كيف تكتب CV متميزة ( نصائح مهمة )

[JAEGER]

شكر كبير كتييييييييييييير كتير

يعطيك العافية وفّيت كتير

[HammooD]

ممكن اذا ماحكيت وشرحت شو لازم تساوي تسكت وبعدين شو المشكلة اذا حكيت

كمان أوقات بحاولوا يسألوك عن المشاريع يللي اشتغلتها بالشركة القديمة ...و هالشي كمان غلط تحكيه لإنو أي شركة بتعتبر إنو مشاريعها سر داخلها عالأقل لبين ما يعلنوا عن المشروع ، لكن ما المفروض تسكت و إنما ممكن تقول : "اشتغلت مشاريع كان إلها علاقة بالجافا و الـ php و كان فيها اطلاع على مشاريع مفتوحة المصدر (هالحكي مثال) " هيك إنت بتكون حكيتلهن عن خبرتك بالشركة القديمة بدون ما تكون أعلنت عن أسرارها من ناحية المشاريع ...

[HammooD]

بعد إذن صاحب الموضوع في هاد موضوع عن شخص بقول إنو هو منيح كمبرمج بس مقابلاتو بتكون فاشلة ، في كتير نصائح بالموضوع و أجوبة حلوة و حكى بالآخير إنو طبق النصائح و حصل عالشغل :
http://stackoverflow.com/questions/3292 ... 378#329378

[person]

شكراً Future على مواضيعك المتميزة

[Future]

هلأ لح نكمل ملاحظات مهمة بموضوع مقابلات العمل
لا تقولو لحالكم ليش هالتفصيل هاد , و مو معقول يكون في هيك , لأن صدقوني هاد كلو صحيح و خصوصي بالشركات الكبيرة يلي هيي هدف نسبة كبيرة منا

كون الشركة طلبت منك أنك تعمل مقابلة معناها أنها عجبتها ال CV , و بقي أنك تقنعهم بحالك
حسيب حالك فايت على سوبر ماركت و بدك تشتري صابون ايدين , بتلاقي شي 50 نوع , طيب ليش بتنقي واحد و بس من هالأنواع ( في حال كنت مالك معتمد على واحد من الأول ) بكل بساطة لأنك أعجبت بشكلو .
و بالشركة انت لح تكون الصابون و في غيرك برا قاعدين عم يستنو دورهم صابونات كتير و الأحسن لح يتوظف

بتعرفو أنو الأشخاص يلي بيقابلوك بيركزو على لغة الجسد تبعك Body Language أكتر ب 55% من أي شي تاني

لهيك انتبهو لهالكم شغلة :

أولا : يمنع منعا باتا أنك/إنك تاكلو مسكة أثناء المقابلة , عنجد أوعكم لأن ممكن تنرفض ال CV تبعكم بالكامل و لو كانت ممتازة مشان هيك قصة .

ثانيا : تذكر تطفي الموبايل قبل ما تفوت عالمقابلة .

ثالثا : بالنسبة للشباب لا يفضل أنو الشب يكون متزين لا ببلاك و لا طوق و لا ربطة أيد و لا شي من هالقصص , ستايلك الشخصي على عيني و راسي , بس مو بالشغل .

رابعا : بالنسبة للبنات كتر المكياج يعتبر طريقة للاختباء , لهيك خلي مكياجك خفيف و مرتب و كمان موضوع الحلق و الأساور , يفضل الشي الرايق و الموكبير , يعني الحلق الكبير مو محبذ بالمقابلات و نفس الشي الأكسسورارات الكتيرة .

خامسا : الابتسامة ضرورية , بس كتر الضحك و المياعة ما بيعطيك فرص كبيرة , و حاول ما تمزح مع اللجنة ابدا إلا إذا هنن مزحو معك ساعتها امزاح معهم بلطف و لا تاخود وش .

سادسا : المطمطة بتخلي اللجنة تنفر منك , لأن في كتير ناس عندهم عادة أنهم يتمطمطو هنن و قاعدين أو يطقو أصابيعهم أو حتى يتاوبو لهيك ديرو بالكم

يتبع ...
مرة تانية بقلكم لا تواخذوني على كتر التفصيل بس هالحكي ضروري

[الربيع]

شكراً Future على مواضيعك المتميزة

[alaa_snake_eye]

حابب ضيف كم نصيحة على يلي تفضل فيه Future

لغة الجسد مهمة جداً بمقابلات العمل .. وهنن بيعتبرو الشخص يلي بيستخدم لغة الجسد هوو شخص مفعم بالطاقة .. وهاد عامل كتيير مهم بالنسبة الون وخصوصي نحنا المهندسين مشان فرق العمل .. بس كمان باعتدال .. يعني ما تشوبر كتيير بإيديك !!

و الأهم من هاد للأشخاص يلي عندن عادة الهز بالرجلين أثناء الاسترسال بالكلام يحاولو يتحكمو بهالشي بالمقابلة مشان ما تنكرز اللجنة.

أحد العوامل المهمة بالمقابلة أنك تتطلع بعيون الشخص يلي عميقابلك ..مو تجئرفيه ..يعني نظرة ثقة بالنفس ..كمان نبرة الصوت لازم تكون معتدلة .

[zinab.it1]

جزاكم الله كل خييييير