كيف ارتقي الى المستوي الثاني ...

منتدى لمناقشة كافة القضايا التي تتعلق بالتطوير الذاتي الشخصي

المشرف: المقداد

كيف ارتقي الى المستوي الثاني ...

مشاركة غير مقروءةبواسطة Laz0rd » الاثنين ديسمبر 24, 2012 5:27 am

السلام عليكم ورحمة الله وبركاته ...

انا احببت الكمبيوتر من اول مرة شفتها لما كان عمري 4 سنين ...للان بعد ماصار عمري 18 سنة
وكنت مفكر انو مستقبلي محصور بالعمل بهذا المجال وعلى هذا الاساس غيرت حياتي بالكامل

فلما كانوا اصدقائي في المدرسة الابتدائية عم يلعبوا طابة بشارع انا كنت عم ادرس الكمبيوتر والبرمجة
والحماية ومعمارية الذاكرة والشبكات ...لم اكن اشبع من المعلومات وانا كل هذا الوقت كنت اعنقد انني
ابني مستقبلي ...

فجأة اجت البكلوريا ..وانا قلت بسيطة اصلا انا الاول كل حياتي ماطلعت غير الاول لحتى انقلب حظي وبدأت المشاكل
واكيد مافي داعي احكي شو عم يصير بشارع والهرب من مكان لمكان ووو ...

المهم ماقدرت حقق النتيجة المطلوبة وبتالي ماقدرت ادخل الى كلية هندسة المعلوماتية ...طبعا كان فيني ادخل على
هذا المعهد الصناعي مدري شو اسمه ...ولكني فضلت اني ادخل انكليزي لعل وعسى تساعدني اذا سافرت ...
وبتعرفوا الانكليزي بجامعة دمشق بدها علامة تامة والحمدلله هي كانت علامتي ..

المهم الان انا مثل الضايع ...ما عم اعرف شو بدي اعمل ..

يعني ارمي كلشي تعلمتوا بأخر 9 سنين ...وابحث عن شي ثاني اعملو ..؟
بس كيف بدي ارمي بعد ما قضيت الاف الساعات بتعلم وكتابة اكواد البرمجية ...صحي نسيت قلكم اني والحمدلله
تعلمت اللغات البرمجية التالية : c++ - Perl -PHP - VB و دلفي والاسمبلي واكيد تعلمت التعامل مع قواعد البيانات
مشان تطوير الويب مع PHP او ربط البرامج بقواعد بيانات ..
والحماية واختبار الاختراق و الهندسة العكسية وتحليل البرامج وكتابة الفيروسات ووووو يعني مستحيل لخص كلشي
تعلمتوا يعني 9 سنين وقت طويل كثير وماني حابب اتخلى وانسى كل لحظات يلي عشتها مع لكمبيوتر مشان
حظ سيء

ومن فترة قلي احد الاشخاص عن الجامعة الافتراضية بس للاسف كان خالص وقت التسجيل فيها + الاسعار خيالية للغاية

رجاء اي شخص عنده اقتراح يساعدني يعني مرت اكثر من 6 شهور وانا لساتني في حالة الانكار

اتمنى من كل شخص عنده اي معلومة ما يبخل علي فيها ...شو ماكانت يعني مستعد روح عصين مشي المهم مابدي
امارس مهنة غير الكمبيوتر .....
Laz0rd
عضو جديد
عضو جديد
 
مشاركات: 1
اشترك في: الاثنين ديسمبر 24, 2012 5:06 am
الجتس: ذكر
الشهادة الثانوية: سورية
الجامعة: جامعة دمشق
الكلية: أنكليزي
المرحلة الدراسية: السنة الأولى
الاختصاص: غير ذلك

Re: كيف ارتقي الى المستوي الثاني ...

مشاركة غير مقروءةبواسطة abuelseeb » الأربعاء ديسمبر 26, 2012 7:00 pm

اخي مين قلك انو انت لازم تفوت عالهندسة المعلوماتية ازا بتحب الكمبيوتر وعندك خبرة فيه؟؟
خليك عم تدرس انكليزي وبنفس الوقت طور من حالك بالكمبيوتر، فينك تشتغل لحالك وتصير Freelancer وبلاها شهادة الهندسة كلها، ليكني انا طالب معلوماتية ولهلأ ما بعرف برمج بأي لغة انت بتبرمج فيها، مو دائما الشهادة بتعطيك كلشي.
انا بنصحك تكمل بالفرع الي دخلتلو، وبنفس اللحظة ساوي مشاريع برمجية ومواقع لحتى يكون عندك رصيد وخبرة مشان بكرة از حبيت تقدم عشي شركة لازم يشوفو شغلك ويشوفو مشاريعك لأن بالنهاية الخبرة الها الأولوية عن الشهادة، في كتير عالم ازا بتشوف شغلها بتفكرها بروفيسورات بالمعلوماتية بس هنن ما معهن غير شهادة البكلوريا، بتمنى تكون فكرتي وصلتلك وبالتوفيق ان شاء الله.
abuelseeb
عضو جديد
عضو جديد
 
مشاركات: 12
اشترك في: الأحد يناير 08, 2012 1:17 am
مكان: دمشق
الجتس: ذكر
الشهادة الثانوية: سورية
الجامعة: جامعة دمشق
الكلية: الهندسة المعلوماتية
المرحلة الدراسية: السنة الثانية


العودة إلى منتدى التطوير الذاتي

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر