ممكن حل لهالمشكلة

[italianteacher]

الاشارة يلي منضغط عليها مشان نعمل ازالة للفلاشات عم تعطيني ازالة للهارد كيف بدي عالج هالمشكلة بدون فورمات
و مشكورين

[kira]

بكل بساطة قيم الفلاشة بدون ما تعمل ازالة الأجهزة وما بعرف شو
صرلي من وقت ما جبت اللابتوب لهلأ (three years ago)
ما كبست هالزر ولا مرة وما عطاني ولا مشكلة
يعني كلو علا بعضو مالو طعمة ....

[AreF_KhaLiL]

الاشارة يلي منضغط عليها مشان نعمل ازالة للفلاشات عم تعطيني ازالة للهارد كيف بدي عالج هالمشكلة بدون فورمات
و مشكورين

ياريت لو شوف الرسالة يلي عم تطلعك لأني ما فهمت عليك بالظبط !!! ..؟

عفوا kira بس هاد الزر كتير مفيد و يحمي الفلاشة من التلف .. انا صارت معي عن تجربة كنت معبي الفلاشة ملفات و كنت شيلها من الجهاز بدون استخدام هاد الزر .. ولكل مرة بيزيد القطاعات المضروبة فيها و فجأة تدخل و ما تلاقي شي فيها او يطلب منك فرمته لانها صارت غير صالحة !!

[E-CU]

إلى Kira :

من المفضل أنك تشيل الفلاشة بشكل نظامي في حالة واحدة لازم تنتبهلها :
إذا كنت عامل الفلاشة Optimized for performance لازم تشيلها بشكل نظامي وإلا ممكن يكون في بيانات لسا ما انتقلت للفلاشة وبالتالي ممكن تواجه مشاكل .
أما إذا اكنت Optimize for quick removal ففيك تسحبها فوراً ومباشرة طالما مافي عمليات تبادل معطيات معها (هذا غالباً هو الوضع الافتراضي مشان هيك ما عم تعمل معك مشاكل)
هلأ أنا حاطط الفلاشة Optimized for performance وبشيلها بشكل نظامي ومافي مشكلة وإذا شي مرة عصلجت معك عميل تشجيل خروج ثم دخول ورح يوافق النظام أنك تفصلها عنو .

إذا بدك تعملها Optimized for performance روح عالـDevice manager ومن هنيك انقر نقرتين على الفلاشة (طبعاً لازم تكون واصلها) وبعدين روح على النهج Policies وحط متل بالصورة اللي بالمرفقات "Optimize for performance" وبهالحالة بيصير في كاش للكتابة write cache يعني بتتفعل هالتقنية للفلاشة -فاحتمال أنت تفكر أنو البيانات كلها انكتبت وتسحب الفلاشة ويكون في شي لساتو بالمخبأ أو الكاش ما انكتب- ولا بد من عملية الـsafe remove وإلا ممكن تواجه مشاكل .

[E-CU]

الاشارة يلي منضغط عليها مشان نعمل ازالة للفلاشات عم تعطيني ازالة للهارد كيف بدي عالج هالمشكلة بدون فورمات
و مشكورين

شو النظام اللي عم تشتغل عليه ؟

عالأغلب هالأمر مجرد عدم تعرف النظام على الهارد بشكل صحيح (بيشوفو أنو external ) فإذا حدثت النظام بتنحل المشكلة ..
أنا كنت واجه هالشي بالإكس بي بس لما حدثتوا مشي الحال .
على العموم مافي مشكلة تذكر حتى لو حاولت تشيل الهارد بالـSafe removal ما رح يقبل النظام يفصلك ياه ولا مشكلة .

بقى قلنا شو النظام اللي عم تشتغل عليه ؟ وحاول حدثو .

[kira]

عفوا kira بس هاد الزر كتير مفيد و يحمي الفلاشة من التلف .. انا صارت معي عن تجربة كنت معبي الفلاشة ملفات و كنت شيلها من الجهاز بدون استخدام هاد الزر .. ولكل مرة بيزيد القطاعات المضروبة فيها و فجأة تدخل و ما تلاقي شي فيها او يطلب منك فرمته لانها صارت غير صالحة !!

ايوه.....يمكن كنت تشيلها وهية عم تنقل بيانات او كنت تحطها وتشيلها قبل ما يتعرف عليها الجهاز عالمظبوط
فبهالحالة اي رح تتضرر الفلاشة ....

@ e-cu
صراحة انا ما بعرفها هي قصة Optimized for performance
بس اذا الفلاشة منيحة وسريع نقلا وما فيا البلا ليش لحتى نحطا بهي الوضعية؟؟؟
يسلمون شباب عالمعلومات ...بس برجع بقول انو صرلي سنين عم حط وقيم الفلاشات والهاردات ضغري وبدون ازالة وما صارت اي مشكلة معي....

[italianteacher]

يا شباب انا عم استخدم windows 7

فلما كون بدي شيل الفلاشة بضفط على الزر تبع ازالة بامان عم لاقي انو حاطلي الهارد معو دايما حتى لو ما في فلاشة بكون الهارد موجود باللائحة

هلا انا صارت معي على الاكس بي وبس فرمتت صرت جرب التعرفات كلها
فلاقيت انو بس عم عرف اللوحة عم يصير الهارد يظهر بالقائمة

بس انا ما بعرف كيف بدي شيل تعرف اللوحة بدون ما فرمت

بعدين الهارد بس كنت اعملو ازالة ما كان يرجع الا بالفورمات


و انا ما بدي فرمت

[AreF_KhaLiL]

يا شباب انا عم استخدم windows 7

فلما كون بدي شيل الفلاشة بضفط على الزر تبع ازالة بامان عم لاقي انو حاطلي الهارد معو دايما حتى لو ما في فلاشة بكون الهارد موجود باللائحة

هلا انا صارت معي على الاكس بي وبس فرمتت صرت جرب التعرفات كلها
فلاقيت انو بس عم عرف اللوحة عم يصير الهارد يظهر بالقائمة

بس انا ما بعرف كيف بدي شيل تعرف اللوحة بدون ما فرمت

بعدين الهارد بس كنت اعملو ازالة ما كان يرجع الا بالفورمات
و انا ما بدي فرمت

هلا هي الفكرة انو الهارد يلي مركب عندك بيدعم ميزة الإزالة بدون قطع الكهرباء عن الجهاز .. بس كمان الموضوع مشكوك فيه ..
ادخل ع اعدادات اللوحة الأم - و بدل وضع ال SATA الى IDE او حسب مو مكتوب عندك المهم شيل الخاصة AHCI ..؟
وجرب .. اذا صار يعيد التشغيل فورا .. امم بدنا نفكر بغير شي .. اما اذا أقلع الجهاز عادي وقتها بظن أكيد لح تروح هل الميزة يلي زاعجتك

[الكاميكازو]

أنا كنت اشتغل بمحل حط يوميا شي 50 فلاشة على الكمبيوتر

وبمجرد ما اخلص شغل من نسخ أو غيرو كنت قيم الفلاشة بدون الازالة بأمان وبدون مشاكل


بس بتوقع نوع الفلاش الو تأثير