مناقشة بنيان حواسيب 1

[AreF_KhaLiL]

مرحب للجميع -
موضوع للمناقشة - ويلي عنده اي استفسار بالنظري او العملي يحطه هون لحتى نشوف شو بيطلع معنا ..
وان شالله خير ..

بالتوفيق -

[AreF_KhaLiL]

كيف الهمة :
=-=---=--=-
جربوا عضلاتكم بهل السؤال فيه شي غريب !

ما هو الترميز العشري الموافق للتمثيل التالي وفق المعيار IEEE-754 .. ؟ ؟

CODE: تحديد الكل

1  - 10000001   - 10010000000000000000000

المشكلة ان العدد الموافق قله عم لاقية كتير صغير .. فهل هذا طبيعي .. ! ؟

بتمنى يكون في جو نقاش

[Lama90]

ما هو الترميز العشري الموافق للتمثيل التالي وفق المعيار IEEE-754 .. ؟ ؟

CODE: تحديد الكل

1  - 10000001   - 10010000000000000000000

المشكلة ان العدد الموافق قله عم لاقية كتير صغير .. فهل هذا طبيعي .. ! ؟

بتمنى يكون في جو نقاش

هلأ في مشكلة انو الدكتور والمهندسة حكوا عن ال bias بعدين قالوا انو مارح نعتمدوا فما بعرف إذا نحنا بدنا ناخد هالشي بعين الاعتبار ولا لاء

[DRAGON]

هلأ الدكتور نوار قال انو ما نهتم للBias
والعدد طلع معي -1.5625*(2^-255)
ما بعرف اذا صح..

[Abd AlrAzAk]

هلأ الدكتور نوار قال انو ما نهتم للBias
والعدد طلع معي -1.5625*(2^-255)
ما بعرف اذا صح..

كأنو في خطأ بالأس
في عنا 8 خانات 10000001 مكتوبين بالمتمم منقلب ومنضيف 1
01111111 وهاد الرفم عبارة عن 127 مو 255
وبجوز مو أكيد !!!

[AreF_KhaLiL]

هلأ الدكتور نوار قال انو ما نهتم للBias
والعدد طلع معي -1.5625*(2^-255)
ما بعرف اذا صح..

كأنو في خطأ بالأس
في عنا 8 خانات 10000001 مكتوبين بالمتمم منقلب ومنضيف 1
01111111 وهاد الرفم عبارة عن 127 مو 255
وبجوز مو أكيد !!!

هو بيطلع 127-

[AreF_KhaLiL]

مرحب
سؤال المذاكرة تبع اليوم :
لديك برنامج فيه 300 تعليمة مقسمة بالشكل التالي :
نمط A -------تحتاج ل 3 دور ساعة ---- النسبة نصف التعليمات
نمط B -------تحتاج ل 2دور ساعة ---- النسبة ثلث التعليمات
نمط C -------تحتاج ل 5 دور ساعة ---- النسبة الباقي التعليمات

=-=--=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
المطلوب :
علماً ان مدة نبضة الساعة الواحده هي 10 ns
احسب مايلي :
CPI الوسيطي - MIPS - وزمن التنفيذ للبرنامج ..
==-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

السؤال الثاني :
لديك العدادان بالترميز العشري 8.0625 و 12.03125

المطلوب :
تحويل الرقمين للترميز الثنائي - و جمع الرقمين - وضرب الرقمين
وفي كل مرة تخزين الناتج بطريقة الفاصلة العائمة الممثلة ع 10 بت بالشكل :
القسم الأسي : 5 بت
القسم الكسري الباقي ..

ويلي شايف السؤال سهل كتير يتفضل... لنشوف كيف حل و ياريت يلي بده يقدم حل يحكي شو عم
يعمل وبشرح وافي لان الهدف نفهم طريقة الحل وليس جواب نهائي

ملاحظة : انا هيك متذكر السؤال .. يعني مو شرط يكون السؤال متل ما هو حرفيا

[DRAGON]

هلأ الدكتور نوار قال انو ما نهتم للBias
والعدد طلع معي -1.5625*(2^-255)
ما بعرف اذا صح..

كأنو في خطأ بالأس
في عنا 8 خانات 10000001 مكتوبين بالمتمم منقلب ومنضيف 1
01111111 وهاد الرفم عبارة عن 127 مو 255
وبجوز مو أكيد !!!

اي صح.......

[Lama90]

سؤال المذاكرة تبع اليوم :
لديك برنامج فيه 300 تعليمة مقسمة بالشكل التالي :
نمط A -------تحتاج ل 3 دور ساعة ---- النسبة نصف التعليمات
نمط B -------تحتاج ل 2دور ساعة ---- النسبة ثلث التعليمات
نمط C -------تحتاج ل 5 دور ساعة ---- النسبة الباقي التعليمات

=-=--=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
المطلوب :
علماً ان مدة نبضة الساعة الواحده هي 10 ns
احسب مايلي :
CPI الوسيطي - MIPS - وزمن التنفيذ للبرنامج ..
==-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

cpi=cc/N
cc=150*3+100*2+50*5=900cycle

cpi=900/300=3

texe=N*cpi*t
N=300;cpi=3;t=10ns


Mips=N/texe*10^6

[AreF_KhaLiL]

تذكرة بالواحدت المستخدمة :
الزمن يقاس بالثانية ..
التردد يقاس بالهرتز ..
ويقابل :

الزمن .............التردد
ثانية ............ هرتز
ميلي ثانية .......كيلوا هرتز
بيكو ثانية ..... ميغا هرتز ..
نانو ثانية ........غيغا هرتز ..
بيرو هرتز .........تيرا هرتز ..

وكل درجة 1000
ويلي عنده غير كلام . .. يحكي

[AreF_KhaLiL]

cpi=cc/N
cc=150*3+100*2+50*5=900cycle

cpi=900/300=3

texe=N*cpi*t
N=300;cpi=3;t=10ns

Mips=N/texe*10^6

طيب ياسمين
هاتي لشوف بفرض انو N عندنا مجهولة .!! يعني عدد التعليمات الكلي غير معلوم ....كيف ممكن نشتغل ...

شو من شان السؤال التاني ... ما بدك تجربي فيه

[Lama90]

cpi=cc/N
cc=150*3+100*2+50*5=900cycle

cpi=900/300=3

texe=N*cpi*t
N=300;cpi=3;t=10ns

Mips=N/texe*10^6

طيب ياسمين
هاتي لشوف بفرض انو N عندنا مجهولة .!! يعني عدد التعليمات الكلي غير معلوم ....كيف ممكن نشتغل ...

N مجهولة فهمناها .... طيب شو اللي معلوم معي بهي الحالة

[AreF_KhaLiL]

N مجهولة فهمناها .... طيب شو اللي معلوم معي بهي الحالة

كلشي معلوم الإ N >?

[Lama90]

N مجهولة فهمناها .... طيب شو اللي معلوم معي بهي الحالة

كلشي معلوم الإ N >?

ما بعرف .. منخليها متل ما هي

[AreF_KhaLiL]

N مجهولة فهمناها .... طيب شو اللي معلوم معي بهي الحالة

كلشي معلوم الإ N >?

ما بعرف .. منخليها متل ما هي

طيب .. لح نعتبر انو N مجهولة .. وناخذ النسب كنسبة مئوية .. و بنحسب ال CPI بدون ما نقسم ع N >?
وبيكون cc هو cpi لأانو ما صار تقسيم ع العدد N >?

واذا عرفنا الCPI الوسطي لح نحسن نحسب باقي القوانين ..

والسؤال التاني .. بدنا همة .. معليش جربوا يا جماعة شو خسرانين

[alfarook]

السلام
طيب ممكن سؤال....؟؟؟؟
وين المحاضرات....ليش ما عم تنزل هوووون.....وخاصة العملي.....وكمان في مكتبة الشرق (محتكرة المحاضرات) لايوجد فيها غير محاضرة رقمية وحدة نظرية...وتحليل عددي على ما أظن.....اما بنيان ما في شي طيب ممكن نعرف السبب.....
مع كامل احترامي لكل مشرفي المواد.....
ياريت توضحولنا الأمر علشان نعرف شو بدنا نعمل.......
وبالتوفيق للجميع

[حبيبة الحب]

حدا ممكن ينزلنا نماذج كويزات البنيان ومشكور

[Future]

مرحبا
أنا قدمت مادة البنيان 3 مرات لحتى رفعتها
بس السبب يلي خلاني أحملها مو لأنها صعبة و ما بتترفع
بس لأني ما كنت عم أدرسها صح , لهيك لح حطلكون هالكم نصيحة
بالنسبة للعملي , فالحضور مهم كتير و المسائل يلي بتنعطى كتيييييير مهمة مشان فحص النظري
لأن المادة فيها كتير أمور نظرية , بس بالفحص لح تلاقو كتيير مسائل
و لهيك لما تدرسو للفحص النظري , لا تتركو مسألة تنفد من أيدكن , و المسألة يلي بتحلوها , لا تحاولو تحلوها بس مجرد تطبيق قوانين , يعني حطوها و فصفصوها و حاولو تعرفو شو يلي عم يصير بكل خطوة فيها لأن بالفحص لح تكونو قدام أكتر من طلب و عدد كبير من المعطيات مجموعة مع بعضها , و بتبلشو تحاولو تحلو
و يلي بيصير أنو الواحد بيضيع مع أنو بيعرف كل القوانين بس بيصير بيتلبك من شكل المسألة بينما لما يبسطها لعدة خطوات مفهومة بتنحل معو برياحة
و طبعا مو أنو ما بيجي أسئلة نظري , لأن في شوية أسئلة نظرية لازم الواحد يحلها كلها لأن بتساعدو كتير بالنجاح
و أي شي بدكن ياه انا جاهز
على فكرة أنا كان معي 12 بالعملي و الفصل الماضي رفعتها 68

[AreF_KhaLiL]

السلام
طيب ممكن سؤال....؟؟؟؟
وين المحاضرات....ليش ما عم تنزل هوووون.....وخاصة العملي.....وكمان في مكتبة الشرق (محتكرة المحاضرات) لايوجد فيها غير محاضرة رقمية وحدة نظرية...وتحليل عددي على ما أظن.....اما بنيان ما في شي طيب ممكن نعرف السبب.....
مع كامل احترامي لكل مشرفي المواد.....
ياريت توضحولنا الأمر علشان نعرف شو بدنا نعمل.......
وبالتوفيق للجميع

انا سمعت انو لح نعتمد ع محاضرات الأخ خالد الرفاعي - مع بعض التعديلات عليها - لأنها محاضرات متعوب عليها و السنة نفس المنهاج و قد يجري عليها بعض التعديلات حسب اعطاء الدكتور - نظري عملي -

وبالفعل محاضرات أخ خالد لا يعلى عليها - ولا يمكن مجاراتها ..

[AreF_KhaLiL]

حدا ممكن ينزلنا نماذج كويزات البنيان ومشكور

مافهمت عليكي .. انا نزلت آخر كويز صار معنا .. وان شالله كل ما نسوي كوز لح أكتبه فوراً و نشوف كيف ممكن نحله

[AreF_KhaLiL]

يا جماعة ليش ما حدا عم يفكر يحل السؤال التاني ..
انا من جهتي حليته .. خليكم هيك لشوف ايمتى ناوين تتدرسوا بنيان :vma ::

[The Pearl]

شكراً كتير عارف
خلص أكيد لح نحاول بالسؤال التاني

[wazzz]

لديك العدادان بالترميز العشري 8.0625 و 12.03125

المطلوب :
تحويل الرقمين للترميز الثنائي - و جمع الرقمين - وضرب الرقمين
وفي كل مرة تخزين الناتج بطريقة الفاصلة العائمة الممثلة ع 10 بت بالشكل :
القسم الأسي : 5 بت
القسم الكسري الباقي ..


انا عملت التالي :
ضليت قسم 8.0625 على 2 لحتى وصل انو 1 فاصلة غراض بعدين بيطلع معي الشكل النظامي مضروب ب 2 مرفوع للقوة (عدد خطوات التقسيم ) وهيك بيتمثل بشكل سهل
ومنشان الفاصلة

بنضل عم بنضربها ب 2 بيطلع معنا يا 0 او 1 وهيك بنكون قدرنا نطلع الجزء الكسري

[New Rose]

من بعد إذن مشرف البنيان ايمتا حتنزل المحاضرات
شرح الدوران بالأرشيف مختصر كتير غير اللي عطته المهندسة كأنو ما أخدو بالسنة الماضية

[الأمير]

من بعد إذن مشرف البنيان ايمتا حتنزل المحاضرات
شرح الدوران بالأرشيف مختصر كتير غير اللي عطته المهندسة كأنو ما أخدو بالسنة الماضية

ان شا الله بنهاية ببداية الاسبوع الجاية بتنزل كل المحاضرات .. بس ادعولنا

[The Pearl]

من بعد إذن مشرف البنيان ايمتا حتنزل المحاضرات
شرح الدوران بالأرشيف مختصر كتير غير اللي عطته المهندسة كأنو ما أخدو بالسنة الماضية

معك حق في شغلات عطتها المهندسة زيادة عن السنة الماضية
بس بنفس الوقت في شغلات نحنا مو مطالبين فيها هالسنة

[yoya]

مرحبا.....
بدي اسألكون:
1-في بتاني سلايدات وتحديداً محاضرة الحساب في الحاسوب في مثال صفحة 15 بس يا ريت توضيح كيف حسب مجال الترميز واصغر قيمة موجبة واكبر قيمة سالبة....؟
2-يا ريت شرح بسيط عن التدويرات للأعلى والأسفل والأقرب وايمتى بكون التدوير للأسفل متل البتر ؟؟؟
....
يا ريت تجاوبوني وأكون لكم من الشاكرين....

[firas00000]

1-في بتاني سلايدات وتحديداً محاضرة الحساب في الحاسوب في مثال صفحة 15 بس يا ريت توضيح كيف حسب مجال الترميز واصغر قيمة موجبة واكبر قيمة سالبة....؟

هلأ انا رح قللك متل ما فهمان بس بتمنى ازا كنت فهمان غلط حدا ينبهني..

-------------------------------------------------------------------------------------
مجال الترميز هو المسافة الفاصلة بين القيمة الصغرى والقيمة العظمى ..(طبعا القيمتين الصغرى والعظمى إلهن نفس المقدار بس وحدة موجبة والتانية سالبة .. وبالتالي إلهن نفس الترميز بس بالعظمى موجب
وبالصغرى سالب ..)معناتا رح نحسب ترميز المقدار الأعظمي:
المقدار متل ما طلع معو هو: 1.111 * 2^7 .. يعني يساوي 11110000 ..بالعشري بيصير :
(1*2^4 + 1*2^3 + 1*2^2 + 1*2^1)= 240

إذا
القيمة العظمى هي +1.111 *2^7 لها الترميز +240

القيمة الصغرى هي -1.111 *2^7 لها الترميز -240

إذا..
مجال الترميز هو المسافة الفصلة بين القيمتين بيطلع معنا 480
--------------------------------------

لحساب أصغر قيمة موجبة:
1- منخللي الأس يساوي أصغر قيمة ممكن تمثيلها على 4 بتات...بالنسبة للبت الرابع (بت الإشارة )لازم يكون سالب(بما إنو بدنا أصغر قيمة) (يعني 1)..
ضل 3 بتات منعبيهن صفار بيقوم بيطلع معنا (1000) منعمللو اتمام لـ2 بيطلع نفسو (1000) ..معناتا الأس هو (-8).

2-الجزء الكسري ممثل على 4 بتات (طبعا البت الرابع 0 لأنو القيمة موجبة)..ضل 3 بتات ..أصغر قيمة ممكن تمثيلها عليهن هي 001

من 1و2 نستنتج انو اصغر قيمة موجبة هي 1.001 *2^-8
------------

بالنسبة لأكبر قيمة سالبة بتنحسب بنفس الطريقة بس بت الإشارة الخاصة بالجزء العشري الممثلة بلمطال (1) .. يعني رح تكون نفس القيمة السابقة بإشارة سالبة
هي: -1.001 *2^-8
----------------------------------------

يا ترا كلام سليم

[yoya]

يسلمو فراس....
بس في شغلة
مجال الترميز ازا متل ما عم تقول مو المفروض يطلع 481 والواحد الزيادة مشان الصفر؟
مظبوط...؟؟؟

[AreF_KhaLiL]

يسلمو فراس....
بس في شغلة
مجال الترميز ازا متل ما عم تقول مو المفروض يطلع 481 والواحد الزيادة مشان الصفر؟
مظبوط...؟؟؟

هلأ انا بعرف انو مجال الترميز هو عدد الإعداد المحصورة بين حدي المجال ..؟ هلأ كلامك منطقي .. وانا بشوف كمان انو 481 اذا بدنا نكون كتير دقيقين .؟ ..

حدا عنده غير هل الحكي .؟