سيكولوجية الغش في الامتحانات

منتدى لمناقشة كافة القضايا التي تتعلق بالتطوير الذاتي الشخصي

المشرف: المقداد

سيكولوجية الغش في الامتحانات

مشاركة غير مقروءةبواسطة أبو المعرفة » الأربعاء مارس 10, 2010 9:02 pm

بداية هذا الموضوع منقول بتصرف عن أحد الأخصائيين النفسيين الكبار في بلد عربي كبير مجاور ولكنني اضطررت إلى حذف بعض الأمور من الموضوع تجنبا للفهم الخاطئ له وأنبه أن كاتب الموضوع في الأمثلة التي يذكرها يتكلم عن بلده

يقول أ.د. محمد المهدي :

رأيت في يوم من الأيام مشادة بين اثنين من أعضاء هيئة التدريس في أحد الجامعات وعلمت أن سببها أن أحدهما قد وصّى الآخر على أحد الطلاب ثم اكتشف أنه لم يقم بعمل اللازم كما يتوقع هو وهو الدرجة النهائية بلا نقصان على الرغم من أن هذا الطالب –كما ذكر عضو هيئة التدريس الآخر– لم يفتح فمه بكلمة إجابة واحدة تبرر إعطاءه أي درجة ناهيك عن الدرجة النهائية.

قد تكون شعرت بالضيق والملل أيها القارئ وتقول: وما الجديد في ذلك؟.... وهذه هي المشكلة أن أمر الغش في الامتحانات لم يعد يثير انفعالا ذا قيمة عند مستقبله, فالأمر لا يعدو شقاوة طلاب أو رأفة مراقبين أو حرص أولياء أمور على نجاح وتفوق أبنائهم. وهذا جزء من الخلل الذي أصاب الضمير العام فأصبح لا يستنكر بعض الظواهر الاجتماعية مثل الرشوة أو الغش في الامتحان, وحتى لو تحدث عنها فإنه يتحدث عنها كأمر واقع لا مفر منه, وأن هناك أشياء أهم وأخطر جديرة بالحديث فيها وعنها.

والغش في الامتحانات تكمن خطورته في أنه التجربة الأولى للغش في الحياة لذلك فهو البذرة الأولى لكل أنواع الغش والتدليس في أي مجتمع مثل التزوير في الأوراق الرسمية وانتحال الشخصيات, والخداع في الخطبة والزواج, وتقديم ضمانات وهمية للبنوك للحصول على قروض يتم تهريبها والهرب معها, واغتصاب حقوق الشعوب, إلى آخر ذلك من الجرائم التي تنتمي في بداياتها إلى استحلال الغش في الامتحانات من الطالب ومن المراقب ومن المجتمع.

والآن نحاول أن نستقرئ التركيبة النفسية للغش في الامتحانات وذلك بقراءة طبيعة ودوافع أطراف هذه العملية كالتالي:

* طبيعة ودوافع من يغش:
من يقوم بفعل الغش يمكن أن يندرج تحت أحد الأنماط التالية:
1 – الطمّاع: وهو الذي يريد أن يأخذ أكثر مما يستحق وأكثر مما تسمح به ملكاته وقدراته
2 – اللص: وهو الذي يسلب الآخرين ممتلكاتهم وحقوقهم (الفكرية في هذه الحالة)
3 – المغامر: وهو الذي يجد في الغش نوع من المغامرة والمخاطرة يسعد بها لأنها خروج عن المألوف يعطي شعورا بالقدرة على الأعمال الاستثنائية وعلى اختراق الحواجز
4 – المتمرد: فالغش هنا خروج على السلطة (المدرسية أو الاجتماعية أو السياسية) وكسر لقوانينها وخداع لها, وكل هذا يعطي الإحساس بكسر سلطة المدرس والمدرسة والمجتمع والحكومة.
5 – السيكوباتي: الذي لا يحترم نظم وقوانين المجتمع ويعيش لرغباته ومكاسبه ولا يتعلم من أخطائه.
6 – السلبي الاعتمادي: الذي لا يحب أن يتعب أو يجتهد في تحصيل العلم ولكنه يعتمد دائما على جهود الآخرين ومساندتهم.
7 – الانتهازي: الذي ربما لا يمارس سلوك الغش طول الوقت ولكنه على استعداد في ظروف معينة أن يغير قيمه ومبادئه إذا وجد أن هذا سيحقق مصالحه في ظرف بعينه.

* طبيعة ودوافع من يغشش:
أما من يتطوع بإعطاء معلومات للآخرين أثناء الامتحانات فيمكن أن يكون أحد الاحتمالات التالية:
1– فاقد الثقة بنفسه: لذلك يريد أن يثبت للآخرين أنه يعرف مالا يعرفونه وأن باستطاعته تقديم العون لهم
2 – المتسول للحب: وهو شخص يفتقد الحب من الناس (أو على الأقل يشعر بذلك) لذلك فهو يتطوع لخدمتهم استجداء لحبهم واهتمامهم
3 – صاحب المروءة الكاذبة: والذي يتخيل أن مساعدة الزملاء والأصدقاء في الامتحان نوع من المروءة والشهامة والإيثار

* طبيعة من يرضى بالغش من المراقبين ورؤساء اللجان:
هؤلاء يمكن أن يندرجوا تحت أحد الاحتمالات التالية:
1 – المشوه أخلاقيا والذي اختلطت لديه الأمور فلم يعد يرى في الغش أي مشكلة بل بالعكس ربما يراه نوعا من الرأفة والرحمة للطالب ولأسرته وخدمة للمجتمع بأن ينجح أكبر عدد من الطلاب.
2 – المجامل, الذي ربما لا يرغب في تسهيل الغش ولكنه يحب المجاملات ويضعف أمامها فلا يستطيع أن يقول لا لمن يطلب منه شيئا.
3 – السلبي المستسلم الضعيف, الذي لا يستطيع أن يقول لا رغم رفضه الداخلي لهذا الأمر ومعرفته بعدم مشروعيته إلا أنه يؤثر السلامة ويتجنب المواجهة ويترك الأمور تسير كما يريد الآخرون.
4 – السيكوباتي, الذي يحقق منافع من وراء تسهيل الغش سواء كانت مكاسب مادية أو وظيفية أو اجتماعية أو غيرها, وهو في سبيل ذلك يدوس النظم والقوانين والقيم لأنه منذ البداية لا يحترمها ويعتبرها قيودا غير منطقية على سلوك.

* طبيعة المجتمع الذي ينتشر فيه الغش:
هو مجتمع سقطت فيه قيم كثيرة أهمها الصدق والعدالة واحترام العمل الجاد وجعله وسيلة للارتقاء في السلم العلمي والمهني والاجتماعي, وهو مجتمع أصبح ضميره العام معتلا فأصبح لا يستنكر مثل هذه الظواهر بل يراها أمورا بسيطة لا تستدعي القلق والاستنفار وأنها مجرد شقاوة طلاب لا تستدعي أكثر من التنبيه أو الزجر اللطيف في أصعب الأحوال, وهو مجتمع يقبل الرشوة ويقبل الكذب ويقبل تزوير الأوراق الرسمية وتلفيق القضايا وتشويه سمعة الناس, وهو مجتمع لم يعد للمصلحين فيه صوت مسموع بل علا فيه الباطل وتوحّش وأصبح يفرض قيمه وموازينه بلا حرج أو خجل.

والطالب حين يمارس الغش منذ صغره فإنما هو يتعلم هذا السلوك بكل تفاصيله, وفي كل عام يتفنن في وسائل جديدة للغش مما يكسبه مهارات سيكوباتية تتراكم معه مع الزمن حتى إذا كبر صار سيكوباتيا كبيرا يخدع الناس ويسطو على حقوقهم دون أن يتمكنوا من فضحه أو إيقافه عن ذلك لأنه يكون مسلحا بقدرات غير عادية اكتسبها على مدار السنين من خبرات الغش المدرسي والغش الحياتي، وربما يصل هذا الغشاش الذكي الطمّاع السيكوباتي المحترف إلى مناصب قيادية تمكنه من نشر قيمه ومفاهيمه على مستوى أوسع في المجتمع, وبهذا يهيء وجود قواعد أخلاقية فاسدة تحتمي بقشرة زائفة من الأخلاق الواهية يخدع بها الآخرين.

ومع تزايد أعداد الغشّاشين في مواقع مختلفة نجد أن المجتمع يصبح مخترقا ومهلهلا وقائما على أخلاق نفعية انتهازية غير أخلاقية, وربما يكون التبرير لهذا التدهور الأخلاقي أن الحياة العصرية تستلزم المرونة والتعامل بواقعية وأن ما دون ذلك هو المثالية الرومانسية التي لا تصلح للحياة اليومية بتعقيداتها, وهكذا يتدهور الميزان الأخلاقي للمجتمع ككل تحت دعوى الأمر الواقع الذي فرضه مجموعة من الغشّاشين الذين سكت عن غشهم المجتمع أو تواطأ معهم فيه.

وفي المقابل نجد المكافحين والجادين والصادقين يكابدون مصاعب جمة حيث أصبحت المنظومة الاجتماعية في صالح الكذّابين والمنافقين والمخادعين واللصوص ومن يدور في فلكهم أو ينتفع منهم, وبهذا تسقط أو تضعف مع الوقت تلك الرابطة المقدسة بين العمل وقيمة العائد, فتنتشر قيم الفهلوة والنفاق والخداع.

هل ظن أحدنا في يوم من الأيام أن الغش في الامتحانات له كل هذه الأبعاد المخيفة, وإذا كنا قد ظننا ذلك فلماذا تواطئنا بالسكوت أو بالضعف فلم نقاوم هذا الوباء المستشري في بلادنا والذي يفرخ لنا كل يوم فاسدين محترفين يهددون قيم المجتمع ويشوهون فطرته. ومن هنا نفقه قول الرسول صلى الله عليه وسلم: "من غش فليس منا"

انتهى كلام الكاتب .

فلنعمل جميعا على مكافحة ظاهرة الغش والتغشيش في كل نواحي حياتنا وبداية في حياتنا الجامعية وللأسف الشديد تعرضت لعدة مواقف محرجة بسبب رفضي لظاهرة التغشيش واعتبرها البعض أنانية أو "مثالية زائدة"

وأرجو بعد قرأتكم للموضوع عدم الاكتفاء بالشكر ولكن أعطونا رأيكم هل فعلا تعتقدون أن للغش الأكاديمي كل هذه الأخطار وأنه ظاهرة لابد من القضاء عليها أم أنها مبالغة من أخصائي اجتماعي والأمر عادي و لا يضر نقل سؤال في الفحص !!

المصدر:

http://www.maganin.com/articles/article ... sp?key=463
الحمد لله عدد خلقه ورضا نفسه وزنة عرشه ومداد كلماته
صورة العضو الشخصية
أبو المعرفة
متميز لعامنا الثالث
متميز لعامنا الثالث
 
مشاركات: 807
اشترك في: الأربعاء يناير 30, 2008 10:17 pm
الجتس: ذكر
الشهادة الثانوية: سعودية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الخامسة
الاختصاص: شبكات و نظم

Re: سيكولوجية الغش في الامتحانات

مشاركة غير مقروءةبواسطة owis » الأربعاء مارس 10, 2010 10:42 pm

الله يعطيك العافية يا أبو المعرفة :iok: :iok:
أنا آسف بس يعني والله بظن أنو شي 80 بالمية من يلي بغشو بالامتحانات ما فيهن هالصفات كلها ( طماع و لص ومغامر ...... ) ولا حتى وحدة منهن
يعني أنا بنظري أنو هاد أسمو فزلكة زايدة (قصدي عالكاتب) وما لازم يحملها كل هالشي
وأنا بصراحة من يلي بنقل وبتنقل بالامتحانات :imb:
وهاد صار شي عادي بالمجتمع
وما ظن أنو بحياتو ممكن يساوي كا هالشي هاااااااااااااااااااااااااااااااااااااااد
:???: :???: :???: :???:

وشكرااااا
صورة العضو الشخصية
owis
عضو جديد
عضو جديد
 
مشاركات: 37
اشترك في: الأحد أكتوبر 11, 2009 4:24 pm
مكان: damas
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: سيكولوجية الغش في الامتحانات

مشاركة غير مقروءةبواسطة RoOoBi » الأربعاء مارس 10, 2010 11:31 pm

يسلمو عالموضوع

هي اول موضوع فلسفي عن الغش بقراه بالعادة بيكون كوميدي وبس مشان الضحك

هلا هيك كشفت الاغطية عن كل الاطراف وخاصة يلي بيغششو

يعني انا صاحبة مروءة كاذبة :mrgreen:

انا بعتقد يلي بيغشش بيكون بدو يتنقل فبيعطي جواب شي سؤال عرفو ليحصل يلي ماعرفوا

وبالاخر لو في عدل بكيفية الاعطاء ثم الامتحان عن هي المعلومات ما كنا غشينا

شكرا
You're the one thing i got right
The only one i let inside
Now i can breathe
cause you're here with me'

..:: Ya ALLAH ::..
صورة العضو الشخصية
RoOoBi
عضو فعال
عضو فعال
 
مشاركات: 600
اشترك في: الخميس أكتوبر 08, 2009 6:34 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثانية
الاختصاص: شبكات و نظم

Re: سيكولوجية الغش في الامتحانات

مشاركة غير مقروءةبواسطة nano.k » الخميس مارس 11, 2010 12:04 am

شكرا عالمووضوع

هلا انا برايي انو الغش بالفحص احيانا بيكون شي اضطراري.. واحيانا لاء

وطبعا انا ضدو من ناحية سرق المعلومة من الغير بدون علمو

ومن ناحية انو بيكون الواحد مو تعبان على حالو فا ما بلاقي غير ياخد كم شغلة
مشان يمشي حالو

يعني للضرورة احكام :iok:
Always in my heart & mind
..:: Ya ALLAH ::..
صورة العضو الشخصية
nano.k
عضو فعال
عضو فعال
 
مشاركات: 326
اشترك في: الجمعة ديسمبر 04, 2009 8:28 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: سيكولوجية الغش في الامتحانات

مشاركة غير مقروءةبواسطة أبو المعرفة » الخميس مارس 11, 2010 12:12 am

owis كتب:الله يعطيك العافية يا أبو المعرفة :iok: :iok:
أنا آسف بس يعني والله بظن أنو شي 80 بالمية من يلي بغشو بالامتحانات ما فيهن هالصفات كلها ( طماع و لص ومغامر ...... ) ولا حتى وحدة منهن
يعني أنا بنظري أنو هاد أسمو فزلكة زايدة (قصدي عالكاتب) وما لازم يحملها كل هالشي
وأنا بصراحة من يلي بنقل وبتنقل بالامتحانات :imb:
وهاد صار شي عادي بالمجتمع
وما ظن أنو بحياتو ممكن يساوي كا هالشي هاااااااااااااااااااااااااااااااااااااااد
:???: :???: :???: :???:

وشكرااااا



الله يعافيك
الكاتب ما ذكر أنو من يغش بالمتحان فيه "كل" الصفات وإنما وحدة من الصفات وممكن تكون خفية بس هي تحليلها النفسي ، بس بوجهة نظري غالبا من يقوم بهذا العمل إما أن يكون اعتمادي أو انتهازي

والمشكلة الحقيقة بالغش أنو اللي بتساهل فيه هلأ ممكن بكرا يتساهل بأشياء أكبر والدليل أنو بكل أسف الدول العربية من أقل الدول في مقياس الشفافية العالمية والرشوة منتشرة بشكل كبير فيه حتى الدول الغنية منه

وأنا بشكرك على صراحتك وجرئتك وبتمنى منك أنك ترجع تفكر بالقصة بكل هدوء

RoOoBi كتب:يسلمو عالموضوع

هي اول موضوع فلسفي عن الغش بقراه بالعادة بيكون كوميدي وبس مشان الضحك

هلا هيك كشفت الاغطية عن كل الاطراف وخاصة يلي بيغششو

يعني انا صاحبة مروءة كاذبة

انا بعتقد يلي بيغشش بيكون بدو يتنقل فبيعطي جواب شي سؤال عرفو ليحصل يلي ماعرفوا

وبالاخر لو في عدل بكيفية الاعطاء ثم الامتحان عن هي المعلومات ما كنا غشينا

شكرا


الله يسلمك يا روبي وبشكرك على صراحتك أيضا والله يعينك على ترك مروئتك الكاذبة والتحول للمروءة الصادقة :wink: :wink:

وفي شغلة ثانية هلأ أنا معك أنو في حالات كثيرة بكون في ظلم بالإعطاء أو بالأسئلة والوقت المخصص لها بس وبكل أسف هذا لا يبرر لنا هذا الفعل وإلا معناها معو حق الموظف يرتشي أو يهمل بوظيفته لأن راتبه لا يكفيه :imb: :imb:


nano.k كتب:شكرا عالمووضوع

هلا انا برايي انو الغش بالفحص احيانا بيكون شي اضطراري.. واحيانا لاء

وطبعا انا ضدو من ناحية سرق المعلومة من الغير بدون علمو

ومن ناحية انو بيكون الواحد مو تعبان على حالو فا ما بلاقي غير ياخد كم شغلة
مشان يمشي حالو

يعني للضرورة احكام


عفوا بس يا صديقي نفس الرد السابق هذا لا يبرر لنا هذا الفعل وإلا معناها معو حق الموظف يرتشي أو يهمل بوظيفته لأن راتبه لا يكفيه وحاسس أنه مظلوم :imb: :imb:

وتخيلوا لو "كل" العباد صارت تغش وما حدا تعب حالو ودرس وقتها وضع مجتمعاتنا بدو يصير كارثي !!

على فكرة أنا ما عما نظّر فبعرف أنو هذا الشيء صعب وأحيانا أنا نفسي أقع في هذا الأمر - ولكن على مستوى وظائف وليس فحوص والحمد لله - ولكن الخطأ بضل خطأ خاصة وأن الدين حسم هي القضية بقول الرسول " من غش فليس منا"

الله يصلح أحوالنا ويهدينا للصواب
الحمد لله عدد خلقه ورضا نفسه وزنة عرشه ومداد كلماته
صورة العضو الشخصية
أبو المعرفة
متميز لعامنا الثالث
متميز لعامنا الثالث
 
مشاركات: 807
اشترك في: الأربعاء يناير 30, 2008 10:17 pm
الجتس: ذكر
الشهادة الثانوية: سعودية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الخامسة
الاختصاص: شبكات و نظم

Re: سيكولوجية الغش في الامتحانات

مشاركة غير مقروءةبواسطة kira » الخميس مارس 11, 2010 12:17 am

واذا قلتلك انو سمعت من أحد الدكاترة مرة انو هنن اصدا بيحطوا الأسئلة بطريقة معينة (بصعوبة معينة ) لحتى قد ما غشوا الطلاب (طبعا مع المراقبة ) انو ما يقدروا يجيبوا علامات عالية....

هلأ صح الغش غلط بس كمان يلي ما بدو يغش بهيك مجتمع بدو ياكلا.... :mrgreen: :mrgreen:
بالمشرمحي لمان يحطولنا نظام تدريسي مرتب وعملي ومدروس منيح مو على نظام خرطش برا ورش جوا وقتا منفكر ما نغش :lol: :lol:
بس يعني والله بظن أنو شي 80 بالمية من يلي بغشو بالامتحانات ما فيهن هالصفات كلها ( طماع و لص ومغامر ...... ) ولا حتى وحدة منهن
يعني أنا بنظري أنو هاد أسمو فزلكة زايدة

هههه .....أستاذ :iok:
!!!!! boOoOoOoOoOored
صورة العضو الشخصية
kira
عضو جديد
عضو جديد
 
مشاركات: 190
اشترك في: الأربعاء مارس 26, 2008 3:27 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: سيكولوجية الغش في الامتحانات

مشاركة غير مقروءةبواسطة hiba- » الخميس مارس 11, 2010 12:18 am

امممممممممممم الغش
هلأ الغش صار شي اجباري وعم يجري بدمنا
بس انا من الناس يلي ما بغشو بس ما بحب شوف حدا محتاج وما ساعدو(قلبي طيب :cry: )
ياصاحب الظل الطويل
صورة العضو الشخصية
hiba-
عضو جديد
عضو جديد
 
مشاركات: 144
اشترك في: الأربعاء نوفمبر 04, 2009 11:04 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثانية

Re: سيكولوجية الغش في الامتحانات

مشاركة غير مقروءةبواسطة nano.k » الخميس مارس 11, 2010 12:19 am

اسفة افهمتني خطأ

انا اصدي انو انا ضد الغش مليون بالمية

اذا الواحد غش من حدا تاني وهو مو تعبان على حالو ومو فاتح كتاب

يعني انا بالنهاية ضد فكرة الغش :iok:

وصدق قول رسول الله صلى الله عليه وسلم
Always in my heart & mind
..:: Ya ALLAH ::..
صورة العضو الشخصية
nano.k
عضو فعال
عضو فعال
 
مشاركات: 326
اشترك في: الجمعة ديسمبر 04, 2009 8:28 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: سيكولوجية الغش في الامتحانات

مشاركة غير مقروءةبواسطة shams » الخميس مارس 11, 2010 12:37 am

السلام عليكم ورحمة الله تعالى وبركاته ...

شكرا جزيلا على لفت النظر إلى هذه القضية الخطيرة ..


[أبو المعرفة"=quete"]
هل ظن أحدنا في يوم من الأيام أن الغش في الامتحانات له كل هذه الأبعاد المخيفة, وإذا كنا قد ظننا ذلك فلماذا تواطئنا بالسكوت أو بالضعف فلم نقاوم هذا الوباء المستشري في بلادنا والذي يفرخ لنا كل يوم فاسدين محترفين يهددون قيم المجتمع ويشوهون فطرته. ومن هنا نفقه قول الرسول صلى الله عليه وسلم: "من غش فليس منا"
[quete/]

بصراحة ... لم أفكر بهذه الأبعاد على الإطلاق ...ولم يخطر في بالي يوماً بأن الغش له هذه الأخطار ...

[أبو المعرفة"=quete"]
ولكن أعطونا رأيكم هل فعلا تعتقدون أن للغش الأكاديمي كل هذه الأخطار وأنه ظاهرة لابد من القضاء عليها أم أنها مبالغة من أخصائي اجتماعي والأمر عادي و لا يضر نقل سؤال في الفحص !!
[quete/]

في الحقيقة بعد قراءتي لموضوعكم ..أعتقد أن الحق مع الكاتب في كل كلمة قالها .. والأمر ليس عادياً أبداً .. بل له أخطار كبيرة تفتك بالمجتمع .. فالذي يغش في أشياء صغيرة لابد وأن تتطور معه هذه الظاهرة وألا يقف عند الأشياء الصغيرة بل يتعداها إلى الأشياء الأكبر .. وكلما مارس الإنسان هذه العادة .. كلما أصبحت عاديةً بالنسبة له ولامشكلة فيها وفي أمثالها الأكبر ...عندما يعتاد الإنسان على أمر يستدرج فيه شيئاً فشيئاً دون أن يشعر بأنه يمشي في الطريق الخاطئ وقد كان بدأ بخطوة واحدة ...

اللهم أغننا بحلالك عن حرامك و بفضلك عمن سواك .. وارزقنا الفهم والعلم وأرشدنا إلى الصحيح في أقوالنا وأفعالنا .. اللهم آمين


شكرا لكم جدا جدا ... لقد لفتُّتم انتباهنا إلى نقطة مهمة جدا .. جزاكم الله كل خير :imb:
صورة العضو الشخصية
shams
متميز لعامنا الثالث
متميز لعامنا الثالث
 
مشاركات: 1342
اشترك في: الأحد أكتوبر 04, 2009 10:23 am
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: سيكولوجية الغش في الامتحانات

مشاركة غير مقروءةبواسطة Z.Z » الخميس مارس 11, 2010 5:49 am

بصراحة أنا مو من أنصار الغش ولا واحد من المية يعني مستعد آخد صفر ولا اتنقل لأنو ببساطة إذا عملت هيك شي بكون عم اضحك على حالي وأجدب واحد بالعالم بغدين مافي ولا مبرر تخليك تغش إلا انو تكون مابتعرف تجاوب أو تحل وهذا يؤدي أنك لم تؤدي ما هو مطلوب منك من المقرر على الوجه الصحيح بشكل من الأشكال وبتذكر انو في البكالوريا سألني أحد الزملاء انو إذا صحلك بالفحص النهائي تنقل بتتنقل قلتلوا لاء وأنا لهلأ بقلك لاء يعني بحس انو هي الشغلة فيها استغلال للآخرين والحصول على الثمرة من دون جهد :ism:
ولربما نازلة يضيق بها الفتى ... ذرعا وعند الله منه المخرج
ضاقت فلما استحكمت حلقاتها ... فرجت وكنت أظن أنها لا تفرج


كتاب الآثار النفسية والخلقية للغناء والموسيقى وموقف الإسلام منهما
http://www.mediafire.com/?epxt5g26b3n1kpu#1
صورة العضو الشخصية
Z.Z
عضو فعال
عضو فعال
 
مشاركات: 395
اشترك في: الأربعاء أكتوبر 08, 2008 9:20 pm
مكان: Syria-Damascus
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الخامسة
الاختصاص: هندسة برمجيات

Re: سيكولوجية الغش في الامتحانات

مشاركة غير مقروءةبواسطة Golden Rose » الخميس مارس 11, 2010 10:31 am

شكرا على الموضوع وما في شي برأي ببررر الغش وهدا شي غلط من اصلو وفعلا من كتر ما غشو العالم صار يعتقدو انو هدا شي عادي وهو غلط مليون بالمية على اساس شو نقارن الطالب اللي درس وتعب مع الطالب اللي عم يستنى الاجوبة هيك صار في ضياع للحقوق مع الزمن مع الكبر بصير الموضوع اكبر من الغش بالمتحانات متل ما قال ابو المعرفة متل اللي عم يرتشي واللي عم يشتغل بعرق جبينو
ونحن لازم نحد هي الظاهرة نعمل توعية للمجتمع :iok:
خطط ..نظم وقتك .. توكل على الله
تحصل على ما تريد
صورة العضو الشخصية
Golden Rose
عضو فعال
عضو فعال
 
مشاركات: 399
اشترك في: الجمعة سبتمبر 18, 2009 11:13 am
الجتس: أنثى
الشهادة الثانوية: اماراتية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: سيكولوجية الغش في الامتحانات

مشاركة غير مقروءةبواسطة a7la sham » الخميس مارس 11, 2010 10:44 am

الفكرة يلي صارت متل ما اتفضلت سابقاً ... أن الغش صار ليلي قلبهم طيب و بيحبوا يساعدوا الناس .. و يلي ما بيغشش صار منبوذ و شايف حاله و ما بيحب رفقاته أو ما بيحب يساعدهم أو بيندرج تحت كلمة "" معقد ""..
طيب ما بدنا نشوف نتيجة الغش على نطاق المجتمع لأن يمكن تقوولوا أد ما نحنا التزمنا حيضل غيرنا يغشوا و ياخدوا مناصب مو إلهم ..
خلينا نفكر بحالنا نحنا .. ننظر للمستقبل ...
هلأ مرة قريت شغلة بمجلة (( أن يلي بيغش بشي مادة و كان احتمال يرسب فيها و بعدين نجح فيها ... و اتخرج أسرع من الوقت المطلوب أن يتخرج فيه .. و ابعدين اشتغل ,, لح يكون المصاري يلي أخدها فيها نوع من الحرام .. لأنه دخل على جيبته و هو مو كفء أن ياخدها ))
فليش نعرض حالنا للخطر ؟؟؟ و الله مو ناقصنا .. و إذا عدنا المادة مرة و مرتين و تلاتة؟؟؟ .. بس المهم ندخل بالمستقبل قرش حلال لجيبتنا .. و الله يطرح البركة فيه ...
يعني و الله القصة مو مستاهلة .. :ism:
و على فكرة أنا ضليت للحادي عشر بصراحة يمكن أكتر وحدة بالصف من أنصار الغش و أن فيه مساعدة إنسانية .. و باخد بيد رفقاتي كانت أيام ولدنة :mrgreen: :mrgreen: .... بس لما وصلت للبكالوريا .. قلت ليش بكم درجة حصلت عليهم بالغش أدخل فرع مو أهل له!!!!!
و بعدين مين هادا يلي بدك تغش/ي منه/ا ؟؟؟ :nau:
ليش الله سبحانه و تعالى مو قادر أنه يذكرك بالمعلومة و يفتح عليك ؟؟؟ يعني نحنا ندرس و الباقي على الله ...
وكمان نقطة هااااااااامة و عن تجربة شخصية !!!! و الله... ما في مرة منغش إلا و بتروح الدرجة أو مضاعفاتها و على أهون سببب بغير مادة و بشي سخييييف فيعني هية هية ... :wink:
بتمنى نغير الفكرة شوي عن الغش ... مو مشان التعقيد أو المروءة الكاذبة بس مشان "مصارينا تتم حلال بحلال بالمستقبل "... :cool:
عذراً عالإطالة و شكراً عالموضوع ....
سلّم لله ..
ســــــــلّم للّــــــــــه :)
صورة العضو الشخصية
a7la sham
عضو فعال
عضو فعال
 
مشاركات: 583
اشترك في: السبت سبتمبر 19, 2009 11:39 pm
الجتس: أنثى
الشهادة الثانوية: غير سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: سيكولوجية الغش في الامتحانات

مشاركة غير مقروءةبواسطة كمالة عدد » الخميس مارس 11, 2010 3:27 pm

ليش بتتسمى غش مومساعدة ..
أحياناً في ناس بتكون دارسة بس بدها شي كلمة لتتذكر كمالة الجواب أو تمسك طرف الخيط بتمرين بالرياضيات مثلاُ .
و أحياناً بيكون الواحد دارس بس الأسئلة كتير صعبة . ليش ما نسميه تعاون ؟؟

أنا معكم أنو اللي بيتنقل بدون ما يكون فاتح كتاب و مو تعبان و بينجح . فعلاً هاد عم يسرق تعب غيرو
أما بالحالات سابقة الذكر . ما بظن أنو نعتبر الطالب مجرم و غشاش

أنا هاد رأيي :ism:
صورةصورة
صورةصورة
صورة العضو الشخصية
كمالة عدد
عضو جديد
عضو جديد
 
مشاركات: 20
اشترك في: الجمعة مارس 05, 2010 7:48 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الأولى

Re: سيكولوجية الغش في الامتحانات

مشاركة غير مقروءةبواسطة a7la sham » الخميس مارس 11, 2010 4:23 pm

كمالة عدد كتب:أحياناً في ناس بتكون دارسة بس بدها شي كلمة لتتذكر كمالة الجواب أو تمسك طرف الخيط بتمرين بالرياضيات مثلاُ .
و أحياناً بيكون الواحد دارس بس الأسئلة كتير صعبة . ليش ما نسميه تعاون ؟؟


و مشان هيك قلت ...
a7la sham كتب:ليش الله سبحانه و تعالى مو قادر أنه يذكرك بالمعلومة و يفتح عليك ؟؟؟ يعني نحنا ندرس و الباقي على الله ...


يعني بما أنك دارس و دارس و نسيان المعلومة ... يعني مارة عليك بس حالياً مفقودة !!!
ليش ما تدعي و تطلب المعونة من رب العالمين .؟؟ مو هو قادر أنه يفتح عليك و يذكرك ياها بكل سهولة ؟؟
أما في حالة مو دارسها و غشيتها فأنت معناها أخدت درجة ما بتستحقها ..

و أنا كمان هادا رأيي ... :ism: :iok:
سلّم لله ..
ســــــــلّم للّــــــــــه :)
صورة العضو الشخصية
a7la sham
عضو فعال
عضو فعال
 
مشاركات: 583
اشترك في: السبت سبتمبر 19, 2009 11:39 pm
الجتس: أنثى
الشهادة الثانوية: غير سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثالثة

Re: سيكولوجية الغش في الامتحانات

مشاركة غير مقروءةبواسطة أحلى حياة » الخميس مارس 11, 2010 6:50 pm

شكراً جزيلاً فالموضوع في غاية الروعة(حطيت ايدك عالجرح تمام :iok: )
أنا ضد الغش بجميع أشكاله وقد حاولت كثيراً وبشتى الوسائل إقناع أصدقائي بالموضوع إلا أن الإجابة كانت من معظمهم:مثالية زائدة :igu:
أنا أبداً لا أظنها مثالية زائدة وإنما هي طاعة واحترام لأوامر الله تعالى ,فعند تجاهلنا لنص شرعي للمصطفى عليه الصلاة والسلام ,ماذا نكون قد فعلنا غير ارتكاب أحد المحرمات؟؟
لنضع النواحي الدينية جانباً,ولننظر من جانب آخر,ربما ما شجع حالياً على هذه الظاهرة هو الفهم الخاطئ لمفهوم الدراسة فالغالبية تدرس للامتحان ,لا لأن هذه مادة يتوجب علينا فهمها واستيعابها لتوسيع آفاقنا ومداركنا ولتفيدنا في حياتنا, ومن هنا تشكل لدينا رهاب يسمى"حمل المادة" وأصبحنا نفعل المستحيل لترفيع هذه المادة بشتى الوسائل حتى لو كان في ذلك ضرر لنا لا مصلحة,فالغشاش لربما يكون من أحسن الطلاب وأقواهم,ليس لذكائه الخارق وإنما لأن مهاراته "الغشية" متطورة من كثرة الممارسة,لن يلاحظ حالياً شيئاً ولكن بعد الاصطدام بأرض الواقع والتخرج سيرى الكثير ممن دونه يقومون بأعمال تفوقه بمراحل :nau: :nau:
لن أكون مثالية كثيراً ولكن لنذكر شيئاً وهو من ترك شيئاً لله عوضه الله خيراً منه ,عندما تدخل الامتحان وقد عاهدت ربك على فعل ما يرضيه..صدقاً سيكون معك وسيعوضك ويعطيك,وعندما تغش سيعطيك العلامة هنا ويحرمك إياها هناك وهذا عقاب الدنيا غير عقاب الآخرة ,وأنا إلى الآن أشكر من نبهني لهذه الناحية في البكالوريا ونصحني بقوله(إن غششت الآن بعلامة واحدة فكل مالك الذي ستجنينه من فرعك المستقبلي حرام لأنك دخلت فرعاً لست أهلاً له)
قصة صغيرة على الموضوع:في امتحان القومية في البكالوريا صعب علي أحد الأسئلة واستحال تذكره مع أنني كنت قد حفظته جيداً ..المراقبون في القاعة كانوا في غاية التساهل وسمحوا لنا بالغش,نظرت حولي ووجدت الجميع يغشون,عندئذ دعوت الله تعالى ورجوته تذكر السؤال وقلت في نفسي(يا رب الغش متاح لي ولكن لا أعتقد أن ذلك يرضيك) وما كدت أنتهي حتى تذكرت السؤال والحمد لله ونلت علامة 20 في القومية, لذلك أقول دوماً:
إذا كان الله معك فمن عليك..وإن كان عليك فمن معك؟؟؟
أرجو أن ننظر إلى الموضوع بجدية أكبر ..تقبلوا مروري :imb:
صورة العضو الشخصية
أحلى حياة
عضو جديد
عضو جديد
 
مشاركات: 273
اشترك في: الجمعة أكتوبر 02, 2009 10:06 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثانية
الاختصاص: شبكات و نظم

Re: سيكولوجية الغش في الامتحانات

مشاركة غير مقروءةبواسطة ياقوت » الخميس مارس 11, 2010 9:30 pm

لاشك بأن الغش سواءً بالامتحان أو بأي أمر من أمور الحياة أمرٌ غير صحيح ولابد أن يكون له عواقب ليست محمودة , ولا أعتقد أن ما تفضلت بذكره هو شيٌ مبالغ فيه لاسيما فيما ذكرته عن عواقب وتفرعات الغش ,و ما دفعني إلى تأكيد ذلك هو علمي بأنّ كلّ ما نهينا عنه في الإسلام لم نُنْهَ عنه إلا لسعادتنا و خيرنا جميعاً , ولن يجني الذي يقوم بالغش إلا الخزي في يوم من الأيام وأنا مع صديقتي أحلى شام بما ذكرته عن أن العلامات التي تأخذها بغير وجه حق (عن طريق الغش ) ستكون وبالاً على الشخص الفاعل في يوم من الأيام , فالله يمهل ولا يهمل .
وأأسف شديد الأسف عندما يندرج الغش تحت غطاء مايسمى "المساعدة" , فأين كلمة مساعدة - التي أوصانا بها النبي صلى الله عليه وسلم بقوله : (من كان في حاجة أخيه كان الله في حاجته ) وغيرها من الأحاديث الكثيرة التي وردت في هذا الموضوع - من كلمة غش ؟ فأنا عندما أسدي مساعدة لمن يحتاجها أكون أسعى إلى مصلحة وسعادة وعون من أساعده بينما عن طريق الغش فأنا أدمر الشخص الذي أمامي
فهل يستويان مثلاً !!! ...
لابد من العودة وفهم معنى الغش ومعنى المساعدة والقدرة على التفريق بين المعنيين .
وفي رد على ماذكر , عن أن الشخص الذي ينسى كلمة من الجواب أو ما شابه , فهناك دعاء يخص ذلك ألا وهو : (اللهم يا جامع الناس ليوم لاريب فيه , اجمع عليّ ضالتي ) , شخصياً قمت بالدعاء به ولأكثر من مرة والحمد لله كنت أوفق إلى تذكر ما نسيت , فلماذا لانرجع كل شيء يعترضنا في الحياة لله , لماذا نلجأ إلى أساليب ملتوية بينما نحن قادرين على الخروج من أي مشكلة تعترضنا بما يرضي الله

هلأ صح الغش غلط بس كمان يلي ما بدو يغش بهيك مجتمع بدو ياكلا....
بالمشرمحي لمان يحطولنا نظام تدريسي مرتب وعملي ومدروس منيح مو على نظام خرطش برا ورش جوا وقتا منفكر ما نغش

بعتقد أنو الواحد فينا لازم يعمل يلي عليه ويتوكل على الله ولن يخيبه الله أبداً ( تجربة شخصية ) .
شكراً على الموضوع الذي فتح لنا أفاقاً كثيرة , وارجو أن يكون طريقاً الوصول إلى الاخلاق الحميدة ...
♥ ربي ♥
بِحُبِّكَ أحييتُ سِنيني
شوقي لكَ يبقى وحنيني
لا ترْدُدْ مولاي يميني
هبْ عُمرِي وَصْلاً يُحييني

صورة العضو الشخصية
ياقوت
عضو فعال
عضو فعال
 
مشاركات: 487
اشترك في: السبت ديسمبر 27, 2008 10:30 am
مكان: دمشق - سوريا
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: متخرج
الاختصاص: هندسة برمجيات

وجهة نظر

مشاركة غير مقروءةبواسطة AreF_KhaLiL » الخميس مارس 11, 2010 9:51 pm

منظور آخر : :ism:
-=-=-=-=-=-
أكيد متل الكل - لح كون بصف إحتقار الغش . . وما بفهم ليش الواحد ممكن يلجأ للغش .. بالنسبة قلي ما بحاول فكر غش... واذا وصلت لسؤال ما بعرف جوابه بلوم نفسي لأن لو تعبت أكتر شوي كنت عرفت الجواب ..
صح منهاج الكلية ما بيعطيك المرونة الكافيه لحتى تكون محترف قبل الوصول للإمتحان .. ويمكن مو لمنهاج هو السبب .. هو مدة أعطاء المنهاج .. كلشي بيكون سريع - و عدد الحصص العملي ما بيكون كافي لإكتساب المرونة المطلوبة للامتحان .. وبيكون الشغل كله إضافي ع الطالب .. و هون بيكون الفرق بين الطلاب .. يا تتعب - يا ترتاح -
يعني تكون طالب تقليدي بيحضر و بيدرس محاضراته .. هاد خارج اطار جامعة دمشق- في شغل إضافي عليك - بالكلية بتاخذ 40 % و الــ ــ 60 % شغلك ..


شو الفرق بين طلاب الكلية :
1- طالب تعب ع حاله و نجح بتعبه ... 2- طالب نجح ع كتاف غيره ..
والنتجة :
متخرج مبدع - و متخرج منتج عادي - أو متخرج فاشل ..

مو شرط يكون الغش يؤدي للفشل .. بس أكيد أكيد ما لح يكون متل شخص تعود يقطف الثمرة بإيده..

وما بظن في معنى لحياة الإنسان اذا كان منتج عادي .. وما في اجمل من قدرة الشخص على خلق أشياء يرتبط وجودها باسمه .. :iok:

وكل مين معالجه بيراسه بيعرف خلاصه :nau:
جامعة دمشق ..... الهندسة المعلوماتية ......
تأكد تماماً ... انك مهما كنت مسرعاً فعلاً ...
فأنت متأخر قطعاً ...

فلا تتفاجئ لاحقاً ...بل كن مبتسماً دوماً
..
.
صورة العضو الشخصية
AreF_KhaLiL
عضو نشيط
عضو نشيط
 
مشاركات: 1356
اشترك في: الأحد مارس 23, 2008 1:06 am
مكان: VIRTUAL DRIVE
الجتس: ذكر
الشهادة الثانوية: SYIRAN
الجامعة: DAMASCUSE UNIVER
الكلية: I T E
المرحلة الدراسية: السنة الخامسة
الاختصاص: هندسة برمجيات

Re: سيكولوجية الغش في الامتحانات

مشاركة غير مقروءةبواسطة أبو المعرفة » الجمعة مارس 12, 2010 2:59 am

أشكر لكل من تفاعل بالموضوع وعذرا على تأخري في الرد بس انشغلت شوي

kira كتب:واذا قلتلك انو سمعت من أحد الدكاترة مرة انو هنن اصدا بيحطوا الأسئلة بطريقة معينة (بصعوبة معينة ) لحتى قد ما غشوا الطلاب (طبعا مع المراقبة ) انو ما يقدروا يجيبوا علامات عالية....
هلأ صح الغش غلط بس كمان يلي ما بدو يغش بهيك مجتمع بدو ياكلا....
بالمشرمحي لمان يحطولنا نظام تدريسي مرتب وعملي ومدروس منيح مو على نظام خرطش برا ورش جوا وقتا منفكر ما نغش


يجب أن تكون الأخلاق نابعة من داخلنا وناتجة عن ديننا ومبادئنا وليست رد فعل لأخطاء البعض فالخطأ لا يعالج بخطأ
وكما أنه من وجهة نظرك اللي ما بدو يغش بهيك مجتمع بده ياكلها ، كمان يللي ما بدو يرتشي بده يأكلها :???: :???:

hiba- كتب:هلأ الغش صار شي اجباري وعم يجري بدمنا
بس انا من الناس يلي ما بغشو بس ما بحب شوف حدا محتاج وما ساعدو(قلبي طيب )


ما في شيء اسمه إجباري يا هبة الإنسان الله أكرمه بالعقل وحرية الاختيار حتى يستطيع التفريق بين الصواب والخطأ ويختار الصواب ، وللأسف حقيقة أنتي لما بتغششيه ما بتساعديه وإنما بتعوديه على الكسل والاعتماد على الغير وتزيدي من سلبيته ومن انتشار هذه الظاهرة السيئة في المجتمع
أتمنى منك مراجعة حساباتك واختيار الصواب وإن "غضب" منك البعض فالحق أحق أن يتبع

nano.k كتب:اسفة افهمتني خطأ
انا اصدي انو انا ضد الغش مليون بالمية
اذا الواحد غش من حدا تاني وهو مو تعبان على حالو ومو فاتح كتاب
يعني انا بالنهاية ضد فكرة الغش
وصدق قول رسول الله صلى الله عليه وسلم


عذرا آنسة nano ظننتك شاب ، وبما أنك ضد فكرة الغش فقد وصل مقصودي والحمد لله وزادك الله حرصا


*شمس الإسلام* كتب:السلام عليكم ورحمة الله تعالى وبركاته ...
شكرا جزيلا على لفت النظر إلى هذه القضية الخطيرة ..
بصراحة ... لم أفكر بهذه الأبعاد على الإطلاق ...ولم يخطر في بالي يوماً بأن الغش له هذه الأخطار ...
في الحقيقة بعد قراءتي لموضوعكم ..أعتقد أن الحق مع الكاتب في كل كلمة قالها .. والأمر ليس عادياً أبداً .. بل له أخطار كبيرة تفتك بالمجتمع .. فالذي يغش في أشياء صغيرة لابد وأن تتطور معه هذه الظاهرة وألا يقف عند الأشياء الصغيرة بل يتعداها إلى الأشياء الأكبر .. وكلما مارس الإنسان هذه العادة .. كلما أصبحت عاديةً بالنسبة له ولامشكلة فيها وفي أمثالها الأكبر ...عندما يعتاد الإنسان على أمر يستدرج فيه شيئاً فشيئاً دون أن يشعر بأنه يمشي في الطريق الخاطئ وقد كان بدأ بخطوة واحدة ...
اللهم أغننا بحلالك عن حرامك و بفضلك عمن سواك .. وارزقنا الفهم والعلم وأرشدنا إلى الصحيح في أقوالنا وأفعالنا .. اللهم آمين
شكرا لكم جدا جدا ... لقد لفتُّتم انتباهنا إلى نقطة مهمة جدا .. جزاكم الله كل خير


وعليكم السلام ورحمة الله وبركاته

أشكرك على فهمك العميق ورؤيتك الثاقبة للموضوع والذي يدل على عقل متفتح واعي وكما أنبه أن كاتب الموضوع ليس شيخا وإنما دكتور بالعلوم النفسية فهو من أهل الاختصاص في هذا الموضوع وهو يعرضه من وجهة نظر تخصصه فكلامه علمي وليس عبثي ، وجزاكم الله خيرا ونفع بكم الإسلام والأمة

Z.Z كتب:بصراحة أنا مو من أنصار الغش ولا واحد من المية يعني مستعد آخد صفر ولا اتنقل لأنو ببساطة إذا عملت هيك شي بكون عم اضحك على حالي وأجدب واحد بالعالم بغدين مافي ولا مبرر تخليك تغش إلا انو تكون مابتعرف تجاوب أو تحل وهذا يؤدي أنك لم تؤدي ما هو مطلوب منك من المقرر على الوجه الصحيح بشكل من الأشكال وبتذكر انو في البكالوريا سألني أحد الزملاء انو إذا صحلك بالفحص النهائي تنقل بتتنقل قلتلوا لاء وأنا لهلأ بقلك لاء يعني بحس انو هي الشغلة فيها استغلال للآخرين والحصول على الثمرة من دون جهد


معك حق وأحييك على سلامة فطرتك ورجاحة عقلك وتمسكك بمبادئك وقيمك وأذكرك على الاستمرار في تنفيذ الشق الآخر من الموضوع وهو عدم تغشيش الآخرين حتى نحد من النتشار هذه الظاهرة

Golden Rose كتب:شكرا على الموضوع وما في شي برأي ببررر الغش وهدا شي غلط من اصلو وفعلا من كتر ما غشو العالم صار يعتقدو انو هدا شي عادي وهو غلط مليون بالمية على اساس شو نقارن الطالب اللي درس وتعب مع الطالب اللي عم يستنى الاجوبة هيك صار في ضياع للحقوق مع الزمن مع الكبر بصير الموضوع اكبر من الغش بالمتحانات متل ما قال ابو المعرفة متل اللي عم يرتشي واللي عم يشتغل بعرق جبينو
ونحن لازم نحد هي الظاهرة نعمل توعية للمجتمع


عفوا وأشكرك على إثرائك الموضوع وفعلا لابد أن نتعاون جميعا للحد من هذه الظاهرة

a7la sham كتب:الفكرة يلي صارت متل ما اتفضلت سابقاً ... أن الغش صار ليلي قلبهم طيب و بيحبوا يساعدوا الناس .. و يلي ما بيغشش صار منبوذ و شايف حاله و ما بيحب رفقاته أو ما بيحب يساعدهم أو بيندرج تحت كلمة "" معقد ""..
طيب ما بدنا نشوف نتيجة الغش على نطاق المجتمع لأن يمكن تقوولوا أد ما نحنا التزمنا حيضل غيرنا يغشوا و ياخدوا مناصب مو إلهم ..
خلينا نفكر بحالنا نحنا .. ننظر للمستقبل ...
هلأ مرة قريت شغلة بمجلة (( أن يلي بيغش بشي مادة و كان احتمال يرسب فيها و بعدين نجح فيها ... و اتخرج أسرع من الوقت المطلوب أن يتخرج فيه .. و ابعدين اشتغل ,, لح يكون المصاري يلي أخدها فيها نوع من الحرام .. لأنه دخل على جيبته و هو مو كفء أن ياخدها ))
فليش نعرض حالنا للخطر ؟؟؟ و الله مو ناقصنا .. و إذا عدنا المادة مرة و مرتين و تلاتة؟؟؟ .. بس المهم ندخل بالمستقبل قرش حلال لجيبتنا .. و الله يطرح البركة فيه ...
يعني و الله القصة مو مستاهلة ..
و على فكرة أنا ضليت للحادي عشر بصراحة يمكن أكتر وحدة بالصف من أنصار الغش و أن فيه مساعدة إنسانية .. و باخد بيد رفقاتي كانت أيام ولدنة .... بس لما وصلت للبكالوريا .. قلت ليش بكم درجة حصلت عليهم بالغش أدخل فرع مو أهل له!!!!!
و بعدين مين هادا يلي بدك تغش/ي منه/ا ؟؟؟
ليش الله سبحانه و تعالى مو قادر أنه يذكرك بالمعلومة و يفتح عليك ؟؟؟ يعني نحنا ندرس و الباقي على الله ...
وكمان نقطة هااااااااامة و عن تجربة شخصية !!!! و الله... ما في مرة منغش إلا و بتروح الدرجة أو مضاعفاتها و على أهون سببب بغير مادة و بشي سخييييف فيعني هية هية ...
بتمنى نغير الفكرة شوي عن الغش ... مو مشان التعقيد أو المروءة الكاذبة بس مشان "مصارينا تتم حلال بحلال بالمستقبل "...
عذراً عالإطالة و شكراً عالموضوع ....


نعم يا أحلى شام الفكرة التي ذكريتها صحيحة وأنا قرأت فتاوي لعدة علماء تذكر بصراحة أن المال الناتج عن شهادة فيها غش مال به شبهة بس أنا ما حبيت أن أذكره من أجل ما ينقلب الموضوع لفتوى دينية والبعض يأولوا فتاوي لعلماء آخرين بالجواز ولن نصل إلا لطريق مسدود في النهاية ،ولكن حديث الرسول واضح وصريح "من غش فليس منا " وبدي أسأل من يقول أن هذا الحديث مقصور على الغش في البيع أيهما أكثر سلبية أن تغش في بيعة ويتضرر منها إنسان واحد ولفترة بسيطة أم تغش "أمة" ويبقى ضررها مدى العمر بحصولك على علامة أو شهادة لا تستحقها :???: :???:
والعلامات هي رزق من عند الله والعلامة اللي الله كاتبها لك حتأخذها فيا أما تأخذها بالحلال يا تغش وتأخذها بالحرام والخيار لك ، والحمد لله اللي هداك يا أحلى شام أنو الغش غلط وحرام وأسأل الله أن يغفر لنا ولك أخطائنا وزلاتنا وجميع القارئين

بس بدي نبه على غلط بسيط ذكرتيه بمشاركتك "نحنا ندرس و الباقي على الله ..." حقيقة هذا غلط شائع لأن الامر كله لله وليس الباقي فقط لأنه إن لم يعنى على الدراسة فلن نستطيعها

كمالة عدد كتب:ليش بتتسمى غش مومساعدة ..
أحياناً في ناس بتكون دارسة بس بدها شي كلمة لتتذكر كمالة الجواب أو تمسك طرف الخيط بتمرين بالرياضيات مثلاُ .
و أحياناً بيكون الواحد دارس بس الأسئلة كتير صعبة . ليش ما نسميه تعاون ؟؟


ليش ما نسمي الرشوة المعطاة للموظف "إكرامية" :???: :???: ونفس رد أحلى شام فهو وافي

أحلى حياة كتب:شكراً جزيلاً فالموضوع في غاية الروعة(حطيت ايدك عالجرح تمام )
أنا ضد الغش بجميع أشكاله وقد حاولت كثيراً وبشتى الوسائل إقناع أصدقائي بالموضوع إلا أن الإجابة كانت من معظمهم:مثالية زائدة
أنا أبداً لا أظنها مثالية زائدة وإنما هي طاعة واحترام لأوامر الله تعالى ,فعند تجاهلنا لنص شرعي للمصطفى عليه الصلاة والسلام ,ماذا نكون قد فعلنا غير ارتكاب أحد المحرمات؟؟
لنضع النواحي الدينية جانباً,ولننظر من جانب آخر,ربما ما شجع حالياً على هذه الظاهرة هو الفهم الخاطئ لمفهوم الدراسة فالغالبية تدرس للامتحان ,لا لأن هذه مادة يتوجب علينا فهمها واستيعابها لتوسيع آفاقنا ومداركنا ولتفيدنا في حياتنا, ومن هنا تشكل لدينا رهاب يسمى"حمل المادة" وأصبحنا نفعل المستحيل لترفيع هذه المادة بشتى الوسائل حتى لو كان في ذلك ضرر لنا لا مصلحة,فالغشاش لربما يكون من أحسن الطلاب وأقواهم,ليس لذكائه الخارق وإنما لأن مهاراته "الغشية" متطورة من كثرة الممارسة,لن يلاحظ حالياً شيئاً ولكن بعد الاصطدام بأرض الواقع والتخرج سيرى الكثير ممن دونه يقومون بأعمال تفوقه بمراحل
لن أكون مثالية كثيراً ولكن لنذكر شيئاً وهو من ترك شيئاً لله عوضه الله خيراً منه ,عندما تدخل الامتحان وقد عاهدت ربك على فعل ما يرضيه..صدقاً سيكون معك وسيعوضك ويعطيك,وعندما تغش سيعطيك العلامة هنا ويحرمك إياها هناك وهذا عقاب الدنيا غير عقاب الآخرة ,وأنا إلى الآن أشكر من نبهني لهذه الناحية في البكالوريا ونصحني بقوله(إن غششت الآن بعلامة واحدة فكل مالك الذي ستجنينه من فرعك المستقبلي حرام لأنك دخلت فرعاً لست أهلاً له)
قصة صغيرة على الموضوع:في امتحان القومية في البكالوريا صعب علي أحد الأسئلة واستحال تذكره مع أنني كنت قد حفظته جيداً ..المراقبون في القاعة كانوا في غاية التساهل وسمحوا لنا بالغش,نظرت حولي ووجدت الجميع يغشون,عندئذ دعوت الله تعالى ورجوته تذكر السؤال وقلت في نفسي(يا رب الغش متاح لي ولكن لا أعتقد أن ذلك يرضيك) وما كدت أنتهي حتى تذكرت السؤال والحمد لله ونلت علامة 20 في القومية, لذلك أقول دوماً:
إذا كان الله معك فمن عليك..وإن كان عليك فمن معك؟؟؟
أرجو أن ننظر إلى الموضوع بجدية أكبر ..تقبلوا مروري


ماشاء الله عليك يا أحلى حياة ردك ينم على رجاحة عقلك وفهم للواقع والحياة على هدى ونور ، والله إن الحياة مواقف وبطولات وموقفك الذي وقفتيه في البكالوريا ينهزم أمامه الغالبية وهذا دليل على قوة إيمانك إن شاء الله وعلى ضميرك الحي اليقظ وأسأل الله العظيم أن يزيدك إيمان وتقى وييسر لك خدمة الإسلام والأمة

ياقوت كتب:لاشك بأن الغش سواءً بالامتحان أو بأي أمر من أمور الحياة أمرٌ غير صحيح ولابد أن يكون له عواقب ليست محمودة , ولا أعتقد أن ما تفضلت بذكره هو شيٌ مبالغ فيه لاسيما فيما ذكرته عن عواقب وتفرعات الغش ,و ما دفعني إلى تأكيد ذلك هو علمي بأنّ كلّ ما نهينا عنه في الإسلام لم نُنْهَ عنه إلا لسعادتنا و خيرنا جميعاً , ولن يجني الذي يقوم بالغش إلا الخزي في يوم من الأيام وأنا مع صديقتي أحلى شام بما ذكرته عن أن العلامات التي تأخذها بغير وجه حق (عن طريق الغش ) ستكون وبالاً على الشخص الفاعل في يوم من الأيام , فالله يمهل ولا يهمل .
وأأسف شديد الأسف عندما يندرج الغش تحت غطاء مايسمى "المساعدة" , فأين كلمة مساعدة - التي أوصانا بها النبي صلى الله عليه وسلم بقوله : (من كان في حاجة أخيه كان الله في حاجته ) وغيرها من الأحاديث الكثيرة التي وردت في هذا الموضوع - من كلمة غش ؟ فأنا عندما أسدي مساعدة لمن يحتاجها أكون أسعى إلى مصلحة وسعادة وعون من أساعده بينما عن طريق الغش فأنا أدمر الشخص الذي أمامي
فهل يستويان مثلاً !!! ...
لابد من العودة وفهم معنى الغش ومعنى المساعدة والقدرة على التفريق بين المعنيين .
وفي رد على ماذكر , عن أن الشخص الذي ينسى كلمة من الجواب أو ما شابه , فهناك دعاء يخص ذلك ألا وهو : (اللهم يا جامع الناس ليوم لاريب فيه , اجمع عليّ ضالتي ) , شخصياً قمت بالدعاء به ولأكثر من مرة والحمد لله كنت أوفق إلى تذكر ما نسيت , فلماذا لانرجع كل شيء يعترضنا في الحياة لله , لماذا نلجأ إلى أساليب ملتوية بينما نحن قادرين على الخروج من أي مشكلة تعترضنا بما يرضي الله
بعتقد أنو الواحد فينا لازم يعمل يلي عليه ويتوكل على الله ولن يخيبه الله أبداً ( تجربة شخصية ) .
شكراً على الموضوع الذي فتح لنا أفاقاً كثيرة , وارجو أن يكون طريقاً الوصول إلى الاخلاق الحميدة ...


وشكرا إلك يا ياقوت على ردك الوافي والشامل والذي أثرى الموضوع كثيرا والذي ينطلق من النظرة الصحيحة للحياة والتعامل معها وفق المنهج الذي أراده الله عز وجل لنا ويدل على رجاحة عقلك وسداد رأيك وفهمك الصحيح للحياة وأسأل الله أن ييسر لك خدمة الإسلام والأمة

ووالله العظيم إن ردودكم ( شمس الإسلام -أحلى شام - أحلى حياة -ياقوت) قد أسعدتني جدا وأعادة لي التفاؤل بأن الخير ما زال موجودا في نفوس أمتي لأنه وبكل أسف وجدت العديد من زملائي الملتزمين دينيا يتساهلون بالغش بأنواعه وكأن الدين أصبح مجموعة من الشعائر التعبدية فقط وليس منهج حياة كامل متكامل ينظم حياة الإنسان بشكل يحقق له سعادته في الدارين ،فأسأل الله لي ولكم وللقارئين الثبات على ديننا ومبادئنا وأخلاقنا وقيمنا وأن يعيينا على ما يحب ويرضى
الحمد لله عدد خلقه ورضا نفسه وزنة عرشه ومداد كلماته
صورة العضو الشخصية
أبو المعرفة
متميز لعامنا الثالث
متميز لعامنا الثالث
 
مشاركات: 807
اشترك في: الأربعاء يناير 30, 2008 10:17 pm
الجتس: ذكر
الشهادة الثانوية: سعودية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الخامسة
الاختصاص: شبكات و نظم

Re: سيكولوجية الغش في الامتحانات

مشاركة غير مقروءةبواسطة Mohammad_807 » السبت مارس 27, 2010 1:22 pm

والله ياجماعة أنو أحلى فرحة هي لما الواحد بينحج بتعبوا ودراستوا والأحلى من هيك التفوق , بالمدرسة
كان ألي كتير أصدقاء واحد منهم قعد معي بالمقعد 3 سنين من العاشر للبكلوريا وبال 3 سنين ما كنت
نقلوا بالمرة لأني بحبوا كتيير وإذا بنقلو بكون عم أضحك عليه .
وإذا الواحد رسب بالمادة بيعيدها مو مشكلة (الفيزياء أنصاف النواقل قدمتها 3 مرات 59 - 55 -ثالث دورة 60 )
والعربي على الطريق الدورة التالتة , بسيطة التكرار بيعلم الغزلان
Mohammad_807
مشرف منتدى البرمجة العام
مشرف منتدى البرمجة العام
 
مشاركات: 635
اشترك في: الأحد مارس 09, 2008 4:29 pm
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الخامسة
الاختصاص: شبكات و نظم

Re: سيكولوجية الغش في الامتحانات

مشاركة غير مقروءةبواسطة The swan » السبت مارس 27, 2010 9:34 pm

السلام عليكم
اول شي حبت ذكركون بحديث النبي صلي الله عليه وسلم "من غشنا فليس منا " لا حدى يقول انو الغش بالامتحانات حلال حتى ولو كانت الاسئلة صعبة والدكتور قاصد يرسب الطلاب (ما رح اقول انك اذا جبت 60 بعرق جبينك و غيرك جاب 80 بالغش انك رح تكون مبسوط وفخور بهاانجاز يمكن الواحد ينبسط لانو ما غش ونجح بمجهودو بس من جوا رح ينحرق قلبو و رح يحس بالظلم انو غيرو ما درس ومع هيك جاب اكتر منو يلي درس و مانام الليالي كرمال دراستو بس الله سبحانو وتعالى عادل وعن جد كل واحد بيغش بمادة او سؤال رح ياخد علامة السؤال يلي غشو بس يمكن سؤال حافظو و كاتبو ومتأكد منو يطلع غلط و ينحرق قلبو عليه
او ممكن مادة مو دارسها وغش فيها يجيب علامة منيحة والمادة يلي دارسها و محضرلها من اول السنة يخبص فيها و يضيع كل تعبو ع الفاضي
لهيك احسن شي لا بغش و لا بغشش و بقعد اول مقعد من شان ما فكر غش حتى لو ما عرفت شي "بركي سولت لي نفسي"
ربي.....أنا أثق بك و هذا يكفيني
صورة العضو الشخصية
The swan
عضو فعال
عضو فعال
 
مشاركات: 598
اشترك في: الأربعاء ديسمبر 10, 2008 4:42 pm
الجتس: أنثى
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الرابعة
الاختصاص: ذكاء صنعي

التالي

العودة إلى منتدى التطوير الذاتي

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron