كيف تكتب CV متميزة ( نصائح مهمة )

منتدى لمناقشة كافة القضايا التي تتعلق بالتطوير الذاتي الشخصي

المشرف: المقداد

كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 2:00 am

مرحبا
لح أحكي هون بالتفصيل عن ال CV بدءا بالمعلومات الأساسية ( تعريفها , الفرق بينها و بين غيرها , ... ) وصولا لمعلومات متقدمة فيها ملاحظات مهمة لكتابة CV تكون متميزة و بتكشف نقاط قوة كتيرة بكاتبها .

أولا : تعريف CV ( السيرة الذاتية )CV هي اختصار لكلمة Curriculum Vitae و هي المعلومات الأساسية يلي بتحكي عن التاريخ المهني و التعليمي لصاحبها , و هي الوسيلة الأنسب ليتمكن حاملها من تسويق نفسه بالشركات يلي بيرغب بالعمل فيها , لهيك من المهم كتير أنو يعرف كيف يكتبها , لأن بالنهاية هيي إعلان عن حالو , و لما يكون الإعلان ناجح بيحقق الغاية المطلوبة , و لما يكون فاشل بكل بساطة ما بتحقق هالغاية .
ثانيا : الفرق بين ال CV و بين ال Application Formكتار يلي بيخلطو بين التنتين بس الفرق كبير , لأن ال CV بيساويها صاحبها و بيقدمها للشركات و بيحاول فيها أنو يظهر نقط القوة تبعو كاملة , و بيتجنب الاقتراب من أي نقطة ضعف , أما ال Application Form فهي بيساويها مدير الشركة يلي بدو يوظف الناس عندو , و بيحط فيها مجموعة من الأسئلة عن المعلومات الشخصية للناس يلي بدها تتوظف و عن خبرتهم و بيحاول قدر الإمكان أنو تكون ذكية و قادرة على أنو تكشف نقاط الضعف عند هالأشخاص ليحسن يعرف الأحسن بينهم
( ملاحظة هامة : لما ينطلب من شخص أنو يعبي ال Application Form لازم يعبيها بشكل ذكي و بنفس الوقت سريع لأن الشركات يلي بتحترم حالها بتربط المعلومات الموجودة بالوقت المستغرق للإجابة عنها )
ثالثا : متى تستخدم ال CV ?هلأ أحيانا في شركات بتعلن عن فرص عمل ساعتها يفترض بيلي حابب يتوظف أنو يرسل نسخة من ال CV و أحيان تانية ممكن أنو الواحد يروح يحط ال CV بمجموعة شركات دون سابق طلب و لما يكون بدهم موظفين كتير أوقات بيشوفو هالموجودة عندهم , و أحيان تانية بيروح الواحد على شركة توظيف بيعطيهم الCVو هنن لما يلاقو فرصة مناسبة بيمرقوها للشركات مقابل رسوم بسيطة .
رابعا : ما هي المعلومات التي يجب أن تتضمنها ال CV ؟في البداية يجب أن تحتوي على المعلومات الشخصية و هي الاسم و العنوان و الهاتف و البريد الالكتروني و هل صاحبها حاصل على شهادة قيادة أم لا , و هل صاحبها متزوج أم لا , و هل صاحبها أنهى خدمة العلم أم لا , كما يجب إضافة الجنس و أحيانا ترفق معها صورة
يلي ذلك التحصيل العلمي لصاحبها بدءا من الأقدم إلى الأحدث و هنا يجب تناول كافة الشهادات الرسمية التي حصل عليها مع تاريخ الحصول عليها و شرح بسيط جدا عن ماهية هذه الشهادات .

بعد ذلك يتم ذكر خبرات العمل و التي يجب أن تتناول الخبرات التي حصل عليها حام السيرة الذاتية خلال عمله السابق مهما كان هذا العمل , لأن أي وظيفة بيشتغل فيها الواحد بيكتسب فيها خبرة بدءا من مفرمت أجهزة وصولا إلى مدير شركة .

بعد هدول بينحكى بقا عن أهم الأخبرات يلي اكتبسها صاحب السيرة الذاتية بحياتو يعني هون بيحكي عن مهراتو و هالقسم كتير مهم بالنسبة للشركات لأن بيحبو يعرفو أنت كموظف محتمل شو بتعرف و شو تعلمت من دراستك و من شغلك السابق , يعني هون بتحكي مثلا عن اللغات يلي بتعرفها , و بتحكي كمان عن أمور متل أنك تعلمت الغل بفرق عمل متكامل من خلال أداء المشاريع بالكلية , أو انك تعلمت العمل تحت الضغط من خلال طبيعة الدراسة و غيرها و غيرها ...

بالنهاية يفضل الواحد يكتب سطرين تلاتة عن الأمور يلي حابب يتعلمها من شغلو بهالشركة متل أنو يكتسب مثلا خبرة عملية بمجال العمل بالمواقع أو أنو يكتسب خبرة بمجال كذا أو أنو يطور نفسو ...

نهاية إذا كان في أشخاص يمكن الاتصال بهم للاستعلام عن صاحب السيرة الذاتية يمكن ذكر أسمائهم مع مرتبتهم المهنية كمدير الشركة يلي اشتغلت فيها من قبل , و يمكن أنك ما تحط اسمو يعني بتحط أنو في ناس يمكن الاتصال بهم و عند الضرورة بتزود الشركة بمعلومات الاتصال بهم .

( ملاحظة هامة : لما الواحد ينهي شغلو مع شي شركة , لازم أنو يطلب من مدير الشركة أو من مديرو المباشر أنو يكتبلو Recommendation يعني توصية و أنو يوقعها , و هي مهمة لأن الشركات بتهتم بعرفة رأي مديرك السابق فيك , بس طبعا كتير ممكن أنو يستفسر عن طبيعة عمل الشركة يلي كنت بتشتغل فيها لأن بيهمو يعرف المرتبة المهنية للشخص يلي كتب هالتوصية , و لازم أكيد تكون التوصية مختومة بختم الشكرة و موقعة من كاتبها )
( ملاحظة هامة : يرفق مع السيرة الذاتية الشهادات العلمية المحصلة , و يرفق معها التوصيات من الشركات )
يفضل تكون السيرة الذاتية مكتوبة باللغة الانكليزية لأن بتوحي باحترافية أكبر

لا يجب أن يطبع على جانبي الورقة يعني كل صفحة بينطبع على وش واحد بس منها لأن السيرة الذاتية يلي مطبوع فيها عالوشين بتكون مبهدلة .

كتير ناس بتقلك أنو الأفضل أنك تكذب بالسيرة الذاتية بس هالحكي خطأ لأن ممكن الواحد ينطلب منو أنو يجاوب على أشياء معينة يكون كاتبها بسيرتو الذاتية و تكون كذب لهيك يطلب الصدق تمام .
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 2:09 am

ملاحظات هامة :

لما الواحد يحط براسو أنو يتوظف لازم يساوي CV و يبدا بإرسالها لأكبر عدد من الشركات الممكن أنو يتوظف فيها , و كتير ناس بتخجل أو بتتردد من هيك حركة بس لازم الواحد ما يخجل و يبعت قد ما فيه للشركات يلي حابب يتوظف فيها لأن بالنهاية هنن بدون موظفين ما بيسوو شي .

لما الواحد يبعت الCV بالإيميل لازم كتييير أنو يعرف لمين باعتها لأن مثلا إذا بعتها لمدير الشركة العام بتروح عالكب بينما لازم يكون باعتها لعند مدير ال HR مثلا , مع العلم أنو 75% من ال CV بتروح على عناوين خاطئة يعني بتروح لعند شخص بدل شخص بالشركة .

كتير شركات بمواقعها بيكون عندهم , قسم اسمو Career في المجالات المتاحة للعمل بهالشركات .

الشركات لما تستلم CV فيها أخطاء إملائية أو قواعدية بتلتفت لهالموضوع كتير مع العلم أنو كل سيرة ذاتية ترسل بدون أخطاء أبدا هي 63% محتملة أكثر ان تلقى ردا من الشركة يلي انبعتت إلها و إلها احتمال أكبر 26% أنو صاحبها يحصل على مقابلة .

يفضل يكون قياس الخط بال CV هوي 12 لأن الخط الكبير مو مقروء منيح عالشاشة , و يفضل تكون ملونة بشكل بسيط كتير و تقيل يعني بس العناوين الرئيسية بلون غامق ومتل النيلي أو الخمري أو الرمادي الغامق مثلا
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة EMAD » الأربعاء سبتمبر 01, 2010 2:13 am

الله يعطيك العافية
:smile: :smile: :smile:
:smile: :smile:
:smile:


"لا أريد لأحد أن يسكت عن الخطأ أو أن يتستر عن العيوب والنواقص . "‏‏‏‏

"حافظ الاسد"


صورة العضو الشخصية
EMAD
عضو فعال
عضو فعال
 
مشاركات: 461
اشترك في: الأحد فبراير 17, 2008 2:41 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 2:27 am

هلأ بالبداية الملف رقم 1 هوي نموذج للCV ممكن انويستخدم و هوي كتير مرتب مع العلم انو الخطوط يلي مقسمة الصفحة ممكن تنلغى يعني تصير غير مرئية و ممكن انها تضل .

و بالنسبة للملف رقم 2 فهاد نموذج ل CV كانت عندي من قبل , لواحد من رفقاتي و ممكن أنو الواحد ياخدها يعدل فيها و يساويها إلو , و هيي كتير احترافية و مرتبة كمان , و هي لازم تشوفو فيها كيف أنو بقسم الخبرات ذكر خبرات كتير بسيطة بس هالخبرات هي ساعدتو أنو يتوظف بشركة بدها واحد عندو هالخبرات هي مو أكتر .

أما النموذج التالت فكمان كتير حلو و مسحوب من الموقع التالي :
http://www.cvtemplates.net
و هاد الموقع في اكتر من نموذج ل CV حلوين و مرتبين حسب الحاجة إلهم .
آخر تعديل بواسطة Future في الأربعاء سبتمبر 01, 2010 2:32 am، عدل 1 مرة
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 2:29 am

إذا عجبكم الموضوع بكرة بكمل ملاحظات بموضوع ال CV و ممكن بعدها حط ملاحظات كتييير مهمة بموضوع المقابلات مع الشركات و شو لازم الواحد يحسب حسابو قبل أي مقابلة .
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة a_120 » الأربعاء سبتمبر 01, 2010 9:03 am

طيب بقولو انو ال cv لخريج CSE مختلف تماما بالبنية عن ال cv لطبيب أو لخريج تجارة ياترى هالحكي صحيح :imb:
وشكرا عالموضوع..
a_120
عضو جديد
عضو جديد
 
مشاركات: 4
اشترك في: الاثنين أغسطس 23, 2010 12:34 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الخامسة
الاختصاص: ذكاء صنعي

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 10:16 am

a_120 كتب:طيب بقولو انو ال cv لخريج CSE مختلف تماما بالبنية عن ال cv لطبيب أو لخريج تجارة ياترى هالحكي صحيح :imb:
وشكرا عالموضوع..


في اختلاف طبعا بين CV مهندس معلوماتية و بين CV طبيب لأن بال CV تبع الطبيب بتكون العناوين الرئيسية مختلفة متل أنو مثلا بيذكر ( Medical History ) و بيذكر ( Medical Licenses ) و غيرهم طبعا , يعني بالنهاية الخطوط العريضة لل CV هيي يلي بتختلف من اختصاص لاختصاص
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 10:40 am

ملاحظة كتير هامة لما الواحد يكتب CV
حط ببالك أنو مدير الشركة يلي عم يقرأ كل هال CV's في قدامو شي 100 وحدة إذا مو أكتر و بدو ينقي بينهم , لهيك لازم تكون ال CV بسيطة و معبرة بشكل كامل و و هون في مقولتين أساسيات بهالموضوع هنن :
First of all : Keep it Simple
يعني خليها بسيطة , بعيد عن الحشو و الاستعراض للمقدرات اللغوية , و حاول تعتبر حالك مكان هالمدير يلي بدو يقرأها
Second : If they didn't hear it , You didn't say it
يعني إذا كان في شي أنت بتتمتع فيه من مهارات أو معرفة أو أو .... و مدير الشركة يلي قرأ ال CV تبعك ما عرف بهالمهارات هدول , فالسبب هوي أنك ما كتبتهم بال CV أو ما عرفت تحكي عنهم مظبوط .
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة Vostro » الأربعاء سبتمبر 01, 2010 11:23 am

أحياناً بيكون عند الواحد خبرات بس مو مرتبطة بشكل مباشر مع طبيعة عمل الشركة الهدف.
يعني مثلاً شركة برمجة، بيصير الواحد يكتب بالـ C.V مثلاً أنو عندو خبرة عمل صيانة أو رامي حذق بالـ AK47 :mrgreen:

وشكراً Future على مواضيعك المتميزة :iok:
Vostro
متميز برمجة عام
متميز برمجة عام
 
مشاركات: 835
اشترك في: الجمعة أغسطس 29, 2008 1:15 am
الجتس: ذكر
الشهادة الثانوية: غير ذلك
الجامعة: غير ذلك
الكلية: غير ذلك
المرحلة الدراسية: غير ذلك
الاختصاص: غير ذلك

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 12:35 pm

نصائح هامة جدا لمقابلات العمل :
أولا : كتير مهم انك تكون موجود بمكان المقابلة قبل ربع ساعة , و الشركات الكبيرة بتقدر موضوع الوقت و الالتزام بالموعد بشكل كبير

ثانيا : إياك ثم إياك ثم إياك انك تلبس جرابات فاتحة ( و هالحكي عنجد مو مزح ) لأن الجرابات الفاتحة بتعكس مظهر بسيط أما الجرابات الغامقة المتناسقة مع اللبس بتعكس تقل و هاد هوي المطلوب و طبعا كنرة رسمية مو بوط رياضة .

ثالثا : إياك و إياكي أنكم تلبسو جينز على مقابلة عمل إذا كانت بشي شركة فخمة , و بالنسبة للشباب يفضل انك تلبس بنطلون طقم ( اللون الكحلي هو الأقوى ) و بتلبس معو قميص فاتح ( مزرر - يعني لا تفتح أول زرين تلاتة ) و قشاط طبعا . و بالنسبة للبنت يفضل انها تلبس تنورة رسمية ( كحلي هو اللون الأقوى كمان ) أو بنطلون رسمي ( يعني قماش مو جينز ) مع قميص فاتح

رابعا : لما تفوت لعند اللجنة يلي عم تقابلك , سلم عليهم بكلمات بسيطة متل ( صباح الخير ) او ( السلام عليكم ) بس حاول ما تسألهم شو صحتهم , و كيف أخبارهم و من هالحكي , و طبعا لما تسلم عليهم اتطلع بعيونهم كلهم لتلفت نظرهم إلك .

خامسا : لما تخلص المقابلة صافح اعضاء اللجنة يلي قابلوك , واحد واحد و تشكرهم على وقتهم .

سادسا : قبل ما تفوت على أي مقابلة عمل بشي شركة لازم تكون على اطلاع بعمل هالشركة , يعني بعد ما يتصلو فيك و يحددو الموعد دور عن معلومات عنها و افهام طبيعة شغلها و مستواها بالسوق مشان لما يحكو معك يحسوك فهمان و مهتم بالشغل معهم .

سابعا : قبل ما تفوت على أي مقابلة لازم تحضر براسك أجوبة لمجموعة من الأسئلة يلي لح أذكرهم بعد شوي , و هالأجوبة لازم تطلع منك بشكل عفوي و كأنك هلأ عم تلاقي غجابات و ما يكونو كأنهم تسميع , و لازم طبعا أنك تسمع الأجوبة بينك و بين حالك أو مع حدا من أهلك أو رفقاتك أكتر من مرة لتتدرب على طريقة حكيهم و لا تقول لحالك انا قدها و قدود لأن الشغلة مو شوربة
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة الجارح » الأربعاء سبتمبر 01, 2010 12:40 pm

الموضوع كثير حلو
بس كمان برأيي انو اول جملة بتعطي لمحة كبيرة عن الشخصية
سبحان وبحمده سبحان الله العظيم
صورة العضو الشخصية
الجارح
عضو فعال
عضو فعال
 
مشاركات: 323
اشترك في: الاثنين نوفمبر 10, 2008 11:01 am
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 12:56 pm

توقع دوما بالمقابلات يلي بتصير بشركات مهمة الأسئلة التالية :

أولا : احكيلنا شوي عن حالك ؟
من هالسؤال البسيط , الشخص يلي عم يقابلك بيحاول يفهم طبيعتك , يعني بيحاول يعرف هل أنت شخص ممل و كتير الحكي و بتغرق بشبر مي , و لا انت شخص واثق من نفسك و عرفات تمام شو بدك تحكي لأن كل يلي عم تحكيه صدق بقا لازم تكون محضر حالك لتلخص حياتك المهنية و التعليمية بشكل سريع و موجز و معبر تماما .

ثانيا : ليش بدك تترك الشغل بشركتك القديمة ؟
هون بيحاول يعرف مدى ولاءك للشركة يلي بتشتغل فيها , و مدى حرصك على معلوماتها , يا ترى لح تفضحها و تحكي عنها بالعاطل , و لا لح تلتف على سؤالو بطريق ذكية و تحافظ على سمعة شركتك .

ثالثا : سمعت أنو بشركتك في ( كذا و كذا .... ) صح هالحكي ؟
كتير أحيان قبل المقابلة بيدورو على معلومات عن الشركة يلي انت بتشتغل فيها , و بيحاول يختبرو مدى حفظك للمعلومات بأنهم يسألوك أسئلة خاصة عن أشياء بالشركة و إذا حكيت و جاوبت و شرحت كتير فورا بيعتبروك شخص غير مؤهل لأنك ما عندك ولاء للعمل بالشركة يلي انتي فيها بالمختصر المفيد ما بيكونو عرفانين هالمعلومات بالصدفة .

رابعا : ليش حابب تشتغل معنا ؟
طريقة لحتى يلبكك و يخليك تخضع لشركتو بأنك تمدحهم , بس هون بالذات حاول أنك تحكي عن رغبتك بتطوير خبرتك و معرفتك او تطوير خبرتك بمجال جديد أو ... أو ... أو .... بس المهم لا تقول ( شركتي القدية مو عاجبتني ) أو ( الراتب هون أحسن من هنيك ) خليك على جمل متل ( لقيت بشركتكم جو مثالي لحتى طور نفسي و أحسن انقل المعلومات يلي درستها بشكل أكاديمي لمكان عملي ) أو ( الشغل بشركة متل شركتكم ممكن يزودني بخبرات كتيرة بمجال عملي و يطورني بمجالات تانية أنا حابب أني اتعلم فيها اكتر و أكتر )

خامسا : شو هيي نقاط القوة يلي عندك ؟
هالسؤال يعتبر ذكي , لأن يعتبر نفخ إلك و تحضير للسؤال يلي بعدو , و هون أنت بتحكي عن حالك و بتحاول تظهر أحسن الجوانب فيك , طبعا لا تبيع نفسك زيادة , يعني لا تطلع حالك مفضل عالشركة لأنك لح تتوظف عندهم لأن ما حدا بيحب هالطريقة , حاول تكون صريح وز ذكي بالإجابة .

سادسا : ما هي نقاط الضعف عندك ؟
هون السؤال يلي بيدمر , بعد ما تكون نفخت حالك بيجيلك بهيك سؤال , و مقدار هدوءك بيحدد إجابتك , يعني لما تتردد بالإجابة معناها عندك ضعف و بدك تخبيه شلون ما كان , و لما تجاوب بهدوء و بشكل ذكي بيبين أنك شخص واثق من حالو .

سابعا : يا ترى شو طبيعتك , بتحب تكون ضمن فريق عمل , و لا بتحب تكون مدير الفريق ؟
كلشي إلا هاد السؤال لأن خطير كتير و مصيري حاكم هون إذا بتجاوب انك بتحب تكون مدير و بتستلم مسؤولية و مدري شو , بتكون خسرت الوظيفة لأن ما بدهم رؤوس بالشركة , و لازم تجاوب أنك قادر على العمل ضمن فريق و تنفيذ أوامر قائد الفريق بشكل تام , و قادر على تحمل مسؤولية إدارة لما ينطلب منك هالشي ( و أكد على كلمة لما ينطلب منك هالشي )

ثامنا : وين بتشوف حالك بعد 5 سنين من هلأ إذا توظفت ؟
بيحاول هون يشوف , يا ترى أنت ناوي تشتغل بالشركة بعدين تتركهم ,ولا لاء ناوي تشتغل بالشركة و تكمل فيها , يعني شو هدفك .

تاسعا : شو حاطط ببالك راتب ؟
إياك أنك فورا تشلف شي راتب كبير , و إياك أنك تتردد لأن ساعتها بيسرقوك , جاوب و بكل بساطة ( هالشي بيعتمد على طبيعة الوظيفة يلي بدكم تسلموني ياها , و طبيعة الرواتب عندكم بالشركة ) , و إذا انحصرت و اصار لازم تعطي رقم فلا تعطيهم رقم و بس , لاء عطيهم مجال يعين قلهم ( بين كذا و كذا ) بس كون واثق من حالك مو تقلو ( منيح هيك ولا لاء ؟ ) و يفضل قبل ما تروح على شي شركة أنك تكون على اطلاع بنظام الرواتب فيها , يعني قديش بيعطو الموظف بالعادة و شو ادنى حد

في حال الموافقة قديش بدك من هون لتترك شركتك و تنتقل لعنا ؟
أوعك تقول فورا , لأن هيك بتكون كبيت وراك شغل الشركة يلي هلأ انتي فيها , دون ما تعطيهم خبر , و بالنمسبة للشخص يلي عم يقابلك أنت بالمستقبل ممكن تعمل هك حركة و تطنبرو , لهيك بتقلو شي فترة متل أسبوع أسبوعين , يلي هوي , على هوى طبيعى شغلك الحالي .
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 1:01 pm

على فكرة هالأسئلة مدروسة كتير منيح , و مو محطوطة بشكل عبثي
و الهدف منها انهم يكتشفو فيك أشياء أنت خبيتها عنهم بال CV ليعرفو طبيعتك
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 1:02 pm

الجارح كتب:الموضوع كثير حلو
بس كمان برأيي انو اول جملة بتعطي لمحة كبيرة عن الشخصية

ما فهمت عليك شو قصدك بأول جملة , مدري أنا الصيام آخد عليي :)
ممكن توضحلي و شكرا ...
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة N.S » الأربعاء سبتمبر 01, 2010 4:12 pm

مشكور جزيل الشكر ...موضوع مفيد جدا

هذا الرابط يحوي أيضا على ملفات لمحاضرات مثل كيفية كتابة CV و إجراء مقابلة عمل و كيف تؤسس مشروع صغير ... ألقيت أثناء ورشات عمل أقيمت من قبل مشروع شباب

لمحة عن مشروع شباب كتب:هو مشروع سوري غير ربحي، يعمل على تأهيل مهارات الشباب بين سن ال 15 وال 24 لدخول عالم الأعمال وتطوير مهاراتهم الأساسية. وهو أحد مشاريع الأمانة السورية للتنمية التي ترأسها السيدة أسماء الأسد
Think before you speak , and Read before you think
N.S
عضو فعال
عضو فعال
 
مشاركات: 721
اشترك في: الخميس يونيو 05, 2008 6:27 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الخامسة
الاختصاص: ذكاء صنعي

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الأربعاء سبتمبر 01, 2010 7:01 pm

هاشم الرفاعي كتب:أحياناً بيكون عند الواحد خبرات بس مو مرتبطة بشكل مباشر مع طبيعة عمل الشركة الهدف.
يعني مثلاً شركة برمجة، بيصير الواحد يكتب بالـ C.V مثلاً أنو عندو خبرة عمل صيانة أو رامي حذق بالـ AK47 :mrgreen:

وشكراً Future على مواضيعك المتميزة :iok:


عفوا , و شكرا لأنك سألت , بس على فكرة لازم أنك تحط خبراتك كلها
لأن كتير ممكن تكون مقدم على وظيفة و تلاقي الشركة مكان تاني منيح إلك بشركتهم
و كمان مكن يمرقو ال CV تبعك لشركة تانية بدهم حدا متلك , لهيك خبراتك لازم تكون كلها موجودة بال CV
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

Re: كيف تكتب CV متميزة ( نصائح مهمة )

مشاركة غير مقروءةبواسطة Watary » الأربعاء سبتمبر 01, 2010 11:14 pm

السلام عليكم ...
شكرا كتييير على مواضيعك وردودك المميزة حقا تستحق وسام التميز "من وجهة نظري على الأقل"
وتستحق ايضا أن تكون الدكتور الذي سيعطي مهارات التواصل بدال الدكتور طريف...
مواضيعك كتير حلوة ومفيدة ...
بس عندي سؤال:
Future كتب:ثالثا : سمعت أنو بشركتك في ( كذا و كذا .... ) صح هالحكي ؟
كتير أحيان قبل المقابلة بيدورو على معلومات عن الشركة يلي انت بتشتغل فيها , و بيحاول يختبرو مدى حفظك للمعلومات بأنهم يسألوك أسئلة خاصة عن أشياء بالشركة و إذا حكيت و جاوبت و شرحت كتير فورا بيعتبروك شخص غير مؤهل لأنك ما عندك ولاء للعمل بالشركة يلي انتي فيها بالمختصر المفيد ما بيكونو عرفانين هالمعلومات بالصدفة .

ممكن اذا ماحكيت وشرحت شو لازم تساوي تسكت :eek: وبعدين شو المشكلة اذا حكيت :???:
شكرا.
صورة العضو الشخصية
Watary
عضو فعال
عضو فعال
 
مشاركات: 390
اشترك في: الخميس أكتوبر 23, 2008 7:38 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

Re: كيف تكتب CV متميزة ( نصائح مهمة )

مشاركة غير مقروءةبواسطة mhmd.ayman » الأربعاء سبتمبر 01, 2010 11:52 pm

أحمد الخزرجي كتب:السلام عليكم ...
شكرا كتييير على مواضيعك وردودك المميزة حقا تستحق وسام التميز "من وجهة نظري على الأقل"
تستحق ايضا أن تكون الدكتور الذي سيعطي مهارات التواصل بدال الدكتور طريف...
[font=]
ربي إني لما أنزلت إليّ من خير فقير
[/font]
mhmd.ayman
عضو جديد
عضو جديد
 
مشاركات: 260
اشترك في: الثلاثاء سبتمبر 16, 2008 9:53 am
الجتس: ذكر
الشهادة الثانوية: علمي
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: كيف تكتب CV متميزة ( نصائح مهمة )

مشاركة غير مقروءةبواسطة $ M.Y.T $ » الخميس سبتمبر 02, 2010 12:26 am

الله يعطيك العافيه .. :smile:

والله جهد مشكور عليه ، وكتير بيفيدنا وقت بدنا ندور ونفتل ع الشغل :mrgreen:
قال تعالى:
"ما يفعلُ اللهُ بِعذابِكُمْ إنْ شَكَرتُمْ وآمنتُم وكانَ اللهُ شَاكِراً عَليمَاْ"


مدونتـــــي
صورة العضو الشخصية
$ M.Y.T $
عضو فعال
عضو فعال
 
مشاركات: 989
اشترك في: الأحد سبتمبر 27, 2009 8:23 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: كيف تكتب CV متميزة ( نصائح مهمة )

مشاركة غير مقروءةبواسطة Future » الخميس سبتمبر 02, 2010 3:19 am

أحمد الخزرجي كتب:السلام عليكم ...
شكرا كتييير على مواضيعك وردودك المميزة حقا تستحق وسام التميز "من وجهة نظري على الأقل"
وتستحق ايضا أن تكون الدكتور الذي سيعطي مهارات التواصل بدال الدكتور طريف...
مواضيعك كتير حلوة ومفيدة ...
بس عندي سؤال:
Future كتب:ثالثا : سمعت أنو بشركتك في ( كذا و كذا .... ) صح هالحكي ؟
كتير أحيان قبل المقابلة بيدورو على معلومات عن الشركة يلي انت بتشتغل فيها , و بيحاول يختبرو مدى حفظك للمعلومات بأنهم يسألوك أسئلة خاصة عن أشياء بالشركة و إذا حكيت و جاوبت و شرحت كتير فورا بيعتبروك شخص غير مؤهل لأنك ما عندك ولاء للعمل بالشركة يلي انتي فيها بالمختصر المفيد ما بيكونو عرفانين هالمعلومات بالصدفة .

ممكن اذا ماحكيت وشرحت شو لازم تساوي تسكت :eek: وبعدين شو المشكلة اذا حكيت :???:
شكرا.

أول شي شكرا كتير على ردك اللطيف كلك ذوق
و بالنسبة للسؤال , شوف هالسيناريو هاد :
أنت بتشتغل بشركة سيريتل مثلا , و بتعرف أنو في مشكلة بين مدير التسويق و بين مدير المالية , و بتعرف أنو مدير التخطيط مثلا فاشل كتير
و رحت على مقابلة عمل بشركة تانية بغير مجال , و لتكن شركة نفط , فقبل ما تصير مقابلتك بيكون الشخص يلي بدو يقابلك دهدس على شوية معلومات و جمعها , ليسألك عنها بمحاولة منو ليتعرف على ولاءك لشركتك , لأن إذا أنت هلأ فضحت معلومات شخصية بتتعلق بشركتك و بإدارتها و بالمشاكل يلي فيها , لأنك حابب توظف بشركة غيرها , معناها بالمستقبل ممكن إذا تظفت بشركة النفط و صحلك شغل بشركة أحسن أنك تنقل معلومات أو تحكي عالشركة و عن أمور خاصة فيها و بس , لهيك أكيد ما بتسكت بس بتحاول تلف عالسؤال و تتجنب أنك تجاوب بشكل بيهين شركتك قد ما كانو سيئين , يعني لو كانو بيهينوك كل الوقت أوعك تهينهم قدام الشركة الجديدة .
و ممكن بكل بساطة إذا ما حسنت تلتف عالسؤال أنك تقول للشخص يلي عم يقالك أنو هي معلومات خهاصة بالشركة و خارجة عن سياق المقابلة و أنك ما بتفضل تتطرق إلها , و كون على ثقة أنك لح تنال احترامو .
Dreams Are NOT What We See While We Are Sleeping

Dreams Are What Keep us Awake During Night
صورة العضو الشخصية
Future
متميز لعامنا الثالث
متميز لعامنا الثالث
 
مشاركات: 329
اشترك في: الخميس ديسمبر 17, 2009 8:46 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: شبكات و نظم

التالي

العودة إلى منتدى التطوير الذاتي

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر