع بعد فترة ليشوف شو صار فيها !

ما حدا عم يعذب حالو يناقش ! الله يعطيهن العافية للشباب اللي ما بقصروا (معروفين) !


من شان الأسئلة المتوقعة، فبقلك..... موفق !

[انستاسيا]

مرحبا شبيبة لو سمحتو حدى حاول يحل مسالة الكلمات المتقاطعة يلي بكون عنا فيها
شبكة هندسية فارغة وبدنا نعبي الكلمات بهل الشبكة
بس يلي حلها يقلي كيف عم نتراجع هون وعلى انو اساس عم نضيف الكلمات للخانات
يعني بدي الفكرة مو اكتر

[الأمير]

شلون الهمه .. أكيييد رووواق

[Abd AlrAzAk]

شلون الهمه .. أكيييد رووواق

للعضم

[life moon]

شلون الهمه .. أكيييد رووواق

اييييه أكيد ولو ... اذا الخوارزميات ما كان فيها رواق من وين بدو يجي لكان

[AreF_KhaLiL]

اذا اجى نمط مجرد انخرب بيتنا
وصعوبته بسهولة الزايدة

[AreF_KhaLiL]

اذا اجى نمط مجرد انخرب بيتنا
وصعوبته بسهولة الزايدة

[Mu_Nizar]

اذا اجى نمط مجرد انخرب بيتنا
وصعوبته بسهولة الزايدة

شو طمنونا كيف الوضع كان ؟؟

[the master]

كيف اليوم الخوارزميات؟؟؟
رواق ولا مو رواق؟

[AreF_KhaLiL]

رواق ع الأخير
الحمد الله كل سؤال جريدة
الدورة مخصصة لتاريخ انظمة العد
الفواصل الترفيهة تسبب الإحباط
حتى الرسم العودي بده استنتاجات
بصراحة طبخة ماكنة
بس وقت مافي
لأنو بدك وقت لتفهم شو بده لأن السؤال غريب
و بدك وقت لتكشف الفكرة و تستقر عليها
وبدك وقت لحتى تكتب شو طلع معك
بس الأسئلة مو عادلة
البعض عم يقول سهلة
بس انا بقول نموذج جديد وبده وقت اكتر بكتير من 3 ساعات
يا ريت ما حلينا اسئلة دورات
ولا عذبنا حالنا

[ريوزكي2009]

رواق ع الأخير
الحمد الله كل سؤال جريدة
الدورة مخصصة لتاريخ انظمة العد
الفواصل الترفيهة تسبب الإحباط
حتى الرسم العودي بده استنتاجات
بصراحة طبخة ماكنة
بس وقت مافي
لأنو بدك وقت لتفهم شو بده لأن السؤال غريب
و بدك وقت لتكشف الفكرة و تستقر عليها
وبدك وقت لحتى تكتب شو طلع معك
بس الأسئلة مو عادلة
البعض عم يقول سهلة
بس انا بقول نموذج جديد وبده وقت اكتر بكتير من 3 ساعات
يا ريت ما حلينا اسئلة دورات
ولا عذبنا حالنا

أنا معك بكل شي قلتو .... ان شاء الله تترفع

[JAEGER]

هوي أنا كنت مستمتع لحدّ ما اطّلعت ع السّاعة


الأسئلة ظريفة ! ومو صعيبة كتير ! بس بتنحلّ "لو" في وقت !!!!