مناقشة مبادئ عمل الحاسبات - نظري فصل أول 2009-2010

[a7la sham]

أنا ...
عندي ...
سؤال ...
أو طلب صغييير... ,
يااااااااااريت !!
لو تنزلولنا بعض المعلومات أو تقرير بسيط عن المعلومات اللي بيحكيها الدكتور تبع المبادئ أثناء المحاضرة..
لأنو قال مليوووون بالمية بيجيب منها .. ومنو كمان الكل بيستفاد .. و مندعيلكم ساعتها بوقت الامتحان..
هلأ أنا بتذكر في مرة قال طلعوا عن smart paper وفي مرة تانية كمان قال طلعوا عن برامج التخزين الضوئية ..
هادا بصراحة يلي اتذكرته..
يلي عندو أي معلومة عن السابق ذكره فياااااريت ينزلها ...
و نشكر جهوودكم.....

[Karam]

بالنسبة للتخزين الضوئي :

أقراص التخزين الجديدة تشبه أقراص التخزين العادية ذات القياس 5 بوصة، وستتيح تخزين أكثر من 500 جيغابايت من البيانات، وهذا يفوق معظم أقراص تخزين أجهزة الكومبيوتر الحالية.

وتستخدم الأقراص المدمجة CD وأقراص الفيديو الرقمي DVD وأقراص بلو راي Blu-ray بعداً واحداً فقط، حفر مجهرية ومساحات بدون حفر، ويتم تمثيل البيانات على شكل مسار خطي طويل يلتف بشكل حلزوني حول مركز القرص المسطح، ويقوم قارئ ليزري بقراءة كل من الحفر والمساحات الخالية واحدة تلو الأخرى ثم يعيد بناء البيانات المسجلة.

لكن تقنية جنرال إلكتريك الجديدة في تخزين البيانات أضافت اتجاهين جديدين لتخزين المعلومات،حيث تمتلك ثلاثة اتجاهات من الحفر والمسافات والتي تتوضع في مسارات خطية على سطح القرص .. وهذا ما يسمى بالتخزين الضوئي ..


ومشان ال [googlesearch]smart paper[/googlesearch] ما بتذكر شو حكى الدكتور بالضبط ..
شوفو هادا اللينك : http://www.thecabal.org/gurps/rareitems/smart.html

..::ملاحظة::..
ما بتصور الدكتور يجيب هيك شغلات
أنا سألت السنوات الي قبلنا قالولي ما بجيب هيك نكشات

بس قالولي ركزو على [googlesearch]أنظمة العد[/googlesearch] كتييييييير

[الأمير]

صدقوني في هالجمل كتيييييييييييييييييير كتييييييييييييييير مهمه ..
يعني شي 50 بالمية من الأسئلة منها .. لأنو هو بنك معلومات كل مره بيختار 70 سؤال منو .. لهيك احتمال كتييييير كبير تتكرر
وهي اللينك أخواتي ..
viewtopic.php?f=117&t=1371
موفقين
وأكيد انا وكل رفقاتي معكن أي سؤال بأي مادة لاتستحوا البيت بيتكن

[Karam]

متل ما عم يحكي الأمير ... هدول الجمل كتيييير هامين . ومتكررين بأسئلة الدورات


وباالنسبة للأسئلة أكيد رح نزل أجوب إلها ...

[Karam]

..::أنظمة العد::..

خلال المحاضرات في كتير شغلات ما عطانا ياها الدكتور
متل النظام الخماسي والتوابع المنطقية و العمليات الحسابية في النظام الثنائي و المتممات

هلأ أنا حطيتلكن مُرفق : كتبتلكن فيه شرح النظام الخماسي و للتوابع المنطقية و العمليات الحسابية في النظام الثنائي

:ism:
دعولنا

[PURE ANGEL]

أخدتو بأنظمة العد الفاصلة الثابتة و الفاصلة العائمة ؟؟؟
و بأنو محاضراة موجودين ؟؟

مشكورين .. الله يعطيكم العافية

[Karam]

أخدتو بأنظمة العد الفاصلة الثابتة و الفاصلة العائمة ؟؟؟
و بأنو محاضراة موجودين ؟؟

مشكورين .. الله يعطيكم العافية

أخدنا الفاصلة العائمة بس .. بالمحاضرة 10

[Karam]

ممكن سؤال ؟؟؟


هل ممكن أن يأتي في الامتحان أشياااء لم يتكلم عنها الدكتور ولا نبه إليها ؟؟؟

أنا سألت الدكتور زهير عن هادا الموضوع وقال ما رح يجي شي من برا المحاضرات
يعني طريقة الفاصلة الثابتة و الشغلات التانية الموجودة بالكتاب وغي موجودة بالمحاضرات مو مطلوبة

[Karam]

أنا آسف كتير في خطأ بالمحاضرة العاشرة , الصفحة التانية , المثال التاني , جمع عددين بالنظام الثنائي

ما تآخذونا عالسرعة نكتبت غلط
وهاد التصحيح

Sorry.png

وفي كمان شغلة تانية :

nibble = 4 bit
بالمحاضرة مكتوب 46 bit

[أحلى حياة]

بس سؤال صغير
الكتاب شو وضعه؟؟
نقرب عليه و لا نعتمد على المحاضرات؟؟
جاوبوني قبل ما بلش دراسة

[حبيبة الحب]

سؤال بالمحاضرة التالتة بالصفحة الرابعة ممكن حدا يذكرني كيف منطلع عدد الخانات ؟؟؟
وكمان في مسالة مو محلولة فيا ريت تنزلولنا الحل تبعها هون لانو مو متذكرة شي عن هالقصص وشكرا

[أحلى حياة]

ماذا عن الbio chips?

[RoOoBi]

مرحبن

هلا انا بدي ادرس من الكتاب

الفصول كلها داخلة ولا نصها؟؟

وندرس بس العناوين يلي عطانا ياها الدكتور زهير ((كتير اشتئت لمحاضراتو ))

ولا ندرس كلشي؟؟

تانكيوووو

[nano.k]

مررحبة..

هلا سؤال شو مشان الوظايف يلي عطاها الدكتووور و قال ابحثوا عنها..

لانو قال بدو يجيب منهن.. فشو مشان؟.. ممكن نتزلوهن..

مييغسي..

[لوتوس]

شكرا لك كرم على كل المساعدات

[حبيبة الحب]

بس انا سؤالي مو عن انظمة العد السؤال بالمسالة الجواب 11 كيف طلع معنا هاد سؤالي انشا الله يكون وضح وشكرا مرة تانية

[Karam]

مرحبن

هلا انا بدي ادرس من الكتاب

الفصول كلها داخلة ولا نصها؟؟

وندرس بس العناوين يلي عطانا ياها الدكتور زهير ((كتير اشتئت لمحاضراتو ))

ولا ندرس كلشي؟؟

تانكيوووو

درسي كلشي مشترك بين المحاضرات والكتاب

[Karam]

مررحبة..

هلا سؤال شو مشان الوظايف يلي عطاها الدكتووور و قال ابحثوا عنها..

لانو قال بدو يجيب منهن.. فشو مشان؟.. ممكن نتزلوهن..

مييغسي..

أي حطّو الأسئلة لنحلها سوا

[Karam]

ماذا عن الbio chips?

bio chips : رقاقة حيوية مُستخدمة بالتخزين
يعني رقاقة biochips تُعد من وحدات الخَزن الثانوية
وبتدخل البروتينات بتركيبتها الكيميائية

[sema]

هو سؤال او اسئلة بالمحاضرة 10 كيف الدكتور صار يطلع مجال الاشارة من 127 الى - 128 يعني كيف كان مثلا 1001101
انو هو 141-265 كزيف هدول ممكن حد يشرح

وكمان شو مشان الحاسبة ممسوح استعمالها ؟