إلى متى ؟؟

[The Lady]

دراسة دراسة دراسة و دراسة ......................
لايمتى ؟؟؟
يعني بقصد لايمتى الأنسان رح يبقى يدرس ؟؟هلئ ماتقلولي ( العلم من المهد الى اللحد ) وكل دقيقة بعمر الإنسان هي علم بذاته لاء
أنا مابقصد التعلم الشخصي أو الثقافة العامة هتول أمور مابتتوقف بحياتنا
بقصد ايمتى كل واحد منكم بيفكر يوقف دراسة باختصاصه هو هالموضوع يمكن لغيرنا من الفروع أكتر بس يعني في ناس من جامعتنا بتقول أنا مابدي كمل ماجستير مو بالضرورة كمل!!
وفي ناس بتقول ماجستير بره وبعد فترة بتلاقيها لقو شغل مناسب وتركو الماجستير
والبعض بيقول لاء أنا مابوقف لكمل كلشي ضمن اختصاصي دورات وغيره
ياريت شوف طموح كل شخص لوين بيوقف و مابيعني أنك ازا بتحب توقف عند حد معين انك انسان غير طموح اوكي

[N.Sham]

دراسة دراسة دراسة و دراسة ......................
لايمتى ؟؟؟
يعني بقصد لايمتى الأنسان رح يبقى يدرس ؟؟هلئ ماتقلولي ( العلم من المهد الى اللحد ) وكل دقيقة بعمر الإنسان هي علم بذاته لاء
أنا مابقصد التعلم الشخصي أو الثقافة العامة هتول أمور مابتتوقف بحياتنا
بقصد ايمتى كل واحد منكم بيفكر يوقف دراسة باختصاصه هو هالموضوع يمكن لغيرنا من الفروع أكتر بس يعني في ناس من جامعتنا بتقول أنا مابدي كمل ماجستير مو بالضرورة كمل!!
وفي ناس بتقول ماجستير بره وبعد فترة بتلاقيها لقو شغل مناسب وتركو الماجستير
والبعض بيقول لاء أنا مابوقف لكمل كلشي ضمن اختصاصي دورات وغيره
ياريت شوف طموح كل شخص لوين بيوقف و مابيعني أنك ازا بتحب توقف عند حد معين انك انسان غير طموح اوكي

والله سؤال كتير بقلبي

يعني بتمنى اقدر كمل للدكتوراة بس بحس انو يمكن اتعب كتير ووقف بتمنى اقدر اعمل هيك وكمل لاني وعدت بهالشي

بس يعني شي بعتقد انو رح كمل لاوصلو هو الماجستير يعني هي أكيد ان شاء الله

والدكتورة مشروع مؤجل للظروف

[the master]

هلأ الشغلة أكيد بترجع وقتا للظروف..يعني هلأ إذا صحتلي مثلاً شي سفرة ما رح فكر إني كمل الدراسة للدكتوراة..أو حتى لو صحلي شي شغل بالبلد بشي شركة متل الخلق ممكن إشتغل..وآخر شي ممكن فكر في هوة الدكتوراة أو الماجستير...

[N.Sham]

بس ع فكرة ايهم فيك تكمل ماجستير ودكتوراة حتى وانته عم تشتغل هلأ لازم يكون شغلك بنفس البلد اللي عم تدرس فيها بس الشغل مابيعيق انك تكمل وهي أساتذة العملي عنا كلون عم يكملو ماجستير وبنفس الوقت عم يدرسوا فما دخل

[the master]

بس ع فكرة ايهم فيك تكمل ماجستير ودكتوراة حتى وانته عم تشتغل هلأ لازم يكون شغلك بنفس البلد اللي عم تدرس فيها بس الشغل مابيعيق انك تكمل وهي أساتذة العملي عنا كلون عم يكملو ماجستير وبنفس الوقت عم يدرسوا فما دخل

يسلمو على هالمعلومة بس بالأصل حتى لو هيك أنا لو صحلي شغل منيح من دون ماجستير أودكتوراه ما رح كمل لأنو عن جد مليت من الدراسة..قليل درسنا 12 سنة لهلأ ولسا قدامنا 5 سنين..ولي

[kh.ri]

the lady شكرا كتير على هالموضوع
شباب أنا برأيي بوجود الهمة للتكميل والوصول لمراتب أعلى ...شغلة حلوة بس قطعا بتتوقف على الوضع المادي للطالب بالدرجة الأولى
يعني الكل بيعرف أنو في طلاب كتير مو مصدقين اييمتى يتخرجوا كرمال يشتغلوا بشغل معين مدر للمال وبينسوا الدراسات العليا و المراتب الأعلى...
وأنا بإذن الله إذا تهيأت الي الفرص لح وصل الى أخر الطريق ....ان شاء الله طبعا ....

[mano]

اول شي شكرا كتير على الموضوع هاد ..

انا طموحي انو وصل لاعلى المراتب. ان شاء الله .. ماجستير او دكتوراة . .
يعني هلق لسا باقي حوالي 4 - 5 سنين للواحد حتى يتخرج ..
طبعا الواحد لما بدو يكمل للدرجة هو اعلى من المستوى يلي وصلو بتكون ع حسب اوضاع الطالب يعني ممكن الواحد يتخرج ويلاقي شغل ويشتغل
وهو طموحة انو يوصل لاعلى المراتب .انو بدويوصل للماجستير او للدكتوارة بس ظروفة ما بتسمحلة .( الاوضاع المادية) .. وفي ناس بيقولو
انو بس بدي اتخرج ولاقي شغل ويشتغل انو حاجة كم سنة بدو يضل يدرس ..
وفي ناس بحبو العلم كتير. واخده كل وقتهم . وبحبو انو يوصلو ويكملو بالاختصاصهم لاعلى المراتب .. .. والله يوفق الجميع ..

[life moon]

أنا مابتصور حالي أنو أقعد كم شهر بدون دراسة لأنها صارت ماشية بدمي وزاد هالشي بعد فوتي عالجامعة يعني هلأ حسيت بلذة العلم (الله يديمها نعمة)وحلو أنو الواحد يحط ببالو طريق ويحاول أنو يمشي فيه للأخير وشو ما اعترض بطريقو لازم يكون أقوى منه (وطبعا لازم يكون هالطريق واقعي )
وأنا بتصور أنو the masterرح يغير رأيو بعد مايصير سنة خامسة(ان شاء الله)

[the master]

دراسة دراسة دراسة و دراسة ......................
لايمتى ؟؟؟
يعني بقصد لايمتى الأنسان رح يبقى يدرس ؟؟هلئ ماتقلولي ( العلم من المهد الى اللحد ) وكل دقيقة بعمر الإنسان هي علم بذاته لاء
أنا مابقصد التعلم الشخصي أو الثقافة العامة هتول أمور مابتتوقف بحياتنا
بقصد ايمتى كل واحد منكم بيفكر يوقف دراسة باختصاصه هو هالموضوع يمكن لغيرنا من الفروع أكتر بس يعني في ناس من جامعتنا بتقول أنا مابدي كمل ماجستير مو بالضرورة كمل!!
وفي ناس بتقول ماجستير بره وبعد فترة بتلاقيها لقو شغل مناسب وتركو الماجستير
والبعض بيقول لاء أنا مابوقف لكمل كلشي ضمن اختصاصي دورات وغيره
ياريت شوف طموح كل شخص لوين بيوقف و مابيعني أنك ازا بتحب توقف عند حد معين انك انسان غير طموح اوكي

طب ليش ما بتخبيرنا إنتي يا the lady شو ناوية تساوي بس تتخرجي؟؟

[wazzz]

عن جد العلم فيو لذة كتيير حلوة وانا لقيتها بس فتت على الجامعة بعد شي شهرين ومن وقتها بلشت طريقي الى المناصب العليا انا مو متلكم لح وقف حلمي عند الدكتوراه
بس انا اكتر شي ناويليو هو انو تنحط صورتي على اللوحة تبع الكلية وهادا حلم لح حققو كل واحد كان عندو حلم وهو انو ننجح بالبكالوريا بعلامات حلوة وهلق بس حققنا اول خطوة عنا الخطوة التانية وبالنسبة إلي انو كون من الأوائل واختص ذكاء صناعي وطور حالي بالبرمجة والإدارة حاكم مو ضروري كل واحد عنا يكون عندو مواهب بالبرمجة بس في كتيير ناس وانا منهم قدراتي البرمجية يمكن ما بتطلع قد نص قدراتي الاجتماعية يعني الواحد لازم يسخر كل شي ليحدد مصيرو

[الأمير]

انا من ناحيتي خليني انجح السنة الأاولى بسلام بعدين رح فكر بالناجستير يعني خلينا نخلص بكالوريوس




بعدين منكل عفريت إذا بدكن

[Joolnar]

أنا إن شاء الله بطمح كمل دراسة بعد ما اتخرج، سواء ماجستير ، أو إذا صحلي بره...يعني حسب الظروف..
و الحلو بدراستنا ، إنو تلقائياً و انت عم تشتغلي، بتطوري حالك...يعني إذا شغلك كان عالنت، أو حتى بشركة، فيها أكيد كتير ناس عندن خبرة أكتر منك، لح تضلي تتعلمي شي جديد كل يوم...
فاطمني، ما لح تتعذبي وقتها بالدراسة لح تجي المعلومات لحالها...

[The Lady]

جوابا عسؤالكم أنا متل البقية بطمح لأعلى شي بس بقلكم فكرة السفر ، وخصوصي لأنو الاختصاص بره غير، مالي معه كتير
لهيك هي بتوقف عالظروف كيف ممكن كمل مجال تعليمي
أنتوا بتعرفو شباب أني ممكن كمل سنتين بره تعادل أكتر من ماجستير ودوكتوراه عنا صح لذلك الظروف هيك المتحكم الأساسي بس الطموح الحمدلله موجود

[mino87]

أنا من ناحيتي ان شاء الله اذا صحلي كمل بعد ما اتخرج فوراً ما حأتردد ان شاء الله...
بس المشكلة أنو أنا بدي ذكاء صنعي ومجالو برا كتيير أحسن من هون مشان هيك ما بظن أني كمل هون...

[N.Sham]

بس ع فكرة انطلاقا من تجربة ذاتية السفر للخارج للعمل أكبر خطأ صدقوني

وللدراسة إذا ماكان عندك ارادة قوية أبدا مو نصيحة لان بجد بيقدمولك كل انواع المغريات لتبقى وماترجع لبلدك

وآخر شي بياخدوك لحم وبيرموك عظم

[kh.ri]

يا شباب والله السفر حلو للدراسة بس ما حلو للشغل لأنو مصيدة ...........ويلي بسافر ما عد يرجع ؟؟؟

[The Lady]

سألونا نحن المغتربين عن السفر ، خطوة الدراســـــــــة بتجرها خطوة الشغل وبعدين الاستقـــــــــــرار ووهيك
طبعا مو الكل بس الاغلبية

[the master]

سألونا نحن المغتربين عن السفر ، خطوة الدراســـــــــة بتجرها خطوة الشغل وبعدين الاستقـــــــــــرار ووهيك

[N.Sham]

صحيح حكي ليدي

يعني لما كنت بدي ادرس بالإمارات كانت وظيفتي مأمنة من قبل ما اتخرج ومو حيللا وظيفة لأ وظيفة بمغريات راتب وسكن وسيارة

فنصيحة ازا كنتو مو قد انو ترجعوا لا تساافروا أبداً

[RoOoBi]

الصراحة موضوع ائع تفركشت فيه

وحبيت انو نحنا كسنة اولى نعرف شو طموحات بعض

ونستفيد من السنين الاكبر

---------------------------------------

انا اكيد بعد سنة سنتين مابشوف حالي مكملة دراستي بسوريا

انشالله بدي سافر ومتل بابا مابيقول اهم شي تاخدي الدكتوراة بس عالقليلة

[hiba-]

دكتوراة يي روبي ابوكي شو قنوع

[RoOoBi]

دكتوراة يي روبي ابوكي شو قنوع

اي عفاني من البرفسورية

قال في عالم بينادولها مهندس وناس دكتور

فشو في احلى من دكتور مهندس

يمكن ((حجي))احلى

[nano.k]

هلا بالنسبة لموضوع السفر مشان الدراسة فقط يعني مو للعلقة هنيك... انا مع

وانا من طموحاتي اني كمل دراستي برا وجيب الدكتورا وارجع اشتغل هون ببلدي مو ببلد
تاني طبعا.. طبعا وين لنخلص لسا مطوليييين..

تاري تفكير بابا متل تفكير ابوكي روبي... لهون لاحقتيني

سلام

[RoOoBi]

هلا بالنسبة لموضوع السفر مشان الدراسة فقط يعني مو للعلقة هنيك... انا مع

وانا من طموحاتي اني كمل دراستي برا وجيب الدكتورا وارجع اشتغل هون ببلدي مو ببلد
تاني طبعا.. طبعا وين لنخلص لسا مطوليييين..

تاري تفكير بابا متل تفكير ابوكي روبي... لهون لاحقتيني

سلام

انا مع السفر والعلقة بحب سافر وماارجع((بس قلبي مابيطاوعني))

بس كمان والله الاغراءات يلي هنيك الواحد ماعاد فيه يقاوم

شايفة شايفة يانانوو

[shado-ite]

اي واللله وليش حتى نرجع انا انشالله امر السفر صار محسوم وظروفي كتيير مشجعة للسفر
وبصراحة ما عم بفكر ارجع اما شغلة ياخدوك لحم وبرموك عظم
انا معة ولازم نخدم الدولة يلي لج تعلمنا

[Z.Z]

برأي انو طموحي العلمي لا يتوقف على نيل شهادة او اثنين أنا بهمني انو اعمل جهدي لأتعلم قد مابقدر وعلم وفيد واستفيد

[AreF_KhaLiL]

وجهة نظر :

انا اذا حسيت حالي قادر كمل دراسة ماجستير و ... ممكن .. بس بصراحة بطمح للسفر كتير ..

المشكلة :
انو الواحد بهل البلد حتى لو كان عنده قدرات لح تتجمد او يمكن تتراجع لأنها ما تتطور .. وما في شي يساعد عليها . .. اما ان تكون انسان منتج عادي .. او لا شيء ... بس مع السفر لح نلاقي تطور مستمر بعلمنا وعملنا ..

[A-S-M]

انشالله بتخرج من هون ودغري سفرة لانو مثل ما قال الاخ عارف

انو الواحد بهل البلد حتى لو كان عنده قدرات لح تتجمد او يمكن تتراجع لأنها ما تتطور

[OMARKH33]

السلام عليكم

موضوع جميل - الله يجزيكي الخير - ويستحق التفكير

ولكن بالنسبة لي اود توسيع الدائرة - باعتباري طموح او احب ان اكون كذلك -

ماااااذا بعد

ماذا بعد الماجستير والدكتوراة والعمل ووو ......
هنالك المووت ولست بضامن عمرك وماذا بعد ---- انا اسف لست متشائما ولا يائس ولا الى ما هنالك لكن هل تستحق الحياة كل هذا الجهد

اذا النتيجة ما هي الحياة بنظرك وما موقعك من هذه الحيااة
غايتي اني في هذه الحياة ان احقق هدفي وان اضع بصمة في هذه الحياة
اذن ليست الغاية ماجستير او دكتوراه او عمل ممتاز او او او . . . . ولكن الغاية هي هدف اعظم
هي الحياة بحد ذاتها او بالاحرى ( وبنظري ) ما بعد الحياة
فدراستي لهدفي والعلم متعة لي لانه ليس غاية وحسب بل هو جسر الى المكان الذي اصبو ان اكون فيه

اونا اصر على قولي بالنسبة للتغرب

تغرب عن الاوطان في طلب العلا . . . . . . وسافر ففي الاسفار خمس فوائد
تفرج هم واكتساب معيشة . . . . . . وعلم واداب وصحبة ماجد
فان قيل في الاسفار ذل ومحنة . . . . . . وقطع الفيافي وارتكاب الشدائد
فموت الفتى خير له من قيامه . . . . . . بدار هوان بين واش وحاسد

[hiba-]

اي مو اول شي لنفهم برمجة لاني اصلا حاسة حالي متل الامية فيها
بس في حال فهمتا فانا بحب كمل دراسة لانو صدقوني ما في احلى من الدراسة